| |
19-03-2007, 03:43 PM
| |||||||||
| |||||||||
صدفة ــ تطعيس ــ حوادث ــ صــور السلام عليكم ورحمة الله وبركاته مساكم الله بالخيييير تحبون العلوووووم تحري بها . . . . . . . . . ارحبوا عد صدر <<< وش الهدف من الجلسة في صدر المجلس خاصة اذا كان العدد قليل والمجلس كبيييير مالكم بالطويلة الاسبوع قبل الماضي ( كنت ) في الرياض وعلى غير العادة اطلع للرويضة العصر كنت في مقهى انتر نت ( ما عنده لاب توب ) واذن العصر وطلعوني قلت انا مسافر وقاصر يعني مصلي خلوني قالوا لا قلت جعل في الامر خيرة طلعت وقعدت اقلب راسي ما لي لزوم بالرياض وفي نفس الوقت مالي لزوم بالرويضة قررت اني ارجع الرويضة بس حسيت الروحه هذه فيها شئ غلط إحساس كذا لدرجة اني بغيت اكتب وصيتي وأحطها في الدرج << مت شآآآآآم طلعت من غير نفس والى والله الشمس في وجهي واوقف في محطة النجمة واخذ موية وبايسووون لزووووم الخط وانا ما تعودت على الخروج في الشمس (تخرب البشرة ) المهم تحملت لين وصلت المزاحمية واتعدى الكوبري الاول يوم وصلت الكوبري الثاني قلت بنزل المزاحمية اتغيب الشمس يمكن الاقي فندق اريح فيه شوي واطلع الكوبري وبدل ما اخذ يمين أخذت يسار هماني قايل لكم فيه شئ غلط المهم كني ارتحت يوم راحت الشمس عن وجهي واقعد ادور بالحواري <<< الله على الحواري كلها استراحات والطريق مليان مطبات اصطناعية والله واوقف عند ذيك الاستراحة والى ابو هنود عند الباب معه اللي يغسل المدخل واناديه ويقوم ويجدع اللي <<<< حلوة يجدع قصيمي على غفلة ــ صديق فيه استراحة ؟؟؟؟؟ ــ ايييييس ــ اقصد فيه فيه اجار هذا استراحة ؟؟؟؟ ــ قال ايوه <<<< والى يوم اسفهل الظاهر له نسبة ــ طيب ابغاها الى المغرب ممكن ــ ايوه ممكن ، متى يجئ انتا ؟؟؟ ــ كيف متى يجي انا ابغاها الى المغرب اليوم ــ قال ابو هنود انتا معلوم كم باقي على مقرب ؟؟؟ ــ قلت لا كم ؟؟ قال واحد ساعو ونص ــ قلت حلو انا يبغى ــ والا الرجال يوم قرب عندي لين دخل خشته علي وقعد يتشمشم !!! ــ وانا اللي ازقطه مع رقبته واسحبه لين دخل نصفه على في الغمارة وهو يصيح قلاص قلاص وشفيك انت قاعد تشمشمني ؟؟؟؟ قال انا اشوف انتا ايش يشرب ذكرت البايسووون لزوم الطريق !!!!! انا يقول هذا مجنون كله نفر يشرب في ليل انتا يشرب في قااااااايلة !!!!!! يوم قال كذا وانا اللي ادفه لين طاه على ظهره وامشي من عنده وادور شوي والى اني طالع على الطريق المؤدي الى منتزه الخرارة السياحي قلت اجل اروح اقضي العصرية في الخرارة وامر عليها كني ما اعرفها واسيد هماني قايل لكم ان اليوم مهوب طبيعي فيه احد يعرف الطريق والا يربط امان الحزام مثلي لان الطريق فيه تعرجات منعطفات كثيرة وبيني وبينكم اللي شجعني على الذهاب اشوف فيه حركة سيارات وامشي يمكن عشرة كيلو او اقل ولا قي طريق صحراوي متجه للنفود قلت معه ( فاااااااضي ) وامشي معه مع العلم ان الطريق شوي تعبان وشوي والا السيارات تنطحني كثير والطريق يضيق من الجانبين من الطعوس العالية كثرت السيارات الذاهبة والعائدة وخاصة ان معظمها كوامري تحت اوامري وكرولات بدون دبلات وشوي واليني طالع على مدينة من السيارات والعالم اللي ما قد شفتهم لا في الخرارة ولا في الثمامة والى هذيك الشاشة العالمية اللي كنها مصلحة لهم والمكان الجميل اللي قدامها للمتفرجين وارجع للكاميرا واطلعها ( معلقها في المراية ) وانقل لكم هذا التقرير الذي اتى بالصدفة اترككم مع الصور تتكلم عن نفسها          7 7 7 7 يتبع لا احد يرد الله يرحم والديكم
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| حوادث غريبة | سمو الاحساس | عالم السيارات | 10 | 29-11-2009 12:35 AM |
| صدفة !!! | الماسة وحساسة | مساحة للضحك والفرفشة | 10 | 12-01-2008 09:59 AM |
| صادفتها صدفة بمستوصف القمة | محمد | صهيل القصيد | 8 | 04-01-2008 04:55 AM |
| @ أجمــــل صدفة @ ... | ام ايلاف | حكايات من الوجد | 9 | 07-06-2007 05:26 AM |
| حوادث المعلمات الى متى نعاني منة | السفير | احتواء ما لا يحتوى | 6 | 07-12-2006 01:49 AM |
 |  |
العرض الشجري
