مجالس الرويضة لكل العرب

مجالس الرويضة لكل العرب (http://www.rwwwr.com/vb/httb:www.rwwwr.com.php)

- نشيد الروح (http://www.rwwwr.com/vb/f37.html)

- - خلك قدها (http://www.rwwwr.com/vb/t43045.html)

لابغيت أتشوف فعلك مع أكرام السبـال =أرخ يمنـاك الكريمـة وتلقـاء ردهـا
ولاتعقد في أحجاجك ليا شفت الرجـال =أبتسم في أوجيه الاجواد وأكسب ودها
وان جفتك الدار وصحابها شد الرحـال =قبل لاينبـاح سـدك وتبحـث سدهـا
واعرف أن الصبر عقباه تحمد لو طال =وأعرف امزوح الرجاجيل واعرف جدها
واعرف ان الوقت دوار وأيامه أطـوال =تتعب العـداد لاصـار يبغـي عدهـا
واعرف أن الفي يقصر مع وقت الزوال =والعمار أقصار لاقربـت مـن حدهـا
بس لاتبهي بنفسك ولاتقطـع لآمـال =ساير الدنيا وعش من فضايـل مدهـا
وأبتغ من النعمة الطيبه رزق (ن) حلال =وأطلب من الله عسى الله يهون ضدهـا
وأوف معروف الرجاجيل ذربين الفعال =وأحسب أحساب المواقف وخلك قدهـا

الشاعر / مذكر الصخيل

رد: خلك قدها

وخلك قدها..

الله الله..

عز الله انها كلمآت جزله..

الله يحييك في مجآلسنا وننتظر جديدك..

‏^‏_^

رد: خلك قدها

كلمات رائعة من شاعر رائع

لك كل إحترامي على هي الأبيات

وصح لسانك والله يعطيك العآآآآفية خيو

لك ودي

نكتار

رد: خلك قدها

الله الله

صح لسانك اخوي مذكر ع القصيدة
والتي تحمل بين طياتها الكثير من المعاني الجزلة

بداية موفقة منك اخوي
وياهلا بك بين اخوانك

تقبل تحياتي

رحال رنية

رد: خلك قدها

صح لسانك يا أبو مبارك قصيدة جزلة من شاعر جزل
تحياتي