عواطف ناصربن حضرم..ترجمتها في ابيات ارجو ان تنال الاعجاب**نـــــ بن حضرم ــــاصر**

السلام عليكم

مساء الخير او صباح الخير للجميع

ندخل بالموضوع على طول

كل واحد فينا عنده حس عاطفي يحمله في قلبه..

وكلمة الشاعر هي التى تفترق بين الاخرين كل انسان شاعر بس منو الشاطر اللي يستطيع ان يترجم مابقلبه بتنسيق ووزن اظن صعب على البعض لكن سهله على البعض الاخر ..

مابي اطول عليكم

هذي القصيدة كانت بقلبي الصراحة وترجمتها بسبع ابيات اتمنى انها تنال على اعجابكم جميعا

طبعا لكل قصيدة عنوان واطلقت على القصيدة هذي عنوان

((عــــــواطف نــاصــربــن حــضــرم))

صلوا على النبى

حظ القلم لامن سبح في خيالك=يضوي على جمر الشفايف لحاله
كان القلم مايشتعل باشتعالك=انا احترقت من الوله وانت داله
خذني تراني ياحبيبي حلالك=انا كسبتك وانت راعي جماله
خل القصايد تفتخر في جمالك=مشتاق اهمل شاردي في خياله
من واهج الفرقا زبنت فظلالك=بروي العيون الضاميه من زلاله
كان المدى قطع حبايل وصالك=الحزن انا وياه راعي طواله
وان كان قافي يوم قفيت جالك=الشوق قطع ياحبيبي حباله

هذا اللي كان بقلبي وفجرتها بقصيدة

ارجو انها توصل على مستوى الطموح المطلوب

وسلامتكم

اخوكم
ناصربن حضرم بن حسن العنقودي السهلي

عواطف ... ترجمتها بالحروف

بوح عذب وراقي

سلمت

صح لسانك ناصر

ونتمنى منك المواصلة يالغالي

الشاعر \ ناصِر بن حضرم

القصيدَة .. أجملها موقف يترجمه الشاعر بنكهته الخاصَّة
لأبيات تُخفي مابين وزنٍ وقافية ( حكاية ومشاعر )
ويقولون : ليست كل قصيدة يُقال عنها شعر
وليسَ حريّ بأننطلق عليها قصيدة مالم تتدفَّق إلينا
كـ شَلاَّل من احساس شاعر.

حرف صادِق نسجَ في لحظته ثوباً متألِّق
تمنيت لو استرسلت فيها قليلاً .

صح قلبك ودام احساسك أخوي .،

حظ القلم لامن سبح في خيالك=يضوي على جمر الشفايف لحاله
كان القلم مايشتعل باشتعالك=انا احترقت من الوله وانت داله
خذني تراني ياحبيبي حلالك=انا كسبتك وانت راعي جماله
خل القصايد تفتخر في جمالك=مشتاق اهمل شاردي في خياله
من واهج الفرقا زبنت فظلالك=بروي العيون الضاميه من زلاله
كان المدى قطع حبايل وصالك=الحزن انا وياه راعي طواله
وان كان قافي يوم قفيت جالك=الشوق قطع ياحبيبي حباله





ابو حضرم مدها يالذيب



وصح الله لسانك وشرفتنا بالقصيدة الجميلة في هذا الموقع







ونطالبك بالمزيد من القصايد الرقاقة !!! اللي تصلح لشيبان !!!






وانا شهادتي فيك مجروحة من زمان ولبى والله راسك ياطير شلوى