̣̇•̤̣̈̇•̣̇•••̣̇•̤̣̈̇•̣̇┈┈
وين أنت ياللي عالمشاعر تسلطنت
واشغلتني عن كل كائن ومخلوق
̣̇•̤̣̈̇•̣̇•••̣̇•̤̣̈̇•̣̇┈┈
من قبل أعرفك مااعرف وين انا كنت
ولا كنت أعرف ان الهوى قمة العوق
̣̇•̤̣̈̇•̣̇•••̣̇•̤̣̈̇•̣̇┈┈
محتاج لك لوتسمح شوي لاهنت
مليت ألمح لك من الضيق مخنوق
̣̇•̤̣̈̇•̣̇•••̣̇•̤̣̈̇•̣̇┈┈
مليت أسولف عن تجافيك وايقنت
إن الزمن لاحس عنده ولا ذوق
̣̇•̤̣̈̇•̣̇•••̣̇•̤̣̈̇•̣̇┈┈
رابع سنة مرت وللحين ما بينت
لا ديمتك ديمه ولا بروقك بروق
̣̇•̤̣̈̇•̣̇•••̣̇•̤̣̈̇•̣̇┈┈
ضاع العمر ياللي بروحي تمكنت
وأحنا نردد كل مطرود ملحوق
̣̇•̤̣̈̇•̣̇•••̣̇•̤̣̈̇•̣̇┈┈
إن كان ردت للمراسيل هونت
لأن المراسيل إنتهت مالها سوق
̣̇•̤̣̈̇•̣̇•••̣̇•̤̣̈̇•̣̇┈┈
وإن كان ردت للأمل خير عينت
إن أشهد إني جيت للقاع من فوق
̣̇•̤̣̈̇•̣̇•••̣̇•̤̣̈̇•̣̇┈┈
البارحة لا زان حظي ولا زنت
كن الحزن طوق على ناظري طوق
̣̇•̤̣̈̇•̣̇•••̣̇•̤̣̈̇•̣̇┈┈
وين إنت ياللي في عذابي تفننت
بهديك بيت ما على غيرك يلوق
̣̇•̤̣̈̇•̣̇•••̣̇•̤̣̈̇•̣̇┈┈
بهديك بيتن كم سنة فيه هيجنت
بيتن يساوي ألف معنى وطاروق
̣̇•̤̣̈̇•̣̇•••̣̇•̤̣̈̇•̣̇┈┈
ليت الخلايق تنقلب كلها إنت
واصير اشوفك كل ماشفت مخلوق
27-03-2011, 02:21 PM
ليت الخلايق تنقلب كلها انت .. واصير اشوفك كل ما شفت مخلوق 
المواضيع المتشابهه 
العرض المتطور
