المشاركة الأصلية كتبت بواسطة عمر العصيمي (المشاركة 647359)

والله يا اختي سالفة القدرات صارت بكل شيء حتى الشركات تطلب منا نختبر قدرات

حسبنا القدرات تشمل الجامعات والكليات فقط لكن ظهر ما كنا نتوقعه

ندفع 100 ريال يمكن تصيب يمكن تخيب

واما سالفه الــ12 سنه دراسه بصراحه أستفدت منها القليل ليس الكثير

وصحيح سالفه النسب الي كل شوي تزداد

أرامكو كانت تقبل من 75 وما فوق الحين سمعت انهم يقبلون من 80 وما فوق

الا يبون واحد مجتهد وما تنزل نسبته عن الــ92

بيني وبينكم ما تمشي الا الواسطه والفلوس

غير كذا ما تمشي

المشاركة الأصلية كتبت بواسطة ذبـحني غـلاك (المشاركة 647361)

الله يعين هذا الي يبونه كل هذا الي يسوونه عشان يتعذرون بالبطاله يعني الشباب ما معهم الا ثانوي يبون يحطون العثر في الشباب لا تلومونهم ما عندهم وظايف وصعبو الامور عشان يجيلهم عذر بالثانويه
والمليارات منكبه على الاردن ولبنان والمغرب والشباب طايحين دجه في الشوارع .

المشاركة الأصلية كتبت بواسطة ذبـحني غـلاك (المشاركة 647365)

عندي تعليق ثاني بالنسبه لل12 سنه اكيد تفرق الي معه سادس ماهو مثل الي معه متوسط والي معه متوسط ماهو مثل الي معه ثانوي اكيد التفكير وامور كثيره تختلف حتى لو الطالب فاشل دراسيا ومعه ثانوي يختلف عن الي معه ابتدائي
بأختصار كفائده شخصيه الدراسه مفيده بس الفائده من ناحية التوظيف والأمور الثانيه ما منها فائده في وقتنا الحالي وان شاء الله الأمور تتغير ويتحسن الحال وتروح البطاله .