مستشفى الرويضه وعاملات النظافه؟؟؟؟

#31 (**permalink**) 20-09-2010, 01:49 AM


	المشاركة الأصلية كتبت بواسطة جرح الليالي


	هلا بك اخوي ابو رنا والنعم فيك ويعطيك العافيه على الارقام والمعلومات اللي عطيتنا اياها عشان نسجلها للحاجه اولا من ناحيه ارضيات المستشفى وانها سيراميك وجديده ماقلنا شي انا اقصد النظافه بشكل عام واسلوب العامله مع المريضه اللي كتبت عنها والعاملات اللي اشتكيت منهم انا اللي مداومين اليوم العصر الاحد يعني هذا اسلوب انها ترد على المريضه ومثل اللي تقول مو عاجبك لاتدخلين وين حنا سلامات ولمن قلت بكلم المدير جايه ركض تقول خلاص غسلت الحمام اسفه ... وصدقني كل اللي بالمستشفى يشكون من النظافه وانا شفت كذا وحده اليوم بالمستشفى متذمرين من هالشي لابالغرف ولا بدورات المياه وانت قلت انهم ثلاث يعني كل وحده ماتقوم تبي الثانيه تقوم عنها وغير كذا وين المدير المناوب لمن اتصلت فيهم محد رد ويقول المدير مو موجود ليش ماحولني على المدير المناوب لو كان موجود ؟؟ ومن ناحيه الامانات طيب لو اعطيهم الجوال اروح كل شوي اخذه منهم اكلم ولا لين اتصل احد يبي يتطمن يلقاه مقفل ؟؟ لاتنسى ان الجوال صار اساسي بحياتنا يعني صعبه نستغني عنه وخصوصا لو كنت مع مريض تبي تقوم للصلاه تحط تنبيه واتعطي المريض الدواء على الوقت وش يسووي؟؟ وان ماكتبت هالشي الا لمن شفته لاني مستحيل اني بتبلى على احد الواحد يخاف ربه موب كلام في كلام ويوم تقول الشكوى والله ماقصرت بس ماحد رد علي لامدير مناوب ولا اي احد واللي رد قال اكتبي الشكوى وعطيها الممرضه يعني هذا الحل برأيك الممرضه اصلا خافت لمن قلت بشكي تقول بتجي المسوليه علي يعني لو عطيتها الورقه ممكن انها تسلمها لكم؟؟ ومشكور ع المداخله ويعطيك العافيه وياليت والله لو توصلها للمدير وتسوون عليهم مراقبه بدون لايدرون وتشوف وشلون جالسين ولاعندهم حاجه بس كل شوي يفتحون على المريض الباب يشحذون هذا اللي هم جيدين فيه على كثرهم 3 يقل بركتهم

هلا وغلا جرح اليالي

والله اني اعرف انكي ما كتبتي كل حرف الا لغيرتك على المستشفى والرويضة واهل الرويضة

بختصار اقولها لكي نعم النظافة سيئة وستتعدل باشراف من المدير العام ومني شخصيا
بالنسبة لعاملات النظافة وانهن حراميات ... لا دليل عليهن ولا شكوى .؟؟؟

بالنسبة للجوال انا بعد ما اقول انطلية على الطاوله وقولي لا احد يسرقة

اما كل كلامك فثقي بانه سيصل الى المدير مني شخصيا

#32 (**permalink**) 20-09-2010, 01:52 AM

كم الساعة .... حسبي الله

راح الدوام بكره فيها

تصبحون على خير

#33 (**permalink**) 20-09-2010, 01:57 AM

ههههههههههههههه هههههههههههه
الله يعطيك العافيه وياليت تاخذ لاب توبك معك عشان تقرا للمدير كل الكلام الي قلناه ويهتم بهالشي الساعه
ثنتين وتصبح على خير

#34 (**permalink**) 20-09-2010, 02:03 AM

ابـــــــــورنـ ـــــــــــا الله يعطيـــــــــــ ك العــــــــــاف يـــــــه ماقصــــــرت ..

#35 (**permalink**) 20-09-2010, 04:30 AM

ليت كل شباب الديره مثلك يبو رنا

عداك العيب وانا اخوك

والله موضوع غايه في الاهميه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مطلوب مساعدة فني اسنان في مستشفى الرويضه ..	تركي عفيش	وظائف شاغرة	4	17-07-2010 12:16 AM
مستشفى الرويضه المميز	بكشو	أخبار الرويضة	7	16-04-2010 10:56 PM
مستشفى الرويضه يدعو للتبرع بالدم	عبدالرحمن الدحملي السهلي	أخبار الرويضة	7	26-08-2007 03:58 AM
اين مستشفى الرويضه من ذولي	السفير	أخبار الرويضة	7	07-02-2007 05:14 AM

مستشفى الرويضه وعاملات النظافه؟؟؟؟

أخبار الرويضة