فرقاك عندي عيد والعيد فله

دامك تعرف إنك بعد صدك تعود=وش جابرك تمشي طريق المذله
ترى الكرامه يارفيقي لها حدود=ودرب الثقل ياخوك منته تدله
صعبه تعوض نقصك بشي مفقود=من شان تاصل شي غيرك وصله
ترى التطبع بعض الاحيان منقود=لو عشت جو الدور تفضحك زله
باقولها من دون تلميح وقيود=وكلن مع التوضيح يعرف محله
ترى التغلي يعتبر عندي جحود=ومن شاف نفسه عفت بعضه وكله
من غاب ليله صار ماهو بموجود=اقدر بدال الشخص آجيب شله
ياما نصحتك والبشر كلها شهود=درب الثقل بالله ياخوك خله
ترى العمر وان طال ياخوك معدود=وإنت بعنادك زايد الطين بله
إلا تبيني اربط القلب بقيود=واصير شخصن يتبعك مثل ظله
بدري عليك انهد وآصير مهدود=وبدري على شرواك قلبي يذله
شوف النهايه صرت تبكي ومكيود =وصرت اتمنى شوفتي لو بطله
هذي علومك ماورها ولا فود=ومن هالرجاوي صابت القلب عله
لتذل نفسك والامل صار مفقود=جرحت خدك يوم دمعك تهله
ولتقول بفرش دربك ازهار وورود=فرقاك عندي عيد والعيد فله

كــل آلشكــر لـ سموك آلكريم .. عــلى روعــة
وجميل .. توآجدك آلعــذب
لآ عدمنـآك آبدا

دمــت بسعــآدهـ .. و .. خــــــــــيـر
تقديـري .. و .. آحترآمـــــــي لـ ذآتــك آلطيبه

لقلبي ــأن يسعد بمرور ــالكرام ــأمثالكِ
على ــأحرفي ــالمتواضعة