¸.•´¯`•.¸ الأســــرار ¸.•´¯`•.¸

#1 (**permalink**) 02-12-2010, 12:55 AM

..~ الأسرار ~..
للشــاعر // فهد المسـاعد

يا رفيف الماء .. وفجر العيد .. وأحزان المواني
..........يا أكثر أهل الأرض طيبة قلب .. وأسرار دفينه

المكان اللي هنا .. مليان ضحكات ، وأغاني
..........والكلام اللي بغيت أقول .. يحتاج لـ سكينه !

شوفي الركن البعيد هناك .. كنه صدر حاني
..........هذا هو اللي يليق بـ شاعر و بنت حزينه!

أنسي الشارع ، وعتمات الزوايا ، والمباني
..........هاتي يدينك نلف الغيم و نشكل مدينه !!

عندي الليلة كلام و صمت .. وأخاف الثواني
..........تظلمه .. أو تظلم اللي فيه كم ضاعت سنينه

بس لازم تسمعين اللي أبي ولا تراني
..........لو بـ أعيده لك .. نسيت .. ورحت أقول اللي تبينه

شي واحد قبل ما أبدأ .. ما أبي أي شي ثاني
..........يخطر ف بالك .. وأنا أكشف لك شعور تجهلينه !

إن أنا .. وبكل ما تحمله " أحبك " من معاني
..........كنت ، وراح أبقى أحبك .. لين .. مدري وش هو لينه !!

بس والله ماقدرت أنسى .. ولا همي نساني
..........لا ذكرت إنسان .. فيه أسرار مابينك وبينه

كل ما تطري علي فكرة هواك الأولاني
..........أشعر إني أنطعن مليون مره من يدينه!

أشعر إن عيونك .. الله ما خلقها إلا عشاني
..........كيف كانت تبتسم له؟!.. قولي إنك تخدعينه !!

صورة إنه كان يمسح دمعك .. تزلزل كياني
..........وكيف كان يلم شعرك .. ويتبعثر في يمينه

حتى اسمك يوم رحت أدلله .. حظي رماني..
..........بنفس الاسم اللي يقول .. بذمتك ماهي غبينه !؟

وكني اللي .. كل ما أناديك بالاسم الفلاني
..........أطلب النسيان .. يترك منه شي تذكرينه !!

لا تظنيني أناني .. لا .. أنا مانيب أناني
..........لو سلمت من الغرق . بـ أموت في ظهر السفينه!

يا إني ما أكمل وأعاني .. أو أكمل ثم أعاني..
..........كل ما اسمع طاري اسمه .. أو تجي عيني في عينه!

أينا كان الضحيه ؟.. وأينا اللي كان جاني ؟
..........مدري !.. ولكن قراري لازم إنك تقبلينه:

مثل ما أكره فكرة إنه واحدٍ ياخذ مكاني
..........ما أقدر أجلس في مكان إنسان.. كنتي تعشقينه!

مما راق ليَََ

#2 (**permalink**) 02-12-2010, 01:46 AM

سويـــــــت قيــــرل
اختيــــار رائـــع ومميـــــــز
قصيــــــده رائعـــــــه لشــــــاعر مبـــدع
ذائــــــقه مميــــــــــزه سويت ننتظـــــــــر جديـــدك
تقبلي مروري

#3 (**permalink**) 02-12-2010, 02:14 AM

ŚωєєT ĞiяL

صدقيني القلم يخجل ان يثني عليك

صدقيني اتمنى ان اسطر حرفي في اي موضوع لك
ولكننا نعجز دائما ان نعبر لك عن اعجابنا بك .. لذا فنحن نصمت

لك احترامي وتقديري