خلك قدها

لابغيت أتشوف فعلك مع أكرام السبـال =أرخ يمنـاك الكريمـة وتلقـاء ردهـا
ولاتعقد في أحجاجك ليا شفت الرجـال =أبتسم في أوجيه الاجواد وأكسب ودها
وان جفتك الدار وصحابها شد الرحـال =قبل لاينبـاح سـدك وتبحـث سدهـا
واعرف أن الصبر عقباه تحمد لو طال =وأعرف امزوح الرجاجيل واعرف جدها
واعرف ان الوقت دوار وأيامه أطـوال =تتعب العـداد لاصـار يبغـي عدهـا
واعرف أن الفي يقصر مع وقت الزوال =والعمار أقصار لاقربـت مـن حدهـا
بس لاتبهي بنفسك ولاتقطـع لآمـال =ساير الدنيا وعش من فضايـل مدهـا
وأبتغ من النعمة الطيبه رزق (ن) حلال =وأطلب من الله عسى الله يهون ضدهـا
وأوف معروف الرجاجيل ذربين الفعال =وأحسب أحساب المواقف وخلك قدهـا

الشاعر / مذكر الصخيل

وخلك قدها..

الله الله..

عز الله انها كلمآت جزله..


الله يحييك في مجآلسنا وننتظر جديدك..

‏^‏_^

كلمات رائعة من شاعر رائع

لك كل إحترامي على هي الأبيات

وصح لسانك والله يعطيك العآآآآفية خيو


لك ودي


نكتار

الله الله

صح لسانك اخوي مذكر ع القصيدة
والتي تحمل بين طياتها الكثير من المعاني الجزلة


بداية موفقة منك اخوي
وياهلا بك بين اخوانك


تقبل تحياتي

رحال رنية

صح لسانك يا أبو مبارك قصيدة جزلة من شاعر جزل
تحياتي