|
خلصنا دراسهـ .. وبعدين وين نروح ؟؟ ((تم دمج الموضوعين )) ^_^ بسم الله الرحمن الرحيم السلام عليكم ورحمة الله وبركاتهـ ~ http://www.okaz.com.sa/new/Issues/20...mages/ww27.jpg لاحظنا في الآونه الأخيــره ان الدراسه بعد الثانويه صارت صعبه ومع ذلك الطلاب ماقصروا وصارت نسبهم ماتنزل عن الـ 85% وصار مايمشي إلا من 90 % واللي تحتها إذا توفرت مقاعد لا تقولون جبتيها عشان مافيه مقاعد وش يمنع انهم يبنون جامعاات وكليات جديده ليه القرى مافيها كليات ..؟ والا يعني شباب وبنات القرى مالهم رب ؟؟ والمشكله الحين لما الكل صار يجيب فوق الـ 90 % طلعت سالفة القدرات ليه طيب .. وش نقصوا عن الناس اللي قبل كم سنه ؟؟ http://www.slaati.com/inf/newsm/12233.jpg اخواني واخواتي .. هذي مساحه تقولون فيها ماتشاءون بعيد عن الكلمات الغير لآئقه اتمنى مشاركة الجميع .. :) |
درسنا الكليه وخلصنا .. وبعدين ؟ ((مسآحه لـلي خلصوا دراسه )) بسم الله الرحمن الرحيم السلام عليكم ورحمة الله وبركاتهـ ~ http://mnshor.files.wordpress.com/20...ad8b1d8a92.jpg كثيرين خلصوا دراسهـ وصار مصيرهم مصير اللي تخرجوا من الثانويه :) .. واكثرهم اضطروا يكملون برا ممكن يرزقهم الله بوضيفه..!! واللي مايقدر على الغربه يجلس كم سنه يبحث عن وضيفه :( والحين لازم يكون عندك خبره طيب من وين تجي الخبره ؟؟ http://www.fin3go.com/images/articles/batalah.jpg اعزائي المتخرجين والمتخرجات لكم مساحه بسيطه لـ طرح مابـ داخلكم لكن بعيد عن الكلام الغير لآئــق ^_^ |
رد: ندرس 12 ويعدين وش يصير ؟؟ ((مساحه لـ الطلاب فقط)) والله يا اختي سالفة القدرات صارت بكل شيء حتى الشركات تطلب منا نختبر قدرات حسبنا القدرات تشمل الجامعات والكليات فقط لكن ظهر ما كنا نتوقعه ندفع 100 ريال يمكن تصيب يمكن تخيب واما سالفه الــ12 سنه دراسه بصراحه أستفدت منها القليل ليس الكثير وصحيح سالفه النسب الي كل شوي تزداد أرامكو كانت تقبل من 75 وما فوق الحين سمعت انهم يقبلون من 80 وما فوق الا يبون واحد مجتهد وما تنزل نسبته عن الــ92 بيني وبينكم ما تمشي الا الواسطه والفلوس غير كذا ما تمشي |
رد: ندرس 12 ويعدين وش يصير ؟؟ ((مساحه لـ الطلاب فقط)) الله يعين هذا الي يبونه كل هذا الي يسوونه عشان يتعذرون بالبطاله يعني الشباب ما معهم الا ثانوي يبون يحطون العثر في الشباب لا تلومونهم ما عندهم وظايف وصعبو الامور عشان يجيلهم عذر بالثانويه . |
.. من جد الخبره من وين أحصلها كل ما اقدم على شركه يقول ما عندك خبر كل ما أقدم على أي شغله بس عشان الخبر يطلعلي سالفه ( للأسف ما عندك خبره الله يوفقك بمكان ثاني ) وانا أملي بالله قوي وأن شاء الله أحصل شركه وسالفه البعثات مثل ما قالت أختي البعض ما يداني الغربه وانا أولهم والله وأقولها لكم إلى الأن اقدم على شهادتي الثانويه الله يعين بس |
رد: ندرس 12 ويعدين وش يصير ؟؟ ((مساحه لـ الطلاب)) عندي تعليق ثاني بالنسبه لل12 سنه اكيد تفرق الي معه سادس ماهو مثل الي معه متوسط والي معه متوسط ماهو مثل الي معه ثانوي اكيد التفكير وامور كثيره تختلف حتى لو الطالب فاشل دراسيا ومعه ثانوي يختلف عن الي معه ابتدائي بأختصار كفائده شخصيه الدراسه مفيده بس الفائده من ناحية التوظيف والأمور الثانيه ما منها فائده في وقتنا الحالي وان شاء الله الأمور تتغير ويتحسن الحال وتروح البطاله . |
رد: درسنا الكليه وخلصنا .. وبعدين ؟ ((مسآحه لـلي خلصوا دراسه )) شكلك متعقده من الكليات والمعاهد منزله موضوعين هههههههههههههه والله الأمور صعبه خاصه الي دارس معهد اهلي ووراه اختبار في الهيئه يمكن ما ينجح وتروح دراسته بدون فايده |
رد: ندرس 12 ويعدين وش يصير ؟؟ ((مساحه لـ الطلاب فقط)) اقتباس:
القدرات بصراحه خربت على الكثير صارت على كل شي لأن يمكن صارت رادع لـ الكثير ما ادري يعني يبغون ناس عباقره تكمل وتتوضف ..؟ مشكور على مشاركتك اخوي عمر العصيمي ^_^ |
رد: ندرس 12 ويعدين وش يصير ؟؟ ((مساحه لـ الطلاب فقط)) اقتباس:
المشكله ان الوضع صار خطير بصراحه يدرسون ويتعبون وفالنهايه البيت ينتظرهم..؟ يعني لو الواحد مهو مهتم ماكان راح يقدم اوراقه مشكور على مداخلتك اخوي ^_^ |
رد: ندرس 12 ويعدين وش يصير ؟؟ ((مساحه لـ الطلاب)) اقتباس:
ايه صحيح بس انا ماوضحت لكم وش اقصد سوري الخطا مني ^_^ انا اقصد قبل كم سنه اللي يتخرجون من الثانويه يدخلون بنسبة 70 % ويدخلون اي قسم يبغونه ولا بعد ادبي !! والحين مع ان الدراسه صعبت صاروا ما يدخلون إلا بـ 90 % وفوووق وفي الجامعات معاد تنفع التسعين لـ الأدبي :( مشكور على مداخلتك مره ثانيه ^_^ |
رد: ندرس 12 ويعدين وش يصير ؟؟ ((مساحه لـ الطلاب)) اقتباس:
هلا فيك اخوي عمر العصيمي .. والله العوائق كثرت على المتخرجين .. والله يوفقك ان شاء الله مادام املك بالله قوي ان شاء الله بتتوفق ^_^ مشكور على مرورك .. |
رد: ندرس 12 ويعدين وش يصير ؟؟ ((مساحه لـ الطلاب)) اقتباس:
الواحد يروح يمين وشمال عشان يدخل الكليه وإذا دخل تعب نفسياً لين يتخرج وإذا تخرج وخلص من هم الكليه شال هم الوضيفه يعني الهم موجود موجود الله يوفقك ان شاء الله .. ^_^ |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ :36_1_44::36_1_ 44::36_1_44::36 _1_44::36_1_44: :36_1_44::36_1_ 44::36_1_4::36_ 1_4::36_1_4::36 _1_4:حراااااااا ااااااام والله انا الحين متخرجه وحاطه يدي علي قلبي ونسبتي 90 % واخيص اقسام طلعت لي مو حررااام والقدرات 60 والتحصيلي 75 ..طلعت لي اقسام الادبي انا حين ادرس علمي واخر شي ادخل مجلات ادبيه . فعلا الحين ماتمشي لي معك واسطه وفوقها ضمتين . (مااقول غير الشكوه للغير الله مذله ) |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ القدرات تعجيزيه للطالب اذا بغى يقدم على الجامعه يعني مالها اي فائده . فيه تخصصات تافهه يطلبون عليها من الــ 95 وفوق وهي حد قبولها 70 وياليت اي درجه ترضيهم الحين اغلب الجامعات تطلب القدرات من الـ 80 وفوق والوظايف حتى يعني اللي بيقدم على وظيفه في شركه لازم يكون عنده 3 سنوات خبره على الاقل طيب كيف تجي الخبره وهو اساسا ما توظف صديقة القلم الف شكر لطرحك المميز دائما ... |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ الله يوفق الجميع ويلقاله وضيفتن ترضيه الف الشكر صديقة القلم:) |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ صديقة القلم : موضوع شائك وعلى اعلى مستوى الدولة تدرس الحلول العاجله وطويلة المدى موضوع البطاله موجود في كل دول العالم الا الدول قليلة السكان وبنسب متفاوته العلــّة وأقصد علــّة التوظيف تكمن في عدم رغبة القطاع الخاص بالشاب السعودي ويفضلون الاجنبي لانظباطه ولقناعته بالعمل اللي يولونه اياه ولارتفاع انتاجيته والشيء الادهى ان هناك شركات ومؤسسات يملكها سعوديين ومؤجرة من الباطن لغير سعوديين وهم من يوظف ابناء جلدته وفي الدول المتقدمه يشكل التوظيف بالقطاع الخاص النسبة الاعلى عكس مالدينا . وزارة التربية ووزارة التعليم العالي مهمتهم التدريس وتخريج الطلاب اما توظيفهم مسؤولية الدولة بقطاعيها الحكومي والخاص والخاص يتعذر بضعف مخرجات التعليم ومعهم حق نحتاج الى تخصصات بمثابة الخبرة للخريجين يجون للقطاع الخاص وهم جاهزين مدربين . خريجي الثانويه لهذه الاعوام غير عن الاعوام قبل 20سنه وقتها الطالب يختبر في المنهج كامل وعليه مراقبين والاسئلة موحده ولافيه مدارس اهليه الا معهد العاصمه ومدارس الرياض في الرياض واليوم المدارس الاهليه هدمت التعليم لانها تعطي طلابها الدرجة الكامله في الفصل الاول علشان تكسب فلوس وتغششهم في النهائي وكذلك المدارس الاهليه الليليه والمنازل ولهذا تم وضع القياس ولو كانوا الطلاب ناجحين بجداره كان تجاوزوا القياس . الحلول :شبابنا شباب اتكالي اليماني والبنقالي يجون مامعهم صنعه ولا شهاده ويبدون في البيع والشراء وشوي تلقاهم يوظفون السعوديين عندهم في محلات الخضار وغيرها طيب ليه الشاب السعودي مايشتغل في المهن مثل الخضار والبقالات وقيادة الشاحنات ومندوبي مبيعات وموظفي كاشير ينسون الكرسي الدوار وبيلقون الف خير واحسن بعد من الوظيفه الحكوميه وفي دول العالم الشباب هم من يشتغل في هالمهن وعندنا في دلع حتى العسكريه يسجلون فيها ويهربون من ثاني يوم اما الواسطه فالتسجيل بالجامعات وفي الوظائف الحكومية المعلن عنها نزيهه فلا نوجد الاعذار. والدوله ماقصرت فتحت باب الابتعاث وزادت عدد الجامعات وماهوب لازم تدرس في كليه جنب بيتك اول اي كليه تقبلك ادرس فيها وبأي منطقه وسلامتكم . |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ سفيرة الرويضه من جد حآجه تقهر إذا انتي علمي ونسبتك كيذا وطلعوا لك اقسآم ادبيه.. يعني وش يبغون اكثر من طلاب وطآلبآت العلمي.. اجل لو تدرين عندنا وش فآتحين فاتحين كليه كل اقسآمها علميه ومادخلها إلا ادبي..والنسبه أي كلآم شوفي سبحآن اللي يدريك إنهم فاتحينها بمكآن مو منآسب.!! والكليه إللي عليها الكلآم من اول يوم تسجيل اكتفى قسم والقسم الثاني ع وشك!! اول مره اشوف قسم يكتفي من اول يوم تسجيل والأمر من هذا انهم اكتفوا فالفتره الأولى يعني بآقي من بنآت الفتره الأولى شوي مآلحقوا ع القسم... هذا يدل على ان الكليه مو أهل لأنها تكون كليه.. كليه تخص محافظآت وقرى كثيره مآفيها إلا اربع مبآني...؟ عشآن كيذا أكتفى قسم من الفتره الأولى... |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ اشكرك صديقتي على الموضوع الساخن وانا من الناس اللي يعانون من البطاله بس الحين تعودت والله يكون بعون شبابنا من جد ماعاد يمشى شي اللى بواسطه حتى مواقف السيارات |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ هلآ فيك امير السهول والله مافيه تفسير إلا كيذا للأسف القدرآت صآرت كابوس للجميع والمشكله إذا اجتزت القدرآت وفكروا يقبلوك في وضيفه لآزم تختبر مع ثلآثين شخص ولا ياخذون منهم إلا عشره ...! وسآلفة الخبره سآلفه مدري من وين بيجيبونها... والله حآله صدق.. مشكور على مرورك وتعليقك. |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ حآمل المسك.. اللهم آمين ويآك ان شآء الله مشكور على مرورك |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ هلا فيك استآذنا محمد السهلي بس مو قهر الوآحد يدرس وفالنهآيه يبيع خضره..؟ مافي احد بيكون نفسه من محل خضره.. وبالنسبه للجآمعآت والكليآت انا اقول وش اللي يمنع انهم يبنون في كل قريه كليتين وحده للشباب ووحده للبنآت...؟؟ هذا ترا من أسباب الزحمه فالمدن يقولون اهل القرى مسببين زحمه فالمدن..كأن محد ضيق عليهم إلا هم ماسلموا حتى من كتآب الجغرافيا.. ليه مايحلون المشكله هذي بـ بنآء كليآت اكثر..في امآكن غير المدن.. لأن اهل القرى مآراحوا إلا يطلبون العلم.. اخآف بكره الدول الثانيه تقول السعوديين مسببين زحمه في دولنا .!!! بعدين انت تقول قبل عشرين سنه درآستهم غير.. طيب في حل احسن من انهم يحطون النسبه ترآكميه ويشيلونا الهم من ثآني.. ويهبطون عزيمتهم بإختبآر القدرآت.. ليه مايسكرون المدآرس الأهليه..؟ لا يسكرونها لأنها فاكه ازمه توضف بدون خبره وتعطي خبره.. ليه مايخلونها من اول إلي سادس.. ومن اول متوسط إلى ثاني ثآنوي.. وثالث رح ادرس واجتهد الله لايهينك.. ويلغون النسبه الترآكميه ويلغون إختبآر القدرآت... مشكور على مرورك الطيب.. ^_^ |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ ااااااااااااااا ااااااااااة والله ان البطاله مشكله بس الشكوى لله |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ اهلين اختي الغآليه الفرآشه.. الحمدلله اهم شي حصلت الوضيفه إن شآء الله رسميه وتوفقين دوم وعقبآل البقيه.. ومثل مآقلتي الثقه بالله لآزم تكون كبيره... واللي ماحصل الله يعوضه فالآخره إن شآء الله.. مشكوره ع مدآخلتك^_^ |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ هلا فيك انفآس الورد نسبة البطآله كل يوم عن الثاني تزيد والله يستر من اللي جآي.. الله يعافيك ع مرورك .^_^. |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ الدانه اي والله الشكوى لله :( الظاهر هذا مصير مافي منه مفر بس توكلنا على الله وان شاء الله يرزق الجميع مشكوره حبيبتي على مرورك ^_^ |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ يالله المستعان... |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ ^^^ ونعم بالله ... مشكور على مرورك ^_^ |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ والله قهر ان البنت نسبتها فوق التسعين وحلمها متوقف على كلية القويعيه http://www.rwwwr.com/vb/images/icons/icon8.gif.. المفروض بنات التسعين مايعطون القويعيه لو نظره بسيطه .. حتى المفروض يروحون للرياض عن طريق مايمر بالقويعيه http://www.rwwwr.com/vb/images/icons/icon8.gif.. الله يوفق يناتنا ويعوضهن,,, |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ أبقولكم موقف صار لي من شركه نوعا ما كبيره أسمها لبناني أوجيه اقصد سعودي أوجيه وانا مقدم بشهاده الكليه التقنيه دبلوم تخصص حاسب ألي شبكات لاحظو أستغلال الشركات عندنا بالمملكه انا مواطن سعودي معي دبلوم أستلم 1600 ريال كيف تعيشني راتبي مثل رواتب العماله الأجنبيه حسبنى الله ونعم الوكيل حطموني هذا الراتب للي عنده كفائه او ابتدائي وانا اناظر بالعقد اليوم ودي أبكي هذا راتب انا استلمه والله حرام السنوات الي أدرسها على راتب 1600 والا عشان ما عندي واسطه وأبشركم المسمى الوظيفي عامل ونسبة الكليه تأهلني للشركات الرائده كأرامكو وسابك وسكيكو تخيلو قبل ما سويت المقابله حفظتلي ثلاث أوراق كلها بالانجليزي عشان اتكلم عن نفسي ومسوي مقابله شخصيه المره الأولى والمره الثانيه وأخر شيء راتب ما يكفي ربع الشهر وغير كذا مكان العمل بعيد عن سكني 90 كيلو تدرون ان هذه الشركه طلبت 25 الف فلبيني للعمل بمشروع عام2009 على ما اظن وين السعوده ناس ما عندها الا كفائه وبتدائي وراهم ما يوظفونهم وش رايكم بأستغلال المواطن اتمنا محد يطيح بشركات مثل سعودي أوجيه |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ هههههههههه العيطموس مشكوره على مرورك ترا هالموضوع غير عن موضوع كلية التربيه مشكوره مره اخرى ^_^ |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ عمر العصيمي الله يعين بس قصتك تقهر لكن الله بيوفقك ان شاء الله في يوم من الأيام بس اهم شي كبر الأمل بالله ^_^ مشكور على مرورك مره ثانيه ومداخلاتك الطيبي |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ انا عندي اجازه اسبوع بس والسفر في الخليج مافيه امل الحين وقمه القهر الظحكه شاقه وجهي وانصدم في الجواز انتهاء ابي اجدد الجواز يقولي غير بطاقه الاحوال وجب الهويه الوطنيه حسيت اني طول عمري موب سعودي انا واجي احوال الرياض هذي قصه طويله زحمه وحر وتعب واخلاق موظفين احوال الرياض زي الحلاوه دايم مبتسم وبشوش ولايرفع صوته على المراجعين <<<< طبعن العكس صحيح هههههههه يعني مافيه امل السفر خارج المملكه في الصيف يعني راح اقظي الاجازه في ربوع مراجعه الدوائر الحكوميه ههههههههههههه |
رد: خلصنا دراسهـ .. وبعدين وين نروح ؟؟ ((تم دمج الموضوعين )) ^_^ ^ ^ ^ طيب موب لازم تسافر برا .. خليك داخل مشكور على مرورك ^_^ |
| الساعة الآن 03:21 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..