مجالس الرويضة لكل العرب - اكتب اسم الشاعر واللي بعدك يجيب له ابيات ع ذوقه $$

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

رد: اكتب اسم الشاعر واللي بعدك يجيب له ابيات ع ذوقه $$

إهداء ... لـ إللي يعشقون إيذائي
طعناتكم [ وسط الصدر ] مزدحمه

يا وارثيني .... قسموا .... أجزائي
والقلب [ عادي ] لو كليتوا لحمه

ماطحت ودموعي [ تعز ] أجوائي
وإن كنت أبي أجرح أحد .. أقتحمه

يشبه غيابي الموت عند أعضائي
واحد .. عيون الناس به ملتحمه

الروحه روحه وإبشروا ، يا أعدائي
الجرح هذا لي ... رصاصة رحمه

يكفيني | إنكم تحفظون ، أشيائي |
شاعر سطع نجمي بـ رغم الزحمه

رصاصه رحمه

لا الدنيا [ دنيا ] ولا الأحباب أحبابي
الناس واجد .. ولكن ، وين أوفاهم ؟
الكل ( واقف ) و ناطرني على بابي
محتار قلبي . . وتعب بالحيل ويّاهم
واحد طموحه جروحي وحرقة أعصابي
وواحد تمنّى يكون .. بـ قلبي أغلاهم
ماودّي .. والله أجيهم ، شايل عتابي
إلين شفت الغدر والحقد . . أعماهم
دوّرت في وقت ضيقي فزعة أصحابي
ياحر قلبي .... أدورهُم ، ولا ألقاهم !
كلام ماهو كلام . . يصير فـ غيابي
وإلا وجودي ، معلّمني .. من أرداهم
شعلت [ شمعة فراق ] وكانت أسبابي :
يمكن غيابي بـ جرح الصمت يبلاهم
الوجه من وجه أبيض ، وإنقفل بابي
قررت أبعِد .. عن الطعنات وأنساهم

**

أبغى قصيده لـ الشاعر متعب التركي :)

رد: اكتب اسم الشاعر واللي بعدك يجيب له ابيات ع ذوقه $$

http://www.shathaya.com/go/dir/22/ya_2admy.jpg

في عيوني , وش يساوي غيرك إنت ؟
ودّي آخر شي أشوفك . . و ( أنعمي ) !

أدري إن ضاقت عليك الدنيا خنت
وآنا . . . . أخون الدنيا لك يا آدمي !

جيت عندي وبْـ حمى قلبي إستعنت
ليه تطعني .؟؟ . . . . و فيني تحتمي !

حِسْ مَرَّه وحدَه في جَرحِي لاهنت
إرمِي طَلقَه . . وحِسْ بـ اللي ينرمي

كيف ترميني وعلى [ قلبي ] زبنت
" البلا " . . لا صار ضدّي محزمي

كنت قاسي وللأسف مايوم " لنت "
أنتمي لك . . وإنت لي ما تنتمي !

كنت لي قبري وأنا فيك إندفنت
جيت لك كلّي ورجع لي معظمي

كنت لك واحد وكل الناس إنت
كنت صوتي كنت شوفي ونْسمي

أذكر إنيّ كنت بين إيدك وصنت
وإذكر إنّك في جروحي " حاتمي " !

أدري إنّك في غيابي . . . ما حزنت
و رغم هذا . . . تدري إنّك ملهمي

كيف أضمن لك شعوري وماضمنت
من كثر { دقِّك } - تفكّكْه لْـ حمي

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

في زوايا البيت وفي شعري سكنت
وفي حضن " أفكاري " دايم ترتمي

آهِ مِنْ قِيدِكْ . . . . وماهو قِيد كنت
آهِ مِنّك , كِيدِكْ ( أَدْمَى مِعْصَمي ) !

.

رد: اكتب اسم الشاعر واللي بعدك يجيب له ابيات ع ذوقه $$

قصيده لـ الشاعر متعب التركي

:45:

قالوا حبيبك يسمع الشعر قلت أيه
............... ........يـقـراه بعـيـونـي قـبــل تسمـعـونـه
لولاه حتـى طـاري الشعـر مـا ابيـه
............... ........مير أكتبـه مـن شـان خاطـر عيونـه
هـو روح شعـري وأمنياتـه وماضيـه
............... ........جذع الشجر وش كان لـولا غصونـه
اكتـب لغيـره والقصايـد تجـي فـيـه
............... ........كــن القصـايـد حالـفـه مـــا تـخـونـه
هـذاك لا منـه زعـل قـمـت أهـاديـه
............... ........حتـى وهـو مخطـي تـعـذرت دونــه
يمكن لـو أنـه يلمـس الجـرح بيديـه
............... ........يستغرب ان اللـي لمسهـا طعونـه
ابطـى وهـو غـايـب وزلــت حـراويـه
............... ........وأنــا مــن الـعــام آتـحــرى مـزونــه
هو مادرى اني فـي غيابـه محاتيـه
............... ........ليته نشد عـن حالـي اللـي يجونـه
واقلبـي اللـي تــوه أفـلـت عـراويـه
............... .......كيف انسرق وضلوع قلبي حصونـه
عـجـزت أرده كــان مـانــي بـراعـيـه
............... ........يوم انتثـر شوقـه وهاضـت شجونـه
يبسـن عروقـي لكـن اللـي يعـزيـه
............... ........ان اكـثــر الـعـالــم تــــردد لـحـونــه
خـافـو مــن الله لا تجيـبـون طـاريــه
............... ........لا صــرت أنــا مـوجــود لا تـذكـرونـه
لــو كــل غـالـي جـابـه الله لغالـيـه
............... ........ما شفت لك مخلوق تبكـي عيونـه

أبي لــ الشاعر سلطان بن بتلا :36_1_13:

رد: اكتب اسم الشاعر واللي بعدك يجيب له ابيات ع ذوقه $$

:: ((..يابنت الحلال ..))

/
\

لو جميع انسان ما حصل المطلـوب قـال: قـســمــة مالله قـسـمـهــا ولا الله قـالــهــا

كـان يـا ليـل الهواجيـس مـا ضيـقـت بــال وكـان شرهيـن الامانـي مــا هــذا حالـهـا

الرجـيـم ليالقـالـه عـلـى ابــن ادم مـجــال قــام يلـعـب بــه بـغـب الهـجـوس وجالـهـا

لي ثمان سنيـن واكثـر وحـال القلـب حـال والمحـاجـر نـومــة الـلـيـل مـــا تحـلالـهـا

وان هداهـا الله ونامـت ثـلاث اربـع لـيـال عــوّدت للسـهـد والـوسـوسـه واهـوالـهـا

مغريات العصر وظروف وقت وهجر طال ضيـقـت بـالـي عـسـى الله يـضـيـق بـالـهـا

ويـش اسـوي بالمقاديـر يـا بـنـت الـحـلال حـاجـةٍ مــن عـنـد ربــي وانـــا ماحتـالـهـا

اطلبيني مـا استطيـع افعلـه وامـا المحـال النتـيـجـه صـفــر تـطـلـع بـكــل احـوالـهــا

ليه احاول وانتـي اصبحتـي اقـرب للخيـال كــم حبـيـبٍ مــات لــه غـايــةٍ مـــا نـالـهـا

قلتـي: اسـرف بالسهـر طعتـك بليـا جـدال قلتـي: اصـبـر والمحـاجـر هـمـل همالـهـا

قلتي: احزن والحزن صال في قلبي وجال قلتـي: اذكـرنـي وذكــراك مــا حــدٍ زالـهـا

كــل هــذا مــا يقـرّبـك يــا صـعـب المـنـال يــا هـنــوفٍ هـبـلـت بـــي بـقــل وصـالـهـا

انتي ابعـد مـن طموحـات عشـاق الجمـال وانتـي اقـرب لأهــل الـحـب مــن عذالـهـا

قمت أهذري بك واناديـك واقـول الوصـال واخسـارة مـن رغــب حـاجـةٍ مــا طالـهـا

دام هـذي هـي طمـوحـات عـقـال الـرجـال المـهـبّـل يـــا اتـلــع الـجـيـد وش يبقـالـهـا

لـو حبيبـك كـل مـا حـس مـا بـه حـل قـال: قـســمــة مالله قـسـمـهــا ولا الله قـالــهــا

كــان يالـيـل الهـواجـيـس ماظّـيـقـت بـــال وكـان نفـس اللـي شقـابـك مـاهـذا حالـهـا

/
\

اطلب .. محمد جار الله

رد: اكتب اسم الشاعر واللي بعدك يجيب له ابيات ع ذوقه $$

واقــعــنــا

/الفكر/ ضد الموت في كل الأوقات ..
واللي بليا فكر عايش بـ تابوت ..

الصح منه يدوم ويخلد أموات ..
وإلا الغلط مجرد سنين ويموت ..

والشعر لو ماصار ساعي قناعات ..
يصبح حكي لكن على /هيئة بيوت/ ..

والصدق مفتاح الكرامه ومنجات ..
يكفيك من لبس السلام مشلح وكوت ..

والكذب نقص عقول وفعول واثبات ..
بـ ان أغلب الياقوت ماهو بـ ياقوت ..

والحب احلى شيء .. إلا مع الذات ..
والدار أغلى شيء .. إلا بلا قوت ..

و/الدين عزّ/ .. وهيمنه .. وانتصارات ..
لا صار قول . وفعل . وجهاد . وقنوت ..

يوم المشايخ .. قبل عصر الدويلات ..
تنقل كفن واسلاح .. /ماتنقل بشوت/ ..!

في وقتها يااهل الخطب والشعارات ..
سالت دموع العزّ من عين جالوت ..

وفي وقتنا .. يا صانعين القرارات ..
نضحي بـ غزة .. على شان بيروت ..

والفرق شاسع .. ياصراع الحضارات ..
والقول اكيد .. وبالأدلة .. ومثبوت ..

الماضي .. امجاد . وشموخ . وفتوحات ..
والحاضر مهايط . ومقهى . وبيلوت ..!

وأمر وأدهى .. ماهو .. /قادم وآت/ ..
لا صار واقعنا مبهذل .. وممقوت ..

يمثل /الأمة في الأمة .. عصابات ..!
وعلى خراب بيوت/ .! تتعمر بيوت ..

جلسات سرية على شان جلسات ..
تفوت اللي مستحيل انه يفوت ..!!

واللعب واضح في جميع المجالات ..
بـ تشوت ؟! صلح لي اصلح لك اتشوت .!

والخير بين فـي وجـيه البشارات ..
و/الشعب مستهلك/ ومتعب ومكبوت ..

حرية الرأي .. اختصاص القيادات ..
وحنا تخصص ذل /وانصات وسكوت/ ..

ياصاحبي .. خل القصص والحكايات ..
وش ميزة التوت .. إن فقد لذة التوت .؟!

إن مت ! من قول الحقايق .. سهالات ..
على الأقل تدري على ويش بـ تموت ..!

/والمشكله/ ماهيب في كثر الأصوات ..
المشكله لا صار ما /للعقل صـوت/ ..!

اللي بعدي قصيدة لعبدالرحمن بن مساعد