مجالس الرويضة لكل العرب - مستشفى الرويضه وعاملات النظافه؟؟؟؟

مجالس الرويضة لكل العرب (http://www.rwwwr.com/vb/httb:www.rwwwr.com.php)

- أخبار الرويضة (http://www.rwwwr.com/vb/f27.html)

رد: مستشفى الرويضه وعاملات النظافه؟؟؟؟

اقتباس:

المشاركة الأصلية كتبت بواسطة جرح الليالي (المشاركة 675017)

لاحول ولاقوه الا بالله كل من جاهم يصيح من بطنه عطوة ابره مهدئه وطلعوه
طيب لو كانت زايده وانفجرت فيه وتوفى من المسوؤل ؟؟
واعرف كثيرر نفس حالتك لمن راحو للرياض اللي طلع معه زايده واللي مراره وش معناه هالكلام ؟؟؟؟؟؟

مدري هم دكاتره اكيد ولابيطريين؟؟؟؟

تعرفين كثير ؟!!!! إتقي الله كم عدد اللي تعرفينهم وصار لهم مثل هالاخطاء؟

رد: مستشفى الرويضه وعاملات النظافه؟؟؟؟

للجميع : المستشفى الجديد سعة 100 سرير وكان وزير الصحة وافق على رفع حجمه الاستيعابي اثناء زيارة محافظ القويعية ومدير مستشفى القويعية للوزير بمكتبه وكنت من طالب برفع استيعابه خلال احدى جلسات المجلس المحلي لمحافظة القويعية وليت من لم يزره يقم بزيارته اما المبنى الحالي كان مركز صحي وحول الى مستشفى بتوجيهات سمو امير منطقة الرياض وفقه الله وحل كثير من الاشكاليات ورفعت نسبة التشغيل الى 50 سريرا وسيستفاد منه كمركز صحي كبير بحول الله تعالى تفاؤلوا خيرا

رد: مستشفى الرويضه وعاملات النظافه؟؟؟؟

الأخ ابو رنا تقبل تحياااااااتي ومروري وعندي لك سؤال ليش تزعل من الحقيقه بصرااااحه كل الكلام الذي قالوه الشبااااب صحيح والمستشفى كله على بعضه مايصلح لا من ناحية العماله ولا الكوادر الصحيه ؟؟ أجل دكتور ماسكته المخدرات يبيع ؟؟ اللهم لا شماته .. ليش الدفاع عنهم ؟ والا علشانك موظف عندهم ,, عسى مااكون طولت عليكم ولكم مني كل التقدير والاحترام...

رد: مستشفى الرويضه وعاملات النظافه؟؟؟؟

اقتباس:

المشاركة الأصلية كتبت بواسطة بكشو (المشاركة 675529)

= بكشو = لكل قاعدة شواذ وهناك اطباء مميزين بالرويضة وطاقم تمريضي جيد حسب رؤية الشئون الصحية والمستشفى ليس فندق 7 نجوم اللي يبي خدمات في اي بي يروح للخاص ويمكنكم زيارة المستشفيات الحكوميه فما يهما المعالجه وليس الفندقه شخصيا تركت المستشفيات الخاصة الكبيرة وانا اتعالج فيها على حساب التأمين ورحت للشميسي لثقتي بالاطباء هناك وخبراتهم وتفضيل الشميسي على مستشفيات 7 نجوم ومافيه دائرة حكوميه الا وفيها اخطاء حتى بيت الواحد منا والاحكام العامه جاهزه الكادر الطبي والتمريضي كله ماينفع !!! شيء من العقلانية واللي عنده ملاحظات من الشباب يامال الغنيمه ازرقوا المديريه في الرياض وقدموا شكاويكم ترى كلام المجالس مايقدم ولا يؤخر لكم تحيتي

رد: مستشفى الرويضه وعاملات النظافه؟؟؟؟

ليش تعدلون علي ردي

هذي وجهه نظر وانتم كاتبين

.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..

حرية رأيك تقف عندما تبدأ حريات الاخرين ولكل شيء حده اذا زاده شانه التجريح الشخصي ممنوع وانت قبل تسجل قريت الشروط زين راجعها مرة ثانيه لك تحيتي