|
مستشفى الرويضه وعاملات النظافه؟؟؟؟ بسم الله الرحمن الرحيم السلام عليكم ورحمه الله وبركاته رسالتي موووووووووووووج هه الى مدير مستشفى الرويضه حبيت اكتب هالموضوع عن مستشفى الرويضه << ان صح الكلام وانطبق عليه اسم مستشفى الموضوع الله يسلمكم توني طالعه من مستشفى الرويضه وشفت العجب العجااب المستشفى مقرف بشكل لانضافه ولاهم يحزنون لابغرف المرضى ولابدورات المياه الله يكرمكم ومع هذا كله معامله عامله النضافه مع المرضى كني انا اللي اشتغل عندها المريضه تقولها لو سمحتي دورات المياه مو نضيفه والزباله مليانه وابي اتوضى وانقرفت وتقولها العامله ( وصخ كويس مافيه مشكله ) يعني مو عاجبك لاتدخلين وربي يوم سمعتها طارت عيوني وانا اطلع للممرضه وقلت بكلم المدير الحين واشتكيكم كلكم خافت بس لمن قلت مدير وشافتني اطلع جوالي بتصل وجتني تركض تقول انا اسفه خلاص بغسله الحين والمشكله اتصل ولااحد يرد الا السنترال وبعد الموت رد علي واحد ويقول المدير موجود بس الصباح طيب وباقي اليوم ؟؟؟ من المسوؤل ويقول اكتبي ورقه وحطيها عند الممرضه لين تجيهم المسوؤله الصبح وش المسوؤله اصلا الممرضه تقول ليش تشتكين انا مسووله عنهم بعدين مشكله على راسي انا لو بعطيها الورقه حطتها بالزباله وين صندوق الشكاااوي والعامله الثانيه تناديها المريضه تقول شغلي التلفزيون تقول عطيني خمسه ريال واشغله سلامات عسى ماشر الحكومه اللي تعطيها الراتب ولاحنا وعامله اخرى تقولي المريضه من لعام كل ماتنوم مع احد من اطفالي تجيني وتشحذ انا مسكينه وعيالي يبون فلوس ولين الحين تشحذ كل شوي تدخل بالغرفه ابي فلوس وين حنا بمستشفى ولا متسووولات عند الاشاره توقعون كم بالله اذا كانت من لعام بس تشحذ كم دخلت من هالمرضى يعني ماعليهم من راحه المريض كل شوي يفتحون ها الباب يشحذونك بصراحه وربي اني طالعه الحين من المستشفى وانا بس داخله ازرو لي مريضه فيه ماتحملتهم وعصبت اجل لو منومه قسما بالله لايطق فيني عرق << معصبه للحين من اللي شافته الله يشفى مرضانا ومرضى المسلمين ويغنينا عنهم ان شاء الله بالعافيه |
رد: مستشفى الرويضه وعاملات النظافه؟؟؟؟ مشكور على موضوعك وان شاء الله يتغير الوضع لكن اللي حاب اوضحه للناس والله ثم والله اللي يسكت عن حقه في الدوائر الحكوميه بمجرد كلام موظف اوغيره اقولها بصريح العبارة (( راحت حقوقه ويعد من الناس الضعفاء )) لاترضى بكلمه من موظف لان اكثر الموظفين وللاسف يعطيك كلمه مايبي يخدمك يبيك تطلع برى المكتب وبس )) وللاسف احنا كسعودين عودناهم على كذا !!!!!!!!!!!!!!! !!!!!!!!!!!! لو فيه مدير يسمع وياخذ ويعطي ويسطر على الوضوع كان شف الوضع عندنا وضع شعب انجليزي ماشي بالنظااااام لا أعلم ماهي نقطة تحول في الدوائر الحكوميه بالرويضة لااعلم ماالسبب !! هل هي قلة الراقبه او غير ذلكـ!! الكل يشكي من البلدية, المستشفى , ,......الخ السوال اللذي يطرح نفسه هو؟ أين المسؤؤل ؟؟؟؟؟؟؟؟؟؟؟؟؟؟؟ ؟؟؟؟ عن هذا كله؟؟؟؟؟؟؟؟ بالنسبه للمستشفى الرويضة وموظيفه اقوووووول حدث ولا حرج لالالالالا تعليق ودمتـــــــــــ ـــــــــــــــ ـــــــــــــــ ــم |
رد: مستشفى الرويضه وعاملات النظافه؟؟؟؟ من جدددددد كل كلمه قلتيها وانا معاك .. انا جيتهم فيني الموت اصيح من وجع بطني وتجيني النيرس تقول ابعطيك ابره مهدئه واطلعي سلامااااات وين عايشين هي تعرف وش فيني عشان تعطيني ابره مهدئه!!! ولا لما عصبت امي عليهم قالو فيها التهاب بالمعده هو كشف علي ولا يدري وش فيني الدكتور البنقالي الي اتوقع زبال مو دكتور !!! ولما رحت لرياض طلع فيني التهاب بالمسالك !! وش جاب المعده للمسالك !! ويسمونه مستشفى على ايش ياحظي ؟؟ وحتى الواحد يدخل وايده على قلبه المستشفى مو امان كلش يسرقونك عيني عينك !! كم جوال انسرق الى الحين ؟؟ ويعطيك العافيه يالغلا ع الطرح .. |
رد: مستشفى الرويضه وعاملات النظافه؟؟؟؟ من شفت الدكتور الي يكشف بنقالي وانا غاسله يدي وحتى الممرضات كلهم سراقات مو بس شحاذات بعدين مفروض فيه مدير مناوب وياليت يسوون رقابه عليهم ويعطيك العافيه يالغلا |
رد: مستشفى الرويضه وعاملات النظافه؟؟؟؟ |
رد: مستشفى الرويضه وعاملات النظافه؟؟؟؟ للاسف مستشفي ضعيف جداً نتمني الاستعجال فتح مستشفي الي في الدخل بسرع وقت لان هذا لاحياه لمن تنادي انا جيتهم قلت فيني حساسيه ومدريت يصرفون لي علاجات السكر والقلب !!!!!!!!!!!! |
رد: مستشفى الرويضه وعاملات النظافه؟؟؟؟ اقتباس:
|
رد: مستشفى الرويضه وعاملات النظافه؟؟؟؟ اقتباس:
طيب لو كانت زايده وانفجرت فيه وتوفى من المسوؤل ؟؟ واعرف كثيرر نفس حالتك لمن راحو للرياض اللي طلع معه زايده واللي مراره وش معناه هالكلام ؟؟؟؟؟؟ مدري هم دكاتره اكيد ولابيطريين؟؟؟؟ |
رد: مستشفى الرويضه وعاملات النظافه؟؟؟؟ اقتباس:
ايوالله من جد لاحياه لمن تنادي المشكله مدري خايفين على سمعه المستشفى الموقر ولا على الموظفين ؟؟؟ كل العيوب بها المستشفى والكل يشتكي سوا من دكاتره ولا من عمال .. {وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُون َ} [التوبة:105] |
رد: مستشفى الرويضه وعاملات النظافه؟؟؟؟ اقتباس:
ههههههههههه حلوه الرقابه نايمييييييييييي يييييين ببيوتهم لين احد يشتكي ويطلعون يشوفون الوضع اسعدني مرورك وتعليقك ع الموضوع ... |
رد: مستشفى الرويضه وعاملات النظافه؟؟؟؟ اقتباس:
حسبي الله ونعم الوكيل في اللي مايخاف الله وقبل كم شهر السوداني راعي المخدرات وقسما بالله الواحد يدخل المستشفى ويده على قلبه نورت موضوعي بمرورك يعطيك العافيه |
رد: مستشفى الرويضه وعاملات النظافه؟؟؟؟ اقتباس:
السلام عليكم اولا / لا احد بشوف الغلط ويسكت علية سواء موظف او مراجع او مريض. ثانيا / احب ان اقول لكي ان كلامك هذا سوف يصل الى المدير مني شخصيا . ثالثا / قسم الرجال والنساء منذو اقل من شهرين ازيلت الارضيات التالفة وغيرت بسراميك كلها .. بما فيها دورات المياة اكرمكم الله ... ولا اعلم ربما كانت متسخة وقت دخولك اياها . مع العلم بانة يوجد في قسم النساء ثلاث عاملات نظافة في الفترة الصباحية وعاملتان في المساء وعاملتان في اليل . انا لا اقول ان النظافة 100 % ولا عليها كلام ... الكمال لله ... ولكن دائما نسعى لراحة المريض مهما كانت الاسباب . رابعا / من قال انة لا يوجد صندوق اقتراحات او شكاوى بالمستشفى . يوجد بالاسعاف واحد .. وبقسم الرجال واحد ... وبقسم النساء واحد ... وبعيادة الرجال واحد .. وبعيادة النساء واحد ... خامسا / انا شخصيا المشرف عليهن وتفتح كل اسبوع عن طريقي وتعرض على الادارة ويتم مناقشتها .. واسمي (سعود سيف السهلي ) واعمل اخصائي اجتماعي و رئيس علاقات المرضى ورقم تحويلتي (411) ولولا ادارة المنتدى لسجلت رقم جوالي .. واي شكوى او تنسيق مع الادارة انا جاهز . خامسا / المستشفى غير مسؤلة عن الاشياء الثمينة (ذهب / جوال / ساعة / محفظة / فلوس .. الخ) يوجد خزنة خاصة بهذه الاشياء وعند الخروج بالسلامة خوذيها او حافضي عليها او خليها بالبيت ..... سادسا / السرقات في كل المستشفيات اسئلي ( محمد السهلي ) عندما تنوم بقسم الاسعاف في الشميسي غفى دقائق عن جوالة وصحى ولا لقاة ... من المسؤال لا نقول لا ليسى علينا شي بل سيحقق مع الممرضات وعاملات النظافة اذا احد قدم شكوى للادارة ... واذا كان الدعوى كلام في كلام فالله المستعان وحسبنا الله سابعا / اتمنا ان قد افتك واسف على الاطالة والسلام |
رد: مستشفى الرويضه وعاملات النظافه؟؟؟؟ اقتباس:
علاقات المرضى او تحويلة 411 وكلنا ان شاء الله نعمل لله ولراحه المرضى بس نبي مساعدتهم في توصيل الشكوى لنا حتى ولو كانت بسيطة ... لا احد يخلي حقة ويقوم يشتكي بالكلام . |
رد: مستشفى الرويضه وعاملات النظافه؟؟؟؟ عز الله ابو رنا ماقصر وكلامه عين العقل |
رد: مستشفى الرويضه وعاملات النظافه؟؟؟؟ اقتباس:
كيف يحقق مع طبيب ولا يوجد علية شكوى |
رد: مستشفى الرويضه وعاملات النظافه؟؟؟؟ اقتباس:
اختي للمعلومية يوجد (مدير مناوب ) سواء ايام الاسبوع او الخميس والجمعة |
رد: مستشفى الرويضه وعاملات النظافه؟؟؟؟ السلام عليكم ورحمة الله وبركاتهـ ~ لا احد منا يستطيع الدفاع عن مستشفى الرويضه لـ الأســف والسبب ان كل شيء مكشوف تماماً اكثر الأطباء والممرضين مستهترين فالعمل ~ ولا يعطون المرضى اي اهميـــهـ :( والأدويه تصرف بالكــشــف بـ الأسئلهـ فقط ~ لـ درجه ان احداهن كانت لاتستطيع الذهاب لـ المستشفى فوكلت واحده عنها واعطوها العلاج ؟؟؟! نحن هنا في مدينة الرويضه لا يحق لنا ان ندافع عن المستشفيات او عن المدارس او عن اي شي بالكذب لأن اي شي سينفذ بعد دفاعنا سيكون في صالحهم فقط ونحن المتضررين الأوآئــل من هذا الدفاع .. دعونا نكشف الستار قليلاً ولكن بعيد عن الكلام اللذي يتعدى الحدود كـ الذي خرج من اخينا الكريم ((tu3bt,)) حتى لايتعرض الموضوع لـ الإغلاق ~ بالنسبه لي ارى ان مستشفى الرويضه لا يريد بعض التعديلات وإنما يريد ان يهدم وتعاد بنايته ويعاد النظر في اطبائه وممرضيه :) نظراً لـ الإهمال الموجود به فـ عندما يكون هناك مرضى يحتاجون الي تنويم .. يكون هنالك اماكن فارغه ولكنها على ما اعتقد محجوزه طوال المده فـ لا ينام بها إلا شخصيات معينه ؟ وايضاً النظافه كما تكرمتي اختي الكريمهـ ليست من الأساسيات لديهم في بعض الأحيان وايضاً غرف التنويم جداً ضيقهـ لاتستطيع احتمال اكثر من زائرين لكل مريض .. وايضاً في قسم الإسعافات .. اعتقد ان بعض الأطباء هناك اطفال والمرضى العاب بأيديهم .. لذلك مستشفى الرويضه يجب ان يعاد بكامله وليس لـ اشياء بسيطه .. اما بالنسبه لـ السرقهـ ~ فهي موجوده في كل المستشفيات ليس فقط في مستشفيات الرويضه ولكن ان تقولي اختي الفاضله ((الله لا يحدنا على الرويضه ومستشفاها)) فهنالك خطأ بسيط هو ان جميع من رأيتيهم وتكلمتي عنهم ليسوا من اهالي الرويضه حتى تقولي هذه العباره . فـ الأفضــل اختي لو كانت ((الله لا يحدنا على مستشفى الرويضه)) لأنك لو كنتي بين اهالي الرويضه فـ انتي حتماً بخير تقبلي إطالتي ^_^ |
رد: مستشفى الرويضه وعاملات النظافه؟؟؟؟ اقتباس:
وباب الادارة مفتوح دائما لك ولغيرك ووالله لو مدير المنتدى ما اغلق الموضوع السابق ...لا رديت عليك بس احس انك مع الخيل يا شقرا |
رد: مستشفى الرويضه وعاملات النظافه؟؟؟؟ موضوع جميل وله اهمية عند اهالي الرويضة خاصة... النظافة ليست سيئة في مستشفى الرويضة وحسب , بل في جميع المستشفيات في المملكة , انا قد دخلت دورات المياه اكرمكم الله في مستشفى الشميسي ورأيت اهمال ووساخة يندى لها الجبين , الى درجة ان بعض المنومين يعطي العمال فلوس مقابل تنظيفها له وحصلت معي ! واعتقد انك تكلمتي يا اختي عن قسم النساء بشكل خاص وهذا ما اقدر اتكلم فيه لأني مابعد شفتها , ويوجد صندوق شكاوي بأمكانك تكتبين الشكوى فية وان شاء الله يعتدل الحال على يدك الله يجزاك خير , لأن التصحيح بيكون للمرضى بشكل عام , اما قسم الرجال فالنظافة فية جيدة جداً ولكن بعض اصحاب الردود الشاذة لايفرق قسم الرجال عن النساء ويحاول ابراز نفسة في كل موضوع كان الله في عونة... موضوع جميل وتكلم عن بعض المستور..وان شاء الله راح تشوفون كل شي عن مستشفى الرويضة في الايام القادمة حتى يتبين كل شي.. لك احلى تقييم على الموضوع.. |
رد: مستشفى الرويضه وعاملات النظافه؟؟؟؟ اقتباس:
ابو طارق ابقول الحقيقة ولا شي غير الحقيقة والله على ما اقول شهيد {وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُون َ} |
رد: مستشفى الرويضه وعاملات النظافه؟؟؟؟ صديقة القلم هذي اللي وكلت وحدة تروح تجيب العلاج لها الخطأ منها ولا من الطبيب؟؟ وراها ماتروح بنفسها وتاخذ علاجها؟؟ طيب الطبيب بيسألها وش فيك ووش الوجع اللي فيك ومن متى ووش اعراضة , واذا جاوبت له بكل شي بيكتب لها العلاج اللي يناسب حالتها اللي شرحت له , ولا تبينة يكشف عليها يوم كامل واشعة وتحليل وفحوصات عشان يشوف تكذب ولا لا !! ولا يقول انتي طيبة نادي الوجعانة.!! بعدي الغرف اللي ماتشيل زائرين هذي ليست من الادراة ولا من الممرضات ولا الاطباء , هذي من الي بنا المستشفى قبل 20 سنة هو اللي يتحمل ضيق الغرف... انا عارف انك مارديتي الا على حرصك الله يقويك , وكلنا ضد الخطأ ومع التصحيح والله يكون في العون |
رد: مستشفى الرويضه وعاملات النظافه؟؟؟؟ ياربع بالطريقه هذي مانتمب مغيرين من الوضع شئ واتوقع و الله العالم انه بيضيع وقتكم على الفاضي لكن اسمعوا دخولكم على المدير شئ ضروري ,,,, احسن من الكتابه هنا على غير فايده مثل ما قال ابورنا المدير فاتح بابه وانت يابو رنا عزالله كلامك في محله و ماقصرت وبيض الله وجهك |
رد: مستشفى الرويضه وعاملات النظافه؟؟؟؟ هلا بك اخوي ابو رنا والنعم فيك ويعطيك العافيه على الارقام والمعلومات اللي عطيتنا اياها عشان نسجلها للحاجه اولا من ناحيه ارضيات المستشفى وانها سيراميك وجديده ماقلنا شي انا اقصد النظافه بشكل عام واسلوب العامله مع المريضه اللي كتبت عنها والعاملات اللي اشتكيت منهم انا اللي مداومين اليوم العصر الاحد يعني هذا اسلوب انها ترد على المريضه ومثل اللي تقول مو عاجبك لاتدخلين وين حنا سلامات ولمن قلت بكلم المدير جايه ركض تقول خلاص غسلت الحمام اسفه ... وصدقني كل اللي بالمستشفى يشكون من النظافه وانا شفت كذا وحده اليوم بالمستشفى متذمرين من هالشي لابالغرف ولا بدورات المياه وانت قلت انهم ثلاث يعني كل وحده ماتقوم تبي الثانيه تقوم عنها وغير كذا وين المدير المناوب لمن اتصلت فيهم محد رد ويقول المدير مو موجود ليش ماحولني على المدير المناوب لو كان موجود ؟؟ ومن ناحيه الامانات طيب لو اعطيهم الجوال اروح كل شوي اخذه منهم اكلم ولا لين اتصل احد يبي يتطمن يلقاه مقفل ؟؟ لاتنسى ان الجوال صار اساسي بحياتنا يعني صعبه نستغني عنه وخصوصا لو كنت مع مريض تبي تقوم للصلاه تحط تنبيه واتعطي المريض الدواء على الوقت وش يسووي؟؟ وان ماكتبت هالشي الا لمن شفته لاني مستحيل اني بتبلى على احد الواحد يخاف ربه موب كلام في كلام ويوم تقول الشكوى والله ماقصرت بس ماحد رد علي لامدير مناوب ولا اي احد واللي رد قال اكتبي الشكوى وعطيها الممرضه يعني هذا الحل برأيك الممرضه اصلا خافت لمن قلت بشكي تقول بتجي المسوليه علي يعني لو عطيتها الورقه ممكن انها تسلمها لكم؟؟ ومشكور ع المداخله ويعطيك العافيه وياليت والله لو توصلها للمدير وتسوون عليهم مراقبه بدون لايدرون وتشوف وشلون جالسين ولاعندهم حاجه بس كل شوي يفتحون على المريض الباب يشحذون هذا اللي هم جيدين فيه على كثرهم 3 يقل بركتهم |
رد: مستشفى الرويضه وعاملات النظافه؟؟؟؟ اقتباس:
اف اف ذي تهاوش اعصابك عن الكلام الي مالة داعي بعدين المستشفى يتعدل بالكلام .. سوي شكوى رسمية وعلى طول للمدير او لشؤن المرضى وانا شخصيا الي ابتابعها وابي افيدك وش صاااار ؟؟؟ هاه تقبلي التحدي لا احد يا كلنا |
رد: مستشفى الرويضه وعاملات النظافه؟؟؟؟ اقتباس:
بس انا اقول دليل الإهمال هو ان الأطباء مايكشفون واشياء كثيره المفروض انهم يغيرونها !! http://www.rwwwr.com/vb/images/icons/icon11.gif اما بالنسبه لـ الغرف انا قصدي ان المستشفى يبغى له تطوير من جميــع النواحي موب ناحيه وحده ولا ثنتين ^_^ وكلنا مثل ماتقول ضد الخطأ ~ والله يعينكم على كل ماهو في صالح الجميع ^_^ واتمنــــى من كل قلبـــي اشوف مستشفى واطبائه مثل المستشفيات الثانيه عشان الناس تدخله وهي واثقه شوي .. |
رد: مستشفى الرويضه وعاملات النظافه؟؟؟؟ اقتباس:
|
رد: مستشفى الرويضه وعاملات النظافه؟؟؟؟ اقتباس:
عليكم السلام وهلابك خيتووو صديقه القلم من ناحيه ان المستشفى يهدم ياليت والله ويعاد بنيانه من جد وان ماتكلمت الا لاني من محبين الرويضه واحب للرويضه واهلها كل خير وهم اهلي قبل كل شي واكيد كل واحد يحب لاهله الشي الزين يعني ماتكلمت ولاقلت كذا الامن شي شفته بنفسي وكنت اسمع من الناس ومكذبتهم بس والله العضيم لمن شفتهم اليوم تاكدت مليون بالميه من الكلام اللي يقولونه عنها وانها فعلا محد مهتم فيها وانا ابي احد يهتم فيها مابي احد يجي من برا ويقولي ديرتكم فاشله لامستشفيات ولاغيرها بصراحه نبي احد يهتم ونرتقى شوي المناطق المجاوره بدت ترتقى |
رد: مستشفى الرويضه وعاملات النظافه؟؟؟؟ اقتباس:
اسعدني مرورك وتواجد ك بصفحتي وان مثل ماقلت بردودي ماكتبت الاشي شايفته وعن معاملتهم مع المرضى وكل من دخل يزور ولامنوم يشحذونه عسى ماشر.. |
رد: مستشفى الرويضه وعاملات النظافه؟؟؟؟ اقتباس:
شكرا لك بقا يا جروح على مداخلتك حبيبي نعم النظافة ليست سيئة بمستشفى الرويضة ... ولكنها ليست جيدة نعم هي الحقيقة ولكننا نسعى انظف من النظيفة ... عموما سعادة المدير متذمرمن النظافة وستتغير بمشيئة الله خلال هاليومين وباشراف خاص من المدير ومني شخصيا وانا اعدكم بذلك وبعدين يا جماعة تتكلمون على ضيق الغرف وغرف خاصة لناس خاصين ... هو فيه غرف اصلا كلها غرفتين وغرفة عزل الي تقولون انها خاصة وبعدين يا جماعة هذ اصلا مو مبنى مستشفى (هذا مبنى مركز صحي اصلا) وحول لمستشفى 30 سرير وجعلناه بالقوة الى 48 سرير الله المستعان بس املنا بالله وبالمستشفى الجديد ... ليش هالاصوات ما طلعت لجعل المستشفى الجديد 100 سرير بدلا من 50 سرير المقرر له... اين انتم الان ؟؟؟؟؟؟؟؟؟؟؟؟؟؟؟ ؟؟؟ اين رجالات الرويضة الذين يحبون المصلحة العامة ... لماذ لا يتحركون الان قبل ما يكتمل بنائه ... للاسف كل واحد منا ينطل الوم على الي بعدة |
رد: مستشفى الرويضه وعاملات النظافه؟؟؟؟ اقتباس:
مشكور ع المرور ماكتبت هنا الا وانا متاكده بأذن الله ان الشكوى بتوصل للمدير عن طريق المنتدى سواء من ابو رنا او غيره الله يعطيهم العافيه |
رد: مستشفى الرويضه وعاملات النظافه؟؟؟؟ اقتباس:
والله اني اعرف انكي ما كتبتي كل حرف الا لغيرتك على المستشفى والرويضة واهل الرويضة بختصار اقولها لكي نعم النظافة سيئة وستتعدل باشراف من المدير العام ومني شخصيا بالنسبة لعاملات النظافة وانهن حراميات ... لا دليل عليهن ولا شكوى .؟؟؟ بالنسبة للجوال انا بعد ما اقول انطلية على الطاوله وقولي لا احد يسرقة اما كل كلامك فثقي بانه سيصل الى المدير مني شخصيا |
رد: مستشفى الرويضه وعاملات النظافه؟؟؟؟ كم الساعة .... حسبي الله راح الدوام بكره فيها تصبحون على خير |
رد: مستشفى الرويضه وعاملات النظافه؟؟؟؟ ههههههههههههههه هههههههههههه الله يعطيك العافيه وياليت تاخذ لاب توبك معك عشان تقرا للمدير كل الكلام الي قلناه ويهتم بهالشي الساعه ثنتين وتصبح على خير |
رد: مستشفى الرويضه وعاملات النظافه؟؟؟؟ ابـــــــــورنـ ـــــــــــا الله يعطيـــــــــــ ك العــــــــــاف يـــــــه ماقصــــــرت .. |
رد: مستشفى الرويضه وعاملات النظافه؟؟؟؟ ليت كل شباب الديره مثلك يبو رنا عداك العيب وانا اخوك والله موضوع غايه في الاهميه |
رد: مستشفى الرويضه وعاملات النظافه؟؟؟؟ تكلفتوو على نفسكم يالمدير المنووب والله ماادخلت المستشفى الا وهم في ساابع نومه ..الله يصبرني على الارض قبل لاطيير.. |
رد: مستشفى الرويضه وعاملات النظافه؟؟؟؟ اقتباس:
|
رد: مستشفى الرويضه وعاملات النظافه؟؟؟؟ اقتباس:
وياليت عاد نلقى اهتمام |
رد: مستشفى الرويضه وعاملات النظافه؟؟؟؟ اقتباس:
|
رد: مستشفى الرويضه وعاملات النظافه؟؟؟؟ نداااااء موجه للجميع الله يجزاااكم خير انا ماكتبت الموضوع الا للمناقشه وايجاد الحلول بلاش هوشااات هنا لو سمحتووو ونبي نحل الموضوع بهدووء لحد يدخل ويهاوش بخاطركم شي طلعوه بس من غير لاتعصبون وتخربونها نحترم انفسنا ونحترم الجميع اذا عاجبكم المستشفى كلن حر برايه لايدخل ويسب ويحط المستشفى انه توب ولافيه شي ويجلس يسب بالمستخدمين اوكي واذا عندكم عليه انتقادت اكتب اللي تبي لكل منا رايه والكل حر يعبر عن رايه ولكم جميعا احترامي وتقديري .. |
| الساعة الآن 11:28 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..