|
رد: اكتب اسم الشاعر واللي بعدك يجيب له ابيات ع ذوقه $$ يالبييييه ياخالد الفيصل ./. يامدور الهين يامدوَّر الهيَّن ترى الكايـد أحلـى وأسأل مغنِّي كايـدات الطَّـروقِ الزَّين غالي لكـن الأزيـن أغلـى ولكل شـرَّايٍ بضاعـه وسـوقِ النَّو عالي والسّمـا فوقـه اعلـى ولى فاق علمٍ جـاه علـمٍ يفـوقِ الصَّعب هلاَّ قلت ياصعب سهـلا دامك تبيني فانت ياصعب شوقـي أحب أعسف المهرة الَّلـي تغلَّـى واحب اروَّض كل طـرفٍ يمـوقِ احب أسافر مـع سحـابٍ تعلَّـى واحب فوق الغيـم لمـع البـروقِ واحب اساهر بدري الَّلـي تجلَّـى وارسم شعاع الشَّمس عند الشَّروقِ يامن علـى ثايـر فـؤادي تولَّـى خلَّك على قلب الكرامـه شفـوقِ أكرم عزيزٍ بالعمـر مـا استـذلاَّ يسوق عمره للمشاريـف سـوقِ إخترتك من النَّاس للقلـب خـلاَّ ياحيثك مرادي وكيفـي وذوقـي مارحـت ادوَّر كـل زولٍ تحلَّـى لولاك تسوى ماعطيتك خفوقـي فهـــــــــــــ ــد المســــــــــا عد .:. |
رد: اكتب اسم الشاعر واللي بعدك يجيب له ابيات ع ذوقه $$ اللـي تركـني وانا في عـز غربالي بعد الـــشدايد وش اللي ذكّره فـيني؟ يـبغى زمانه يـعـود ويرجـع الغالي وشلون يرجع بعد ما طاح من عيني لا الوقت وقـته ولا له شي في بالي انــا نـسيـته مــثل مـا كـان نـاسـيني يا ما تمنيت نـظره منه في حــالي يــا مــا تــمنـيت صــوتــه لـو يناديني واقول لـ"أظلم"علي الليل بلحـالي: الله يـجـيــبه يـشــتت غــربـة ســـنيني من كـثر ما كان طيفه دايم قبالي احــيان احــسه مـعـي وتـضـمه يـديني ولامن تـنـبهـت لـين وجـيه عــذالي كلٍ على ما طــرى بــاله يســــمـــيني لـــيته تركني بعد هـذا على فالي زي ما تركـتـه بـعـد قـــتـله بســاتيني من بعد ما صارجا بلسانه الحالي يبـغى يرجِّـع زمـــــــــانٍ بـيـنه وبـيني قولو له:اني ما احبه كثر ترحالي أو..لا..حــرام يـتضــايق والا يـبكــيني قولو له: أني احـبه بـس من تالي ان راح والا رجــع ما عـــــاد يــعـنيني الشاعر: فيصــــــل العدواني.. |
رد: اكتب اسم الشاعر واللي بعدك يجيب له ابيات ع ذوقه $$ الضيقه اللي تقلبني واقلبها يالله عساها طواري ليل وتعدي لي يوم ثالث تجاذبني واجاذبها الين شدت بيديها على يدي ما كني الا قريب من قرايبها وماكنها الا سليله من نمى جدي يا كثر ما هي لفتني وكيف أحسبها بس الوكاد بغثاها بيحت سدي اطرت لي ليل الثلاثه وامسية ابها ذاك المساء البغيض الحالك الندي قوم تفتل من الضيقه شواربها والحق معهم وانا اللي جاوزا حدي اضعفني وضعي وانا للي كنت غالبها وثوب الشجاعه غدى وماهو على قدي مابين قصر نعم وش قلت واسحبها كان الحديث الطويل المرهق الجدي حدوني ابعد ولا اقرب يم مضاربها والحق يركب من اللي كان متعدي اذكر حلفت وقسمت ارحل ولا اقربها وشلون مدري ولكن كان ذا ردي قفيت عنها اغاصب الرجل واسحبها كنه بودي وانا والله ما ودي ادري خذلت الهنوف وكنت مغضبها ماهو بكيفي زماني واقف ضدي غلبي وقتي كثر ماهو مغلبها لاهو تهيا ولا هو قابل يهدي لو هي دموعي ترد الوصل بسكبها الين تجرح وتأسمني على خدي مير البلا ما تفيد وحظ صاحبها ما طاب لحظه ولمن طاب متردي خلها على الله وانا من وقت كاتبها بصبر وبرجي عزومي واعتزي شدي الضيقه اللي تقلبني واقلبها يالله عساها طواري ليل وتعدي سعـــــــــــــ د علووووووووش |
رد: اكتب اسم الشاعر واللي بعدك يجيب له ابيات ع ذوقه $$ ::× رسوب الاغبياء ×:: أن كنت أنا أخطي شي طبيعي لان أنا مانـي نبـي محدن عصمه الله من الاخطـاء .. كـون الانبيـا فعلا أنا أخطي بس ضـوّي ماتشـب الاّ iiأحطبـي أطمح ولولا الليل .. محدن شـاف فايـدة الضيـا أمشي ولو أموت وأنا أمشـي .. ولاكـن ماحبـي ولا أعشق الصوره . ولا الكربون . ولا أعشق غيا كل ماتعثّر ؟ قلت في نفسـي وأنـا أمـس iiشنبـي ياكـم علـى الدنيـا فقيـر .. ويحسدونـه iiأثريـا أبغا أتوحّد وأنت أخذ مزهبـك وأتـرك iiمزهبـي كنّا أخويا ومن بعـد مازلّليـت ؟ ماحـن iiبخويـا أبعصم رجيلـي عـن دروب السخافـه iiياصبـي لانّي حياوي والدروب السود .. مافيهـا .. iiحيـا تعـال وادعنـي وداع الارض للـحـر iiالابــي أنا بعللّـي .. وأن دعيتـك ؟ فالعفـو ... iiللأنقيـا ماني منادي بسمك . اللّـي .. ماتسمـوااه iiأجنبـي فن قلتلك .. يا ؟ .. أعرف أنّي حاشمك لاقلت ii..يا يـا؟؟.. والله وبـالله وبعـد الله وبـي iiوبسبـبـي صارت شياطين الحروف المستهيمـه ..؟ . iiأتقيـا فن شفتني متعب هجوسي في رسم راس iiالضبـي؟ ماهو علاشان أكسب أعجابات .. ريمان .. iiوهيـا لالا . أنـا مخلـوق مبـدع . مايحـب iiومايبـي ألاّ يقول ؟ أن الاذكيا؟ سبّـة . رسـوب iiالاغبيـا من الذكاء؟ أنّـك تسـويّ نفسـك أحيانـن iiغبـي بس الغباء؟ أنّك تذيكالـك .. علـى نـاس iiأذكيـا ‘×فهد المساعدב |
رد: اكتب اسم الشاعر واللي بعدك يجيب له ابيات ع ذوقه $$ يبه وانا بعد اثنعش عـام حسيـت **** اني قـدرت اقـول شـيٍ كتمتـه ابطى قصيدي ماانكتب فيك وابطيت *** اجر صوتي وارجع اجر صمتـه ماودي اكتب بيت واندم على بيـت *** ماهوب شعر الشعر كاني زهمتـه الشعر كانه ماانحنى ليّّ .. ماجيت *** ان ماعـزم مرثيتـك ماعزمـتـه ان ماكتبته باازرق الدمع وابكيـت *** كل الجـروح المبطيـه مارحمتـه يبه وانا من بعدك ابـو التناهيـت ***مامـر طعـمٍ للحـزن مانهمـتـه يبه ( يبه ) كلمه وانا كل مااوحيت *** كلمة ( يبه ) صديت والوقت لمته يبه ( يبه ) كلمه وانا كـم تمنيـت **** اهدم بها وابني بها اللـي هدمتـه يبه وانا لاضقت رحت وتهجيـت *** ركون بيـتٍ ضـم حلـمٍ حلمتـه يومك تعلمنـي الامـن تحاكيـت *** درس الحياه اللي كبرت وفهمتـه هنـاك كانـت دلتـك لاتقهويـت *** وهناك كان يساق طيـبٍ حشمتـه وهناك ايه اذكرني هنـاك خليـت *** طفلٍ مـلا بالدمـع دربٍ رسمتـه هناك جاني علمـك انـك توفيـت *** وهناك خاويت الشقـا واحتزمتـه واليوم قلت اليوم يومـي ومديـت *** كف القصيد وطاح شعر ونظمتـه لكن بعد صمت اثنعش عام حسيت *** اني عجزت اقول شـيٍ كتمتـه !! الشاعر: ناصر القحطاني.. |
| الساعة الآن 08:59 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..