|
بنات الرويضه يطلبن فزعتك يابو هلا ماحدث في كلية القويعيه في يوم السبت الموافق 12/8/1431 وهو يوم تقديم النسب 90%فاكثر فهو مقسم على ثلاث فترات حسب النسب ولكن بسبب سوءالتنظيم الواسطات وبسبب الموظفات الذين لايحملون الا شهادات المتوسط والثانويه وهم الاداريات الموجودات في الكليه وسط غياب للعميده ورئيسات الاقسام تما دخول الطالبات على حسب رغبة الموظفات وحسب الاوراق التي يحملونها الطالبات الموجود فيها فيتامين (و)الواسطه فهناك طالبات تما قبولهم ونسبهم 60%وفي التخصص الذي يرغبون بينما تما حرمان النسب العاليه وذالك في يوم الاحد ومن القهر تما اغماء الكثيرمن الطالبات والسبب معروف طبعا وهو ذهاب طالبات الرويضه لكليه المجتمع وهو دبلوم فقط وليس لهو مستقبل يذكر لكِ يتم افتتاح اكثر من كليه في القويعيه على حساب طالبات الرويضه ومن النسب التي استطعت الحصول عليها وتما قبولهم انتساب وفي غير التخصص الذي يرغبون هدى السهلي93,29% هياالسهلي92,77% ندى السهلي91,7% مشاعل السهلي91,81% مجد السهلي94,52% بسمه السهلي 95,72% هدى السهلي 91,88% اما الطالبات الذين لم يتم قبولهم في الكليه حتى لو انتساب نوره السهلي89,48% امجاد السهلي88,49% امجاد السهلي 88,39% وتلك الاسما من تمكنا الحصول على نسبهم بسبب ضيق الوقت وهناك الكثير من طالبات الرويضه حرموا من اكمال دراستهم بحجة النسب لكن الان النسب موجوده نرجوك ابو هلا لاتترك بناتنا املنا فيك بعد الله ملاحظه/نرجو من تعرض لهذه المشكله ان يفيدنا بذالك |
رد: بنات الرويضه يطلبن فزعتك والله شى محزن طيب التقديم مهوب عن طريق النت ولى لا يعطيك العافيه |
رد: بنات الرويضه يطلبن فزعتك النصر بمن حضر ... بارك الله فيك وعساك ع القوه شي محزن صراحه |
رد: بنات الرويضه يطلبن فزعتك الله يلوم من يلومك جد شى يقهر بس غريبه التقديم مو على النت |
رد: بنات الرويضه يطلبن فزعتك يويويو الله يعينهم معقوله هالنسب ومانقبلوا .,.. |
رد: بنات الرويضه يطلبن فزعتك شيء محزن الله يعينكم |
رد: بنات الرويضه يطلبن فزعتك يابو هلا اي وهج التقديم على النت لكن القويعيه لهم طريقه خاصه اللي موجودات اهم اللي يختارون لك القسم على كيفهم وفيه بنات بعد انا اعرفهم نسبتهم فوق التسعين وماقبلوهم وربي شي يقهر وغير ذلك المعامله اللي شافوها بنات الرويضه هالمره مهي حلوه زياده على انهم محترمين المواعيد وجايين عليها يسكرون في وجيههم .. وكل ما قالت لهم بنت شي قالوا الأولى لـ بناتنا .. واخر شي صرفوهم طلعوهم قبل يسجلون.. بعذر انو النت تعطل.!! |
رد: بنات الرويضه يطلبن فزعتك يابو هلا والله غلاتى حاسه بقهركم مرينا فيها الله المستعان والله يحسبهم جد مستقبل يضيع وجهد يروح هدر وطموح يتحطم |
رد: بنات الرويضه يطلبن فزعتك يابو هلا الله يعينهم ويوفقهم شي محزن |
رد: بنات الرويضه يطلبن فزعتك يابو هلا قســـــــــــــ ــــم شي يقههههههههههههه هههر يعطيك العافيه ع الطرح |
رد: بنات الرويضه يطلبن فزعتك يابو هلا اللي يغبن بقوه ان المعامله للطالبات من روس خشومهم كنهم بيدخلون كلية ابوهم ويقولون لهم روحوا لجامعة شقرا كل شي من عندها !! يعني طرد علني .. |
رد: بنات الرويضه يطلبن فزعتك يابو هلا الحمدلله والشكر اللي اعرفه انهم مايروحون لـ الكليه إلا بعد مايقبلونهم وهذولا مدري وش لون فاهمين التسجيل الإلكتروني |
رد: بنات الرويضه يطلبن فزعتك يابو هلا حاجه تقهر صراحه التخصص اللي البنت تحلم فيه يكون مكتفي ونسبته مناسبه له وكبيره |
رد: بنات الرويضه يطلبن فزعتك يابو هلا ^ تحمدوا بس ماشفت أدج منهم هم وقراراتهم اللهم لك الحمد والشكر !! مهزله وربي .. لكن هذي صوره مع التحيه لمن يقف في وجه فتح أو بناء كليه للبنات في الرويضه .. |
رد: بنات الرويضه يطلبن فزعتك يابو هلا والله نسبهم تستاهل كليه ارقى واحلا من كلية القويعيه بكثير لكن وش نقول منحدين عليها الوضع ماينسكت عنه ابد قهر يروحون لـ كليه مافيها اقسام تستاهل نسبهم !! |
رد: بنات الرويضه يطلبن فزعتك يابو هلا ,, بس البنات المسيكينات هم الي يشتكون ,,وين الي يحبون الرويضه وتهمهم مصلحتها يورونا شطارتهم ,, لكــن حسبنا الله ونعم الــوكيل ,, |
رد: بنات الرويضه يطلبن فزعتك يابو هلا المفروض يفتحون كليه هينا من متى واحنا منحدين لـ ناس كأننا على راسهم .. لو مايجيك إلا اخلاق البنات اللي يسجلونك كنك جايه تشحذين منهم فلوس مو تسجلين بنسبه عاليه |
رد: بنات الرويضه يطلبن فزعتك يابو هلا اوبببب الحين هم يروحون .؟ وراه اجل يسجلون فالنت ؟؟ .. اللي هذا نظامهم فالتسجيل وش تبون يطلع منهم ؟؟.. وحنا ورا مايفتحون عندنا كليه تفكنا من منتهم ؟؟ ..الله يرحم الحال بس |
رد: بنات الرويضه يطلبن فزعتك يابو هلا يابنات ارتاحو في بيوتكم ولا تشكون حالكم لأحد لأنه Ɣ حياة لمن تنادي وتبطون انه أحد يهتم لأمركم |
رد: بنات الرويضه يطلبن فزعتك يابو هلا جاز الله منك رد اذا الصدق بينحذف اجل بنتعلم الكذب والمدح |
رد: بنات الرويضه يطلبن فزعتك يابو هلا لحضه لحضه ... أنتم وش تقووووولون الحين من جدكم تحسبوووون أنه عشانكم من الرويضه ماقبلوكم ياااااااااااااح باااااااااااااا يبي أنا اعرف لي بنـآت في القويعيه وبنسب عــــــــــــــ ـآليه ماقبلوووووهم ...!!!! وتبطوووووون عضم لابواسطه ولا بغيره وإذا فيه واسطه تبي لهآ واسطه جامده أنا مكلم واحد في نفس التربيه والتعليم للبنات في القويعيه يقول بنتي والله العضيم اني مدخلهآ في الدوادمي ..! شوفوا كيف أنصـحكم بالدوادمي ترى تقبل وأحسسن من كليآت القويعيه الفااااااااااشل ه .,., |
رد: بنات الرويضه يطلبن فزعتك يابو هلا على فكره بخصوص انتضام الكليه اللي في القويعيه من افضل الكليآت .. وأسـأل وتشوف ..!! |
رد: بنات الرويضه يطلبن فزعتك يابو هلا حكاية هم طيب ليش مافيه نظام لو فيه نظام حلو ما انقبلوا بنات وهم اقل من بنات .. الجامعه الي تقول هذا نظامها .. طيب ليش ماطبقوا النظام في الفترات اللي رايحين البنات على وقت نسبهم .. ولـ الأسف كانوا ياخذون اول خمس بنات ومابدوا من 99 كان فيه فووووووووووووضه يعني اللي تدخل تدخل واللي ماتزاحم البنات الله يستر علينا وعليها لو نسبتها من احلا مايكون !! طيب يوم بناتهم مادخلوا ليه كانوا يقولون اللي الأولى لـ القويعيه !! يعني عشان يقولون مالكم إلا اللي يجيكم واحمدوا ربكم انكم تنقبلون والأمر من هذا كله انهم اكتفوا من اول يوم ؟؟ كيف يكتفون واجهزتهم معللللقه معقوله كل البنات نسبه من فوق التسعين ؟؟ لا ماتدخل البال .. نظامهم كان من اسوأ الأنظمه وبعدين لاتصدق انها مافيها واسطه مافيه حاجه مافيها واسطه ترا <<وانا ما اقول عن الواسطات شي لكن مو على حساب بنات مجتهدين وهالكين نفسهم .. وهالكليه اللي كبر القوطي ليه مايكبرونها ان شاء الله ؟؟ في جامعات الرياض بنت الـ 95 تنقبل بالراحه لكن الله حسيبهم ان شاء الله وإذا على النظام ترا نظامم على كيفهم والوحده إذا جت تنتقل لـ كليه ثانيه تحصلهم مضيعين ملفها ((وهذي صارت حقيقه)) <<تراها منفعله ^_^ |
رد: بنات الرويضه يطلبن فزعتك يابو هلا والله بصراحه مفروض يقدم عليهم شكوى لجامعة شقرء الوالد والله انه ناوي يمشي اليوم بيروح للعميد في جامعة شقراء بس انا اللي رديته قلت طنشهم بس بنقدم على الدوادمي وأنا الحين ماشيء بعد صلاة الفجر لدوادمي بأخذ اهلي وماشيء وبنشوف كيف الوضع هنآك .. فعلآ السنه هذي قهر تخيلي فيه وحده نسبتهآ 95 معطينهآ إنتسااااااب يعني ضلم قوي بصراحه , |
رد: بنات الرويضه يطلبن فزعتك يابو هلا المشكله الوقت ضيق لو يروحون مجموووعه من أهـألي الرويضه ويقدمون شكوى لمدير جامعة شقراء أتوقع ان بيصير فيهآ حل أكيد بس الواحد ترى صعبه يهتمون فيه أنا ابي يروحون 6 اشخاص 7أشخاص أو ,8 اشخاص بعد ومن الرجال اللي عليهم الكلآم وغصب عنهم أنهم يشوفون حل ابيهم يقولون ماحنآ طالعين من الجآمعه الين تشوفون لنآ حل هذي ماهي طريقه .,., بس عآد وين اللي بيروحون ..؟!! أصلآ لو في اهتمآم كآن من زمان في الرويضه كليه ,, |
رد: بنات الرويضه يطلبن فزعتك يابو هلا (قال وش حدك على المر قال اللي امر منه) والا من زين هالكليه والا التخصصات اللي على عصر جدتي والله انها غبينه اللي نسبهم تسعين وفوق يدخلن تخصصات عاديه تقبلها نسبة السبعين واللي يقول اجلسوا في بيوتكم لاتقدمون الا بنقدم وغصبا عليهم البلد بلدنا والموظفات رواتبهم تدفعها حكومتنا خير ان شاءالله في اي عام بيحطون كليه <<الظاهر اذا حجت البقر على قرونها ياناس كفايه صممممممت كفااااايه مافيه شي بيوصل عندكم وانتم ساكتين تحركوااا بعدين اللي عندها طموح تروح الرياض تدور لها تخصص يناسب قدراتها وشو له يروح تعبها عالفاضي و تدخل تخصص مايوكل عيش ..ترتاح في بيتهم احسن <<< تخصصها المشؤم |
رد: بنات الرويضه يطلبن فزعتك يابو هلا معاد عندي شئ اقوله كفت وفت صديقة القلم شكرا وشكرا للجميع |
رد: بنات الرويضه يطلبن فزعتك يابو هلا المساحه محجوزه ............... ............. . |
رد: بنات الرويضه يطلبن فزعتك يابو هلا أنا في الدوادمي الحين طردو كل اللي تبع القويعيه ههههههههههههههه هه يقولون اللي تبع القويعيه لانشوووفوهم ضفو وجيهكم الين نخلص اللي من داخل الدوادمي عــآد هذا وجهي اذا بـيـبـقى مقآعد هع |
رد: بنات الرويضه يطلبن فزعتك يابو هلا والله العظيم قهر ورب الكعبه ان خويي اللي من القويعيه مقبوله بنت عمه بنسبة 76 والله العظيم قهر بديت احقد عليه |
رد: بنات الرويضه يطلبن فزعتك يابو هلا الرقيب كان هنا !! |
رد: بنات الرويضه يطلبن فزعتك يابو هلا يالله وينكم مـن اللي بيخــآوي لجــآمعة شقراء ,..! نروح للعميد هنآك بس نبيهآ جمعه عساااااااس يكون لنآ كلمه ولنآ راي مسمووع , عطونـآ موعد نجتمع ونروح سوى .. هذا فهد يقول مقبوله ناااس نسبهم 76 وحنآ خوتنآ وبنآتنآ في التسعينآت مآنقبلووو ..!!؟؟ |
رد: بنات الرويضه يطلبن فزعتك يابو هلا هنا كان مقص الرقيب |
رد: بنات الرويضه يطلبن فزعتك يابو هلا لاتعليق وماخفي كان اعظم |
رد: بنات الرويضه يطلبن فزعتك يابو هلا برجاء احترام الغير والرد بلغة راقية تدل على نضج عقولكم وللمتضررين الحق في مقابلة عميد جامعة شقراء ومن له حق بيأخذه وانتم ركزتم على النسبة المؤوية ونسيتوا المعدل التحصيلي وهو الاهم انا بنتي العام الماضي نسبتها 99.5% والتحصيلي 85 ومع ذلك حولوها على جامعة الاميرة نوره مع انها تبي جامعة الملك سعود . شيء من الهدوء واولياء امور الطالبات هم من يجب ان يتحركوا ويطالبوا المسئولين وماراح يقصرون اذا لهم حق اما الكلام اللي فيه تجريح ليس مكانه هنا . لكم ودي وتقديري وللعلم الاتصالات لم تهدأ على جوالي من اهل الرويضة ولازلنا نحاول الاتصال بالعميدة وبمدير جامعة شقراء لعل وعسى نوصل شكواكم |
رد: بنات الرويضه يطلبن فزعتك يابو هلا أبو هلآ التحصيلي ماااااايعتمدونه ولا سألو عنه أصلآ التحصيلي ماهو مطلوب في القويعيه ..! |
رد: بنات الرويضه يطلبن فزعتك يابو هلا النصر بمن حضر :: هـــع هـــع هـــع |
رد: بنات الرويضه يطلبن فزعتك يابو هلا التحصيلي والقدرات وهالأشياء ماطلبوها بس اتوقع هالفوضى صارت عشان القبول فوري؟؟؟ |
رد: بنات الرويضه يطلبن فزعتك يابو هلا الله يكون بالعون الحمد لله تخرجنا قبل التحصيلي والقدراات اعرف وحده نسبتهاا 93 ودخلت الكليه التقنيه دبلوم عشان القدراات وكان مع بنت اختي بنت نسبتهاا 79 بجامعة طيبه داخله مو بالكليه يعني الواسطه فوق القانون حسبي الله عليهم ضيعوا الشباب.. مايفكرون وشلون جات هالنسب بالتعب والسهر .. كلام ابو هلا سليم لازم اولياء الامور يكون لهم موقف كل واحد يصور ملف بنته والا اخته ويتوجهون لـ اصحاب السلطه ويشتكون وان شاءالله توصل لوزير التربيه والتعليم الله يسهل الامور دمتم بخير جميعآآ :) |
رد: بنات الرويضه يطلبن فزعتك يابو هلا الله يعينكم هذه هي الدنيا يوم لك وسنه عليك أكثرو من الدعاء أن الله لا يضيع أجر من أحسن عملا |
| الساعة الآن 07:48 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..