تلـوم عينـي ليـا كثـرت سواكبـهـا

وتلـوم عينـي ليـا كثـرت سواكبـهـا=وانا اللي ماشوف في عيني سـواك بهـا
وان كنت ياعين خلك .. طحت من عيني ؟=بشيل عينـي .. وأركبهـا .. واراك بهـا
إرتـاح فـي عيـن خلـك يـا معذبنـي=وانثر همومك ( هنا ).. وإحذف عناكبهـا
من يبذل الجهـد يجنـي بالرضـا جهـده=لاتحسـب ان الخيـوط أعيـت عناكبهـا
كتايب الود تزحـف لـك وتزحـف بـك=ومسيرة الشـوق تسعـى لـك مواكبهـا
برحل مع الركب .. وانـا داري ب داري=تبقى الفرس جامحـه .. إلا ؟؟ لراكبهـا
هواك نسمـه ؟ وصـدك يلفـظ انفاسـي=وانت الحياه اللـي آتنفـس هـواك ابهـا
هويـتـك بلمـحـة للعـيـن عفـويـه=معذور لامـن هـوا منهـو هـواك بهـا
وبحق مـا آمنـت بـه العـرب .. إنـي=من قوم .. للـذل .. ماترخـي مناكبهـا
ماغلا من الروح حاجه عند أبن آدم = واذا تبي الروح ؟ من عاشقك ! جاك بها
ماقلتها : لجل ابالـغ ؟ او غـرض ثانـي=لكـنّ مـا اقيسهـا إلا مـن غـلاك بهـا
زينك وطولك .. وضحكاتك .. وكلماتـك=كم تصرع العين .. حتى لا حراك بهـا !
شاعرك من صورتك .. ينساب تصويـره=وقصيدتـه فيـك حابكهـا وحـاك بـهـا
احلى حروف الغزل .. واسمـى معانيّـه=وأعمق بحور الشعر ، وأصعب مراكبهـا
مشاعـري معـك مظلومـه ومنكـوبـه=إليـا متـى وانـت ظالمـهـا وناكبـهـا