~¤¦¦§¦¦¤~ صدفــه لفهد المساعد ~¤¦¦§¦¦¤~

#1 (**permalink**) 13-10-2010, 12:43 AM

الشوق ماله عمر , يفنى وينعاد
............... .........له في الضلوع أن عاد وأن غاب رجفه

مع كل فرقا , له ورى الجفن ميلاد
............... .........وأن ماتت الفرقا لقى الشوق حتفه

جيت أقتل الفرقا من بلاد لــ بلاد
............... .........ملّ الطريق يشيلني فوق كتفه

وأنا بعد مليت من كثر ما أرتاد
............... .........هالشار ع اللي كان لك فيه شرفه

تظمأ عيوني شوفك , وتشبع سهاد
............... .........عيّا الزمن يقطع ظماها بــ رشفه

لاوجهك أسقاها , ولا ذاقت رقاد
............... .........ماغير طيفك , طيفك اللي أعرفه

كنّه ظبي , وعيوني ظلال صيـاد
............... .........يجفل قبل يرتد للجفن طرفه

مشكلته أنه كل ما أشتقت يزداد
............... .........حتى ملا جدران وقتي وسقفه

وأصبحت أشوفه فــ أول الغيم لاجاد
............... .........وفــ أقصى الشفق لاطاحت الشمس خلفه

وفـي الأرض لانامت عقب صوت رعاد
............... .........وفي كل شباك ٍ صحت منه درفه

أتعبت طيفك لوم , واللوم مافاد
............... .........ويوم الأمل في شوفتك مات نصفه

نويت أسافر عنك بجروح ٍ جداد
............... .........وعمر ٍ من أوراق الزمن حان قطفه

نويت , لكن جابني الشوق منقاد
............... .........وجابك حنينك , والزمن سال عطفه

شفتك تبــسّـم لي خجل مدري عناد
............... .........وفي نظرتك شوق ٍ من الظلم وصفه

حسيت كني طفل , وعيونك أعياد
............... .........ياعيدي اللي له ورى الصدر رجفه

سـمّ اللقا صدفة , وأسـمّيه ميعاد
............... .........أنا أنتظرتك , وأنت مريت صدفه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعريف الفهاوهـ ربما تكون مفهي وانت لا تعلم.!!	كنق الفياض	مساحة للضحك والفرفشة	21	24-07-2010 05:38 AM
البوم الأسرار للشاعر فهد المساعد:: الفجر البعيد	محمد	صهيل القصيد	12	10-10-2009 03:26 PM
كبــــــــــــــوة جـــــــــــواد .. لـــفهد المساعد ..	محمد	صهيل القصيد	8	30-12-2008 08:05 PM
فــــــــــهـ المساعد ــــــــــد	محمد	صهيل القصيد	6	02-05-2008 05:29 PM
هذي المصاعد بالمستقبل .....	محمد	لُغَة الصور .. والكاريكاتير الساخِر	14	31-01-2008 09:23 PM

~¤¦¦§¦¦¤~ صدفــه لفهد المساعد ~¤¦¦§¦¦¤~

صهيل القصيد