| LinkBack | أدوات الموضوع | إبحث في الموضوع | التقييم: | انواع عرض الموضوع |
|
| ||||||||
الله لايهينكم ...عطونا من سوالف شيبانكم بسم الله الرحمن الرحيم فكرة طرت علي قبل شوي ورا مانجيب شي من سوالف شيبانا ونطرحها هنا منها نعرف بعض السوالف القديمة ومنها الفكاهيه ببدا انا بأول سالفة يمكن بعضكم يعرفها والبعض الاخر لا قبل مابدأ رجاء الى جنس حواااء عدم الزعل لان السالفة فيهن يمكن بعضكم سمع بالمثل اللي يقول ( لاصاحت البنت فافزع للولد ) السالفة اللي بقولها هي سالفة المثل الشهير ( امهات حميّر ) ...وهو تصغير حمار (اعز الله القارئ) وسالفتها سلمكم الله هي: هذي كانت حرمه تروح السوق كل خميس تبيع اللي عندها من اقط وسمن وغزل وغيره من الاغراض وتشتري اغراضها اللي تحتاجها وترجع لبيتها في نهاية اليوم هالحرمه ذاك اليوم شرت اغراض كثير ولا قدرت تشيلها من كثرها شافت ذاك الرجال اللي عنده حمار ( ذيك الايام الحمار يسوى عند الناس همر هالايام ) المراد قالت ياولد تشيل اغراضي على حمارك لين اوصل بيتي في المكان الفلاني وبعطيك ( الكروه اللي تبيها ) * قال طيب وحمل اغراضها وحطها فوق اغرااااضه ومشوا وهي تمشي وراه شوي الا طاح غرض من اغراضها قالت ياولد وش رايك بالشووور قال لها وشهو ؟ قالت حط اغراضي تحت اغراضك علشان ما عاد تطيح قال طيب اللي تبين ياخاله وقام وحط اغراضها تحت واغراضه فوووق اغراضها لما وصلت بيتها وش صاااار ؟؟؟؟؟؟؟؟ قال لها : وين تبين احط اغراضك وعطيني كروتي علشان مستعجل ؟؟ قالت وش كروته انت اللي عطني كروه يومك شلت اغراضك على حماري !!! قالت ذا حماري وصاحت يالاجاويد يبي يسرق حماري ؟؟ اجتمعوا الناس وش صار وش جرا ؟ قال لهم السالفه قالت كذاب واذا انتو منتوا مصدقيني شوفوا من اللي اغراضه تحت ومن اللي اغراضه فوووق طبعا اللي معروف ان صاحب الحمار هو اللي بتصير اغراضه تحت ؟ وطبعا شاااتوا المسيكين وخذوا الحمار وعطووه الحرمه ومن يومها يسمون الحريم امهات حميير وسلامتكم
آخر تعديل محمد السهلي يوم
15-10-2010 في 05:38 PM. |
| ||||||||
رد: الله لايهينكم ...عطونا من سوالف شيبانكم |
| |||||||||||
رد: الله لايهينكم ...عطونا من سوالف شيبانكم
رحـــآآل بصراحة موضوعك جونــــآآآن آآآآآآخ يا ليت جدتي عندنا ألحين عشان تقولي سوالفهم من أول ههههههه << المشكلة سوالفها متعدية الخطوط الحمراء بواجد خخخخخخخ يلا انا بفكر بسالفة حلوهـ ومناسبة وبسدحها هنا... وأحلى تقييم رحــــآآآل.
|
| ||||||||||
رد: الله لايهينكم ...عطونا من سوالف شيبانكم |
| |||||||||||
رد: الله لايهينكم ...عطونا من سوالف شيبانكم |
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
سوالف خكري مع امه | محمد | مساحة للضحك والفرفشة | 6 | 01-09-2009 04:43 AM |
سوالف محششين | محمد | مساحة للضحك والفرفشة | 6 | 26-08-2009 08:17 PM |
حـــــــــوش الكـــذب .. اسدحوا كذباتكم فيذا الله لايهينكم .. | محمد | مساحة للضحك والفرفشة | 5 | 07-12-2008 03:58 PM |
عطونا أخبار الأمطار على المحافظة | zizz | منتدى السفر والسياحه | 3 | 04-11-2008 12:48 PM |
سوالف الــريــاضيه.. | معشي الذيب | الرياضة والشباب | 5 | 27-12-2006 09:26 AM |