|
صيفنا بالرويضة احلى _- حلم اتمني يتحقق السلام عليكم ورحمة الله وبركاتة اداره الرويضه واعضاء الرويضه واهالي الرويضه احبتي الكرام طبعا الصيف قرب والحر يشدد وطبعا شباب الرويضه وده بماكن تسليه بصراحه بما يفتر بشوارع ويسوي ازعاج وتفحيط لماذا مايكون كل سنه بالصيف احتفاليه لصيف الرويضه مهرجان ونجيب قناه الدانه ولا قناه المجد مثلا اللعاب تفرفيه مكشات ولا غيرها بصراحه اشوف القصمان شغالين بديرتهم ومطورينها وكل سنه صيف عنيزة ولا بريده ولا غيرها اقتراحي يكون هناك حفل للرويضه صيف الرويضه مثل اللعاب ومسابقات ومكشات واناشيد نبي نطلع الموهبه في ابناء الرويضه ويكون احتفالنا غير اتمني الموضوع لايحذف ولا ينقل لان يخصنا كشباب الرويضه نبي شي يرفهنا مب سفريات وغيرها |
رد: صيفنا برويضه احلى _- حلم اتمني يتحقق والله فكره جهنميه اؤيدك صراحه ياليت الكل يتجاوب مع الموضوع عاد ابو هلا اعلامي معروف له اسمه وله جمهوره وجريدة الرياض الراعي الرسمي طرح رائع |
رد: صيفنا برويضه احلى _- حلم اتمني يتحقق والله يا اخوي كلامك عين الصواب لكن تنفيذها صعب بشكل نسبي يجب ان توضع لجنه منظمه ودراسه للاجابيات والسلبيات والافكار المثيره في هذا المشروع وقد لا تتوفر هذه الاشياء الا بجهد وتعب ونحن نعرف الكلام سهل لكن التنفيذ جدا يحتاج جهد من كان عنده الاستطاعه باداره هذه المشروع هذا يسهل المهمه |
رد: صيفنا برويضه احلى _- حلم اتمني يتحقق حلوه احلام اليقظه!! |
رد: صيفنا برويضه احلى _- حلم اتمني يتحقق يارجل حنا ماقدرنا نجلس في الكورنيش الجنوبي من لجةالشباب تبي مهرجان خل الشباب يسافرون لابها والمصايف الداخليةولا اللي يبون الله يستر عليهم |
رد: صيفنا برويضه احلى _- حلم اتمني يتحقق والله الفكره حلوهـ وفي نفس الوقت صعبه شوو يآت! نشوف رأي اهل الأختصـــاص , |
رد: صيفنا برويضه احلى _- حلم اتمني يتحقق السلام عليكم ورحمة الله وبركاته احييك اخي على حرصك واهتمامك لان اطيل الكلام بالموضوع لانه بوجهة نظري سهل وانا على كامل الاستعداد بتقديم فقرات ترفيهية وكذلك اذا تريدون استخدام التقنية من عرووض بروجكتر سواء ترفيهية او مسابقات بإستخدام التقنية فأنا على اتم استعداد وجدا يمكن الاستفادة من المزرووع اللي جنوب الخط لأقامة البرامج ايضا قد ادعو شباب متميزون في هذه الامور ويحتسبون الاجر وان شاء الله لا يوجد عندهم مانع ايضا ممكن نضيف استضافة مشائخ لمحاضرة واسئلة عليها جوائز وانا موجود بالرويضة وممكن تراسلني ع الخاص اذا تم الموضوع |
رد: صيفنا برويضه احلى _- حلم اتمني يتحقق بادره طيبه منك اخي تربوي فعال قدها وقدود يا ذيب ان شاء الله لي زياره للرويضه |
رد: صيفنا برويضه احلى _- حلم اتمني يتحقق اهلا وسهلا اخوووي... فكرة حلووة لو كانت اجواءنا مثل الجواء الطايف وابها . اما هنا والله الواحد مايطلع النهار كلة . ولا يطلع الا اذا جى البراد والبراد مايجي الا من الساعه 12 وورى وهالوقت العالم رقوود , ولو وضع برنامج صيفي فأكيد اهل الروييضة فيهم الخير والبركة وقادرين يظهروون بإحلى حلة وينافسون اهل عنيزة واهل عرعر بعد بشرط توفر دعم التجار اللي يكنزون الدراهم ولا يطلعوون ريال واحد للديرة , وعاشت الرويضة ابيه بأهلها المخلصيييين... والله يعطيك العافية على موضوعك واكيييد راح يكوون لي رجعة... |
رد: صيفنا برويضه احلى _- حلم اتمني يتحقق يازين هرج السعه خلها في الصدر تجرح ولاتطلع وتفضح |
رد: صيفنا برويضه احلى _- حلم اتمني يتحقق الي يقول صعب تنفيذه صدقوني لو نتعاون كلنا وقلوبنا بيضا ونوقف مع بعض صدقوني راح تنجح بس ناقص لنا مركز اعلامي وارشح عبدالرحمن الدحملي ولا محمد السهلي يتولي هذا الامر واخوي تربوي ماقصر قدها وقدودها لبى قلبه حنا جاهزين نبي كلنا بيد واحده ونقط ونسويها وان شاءالله تنجح |
رد: صيفنا برويضه احلى _- حلم اتمني يتحقق والله شف الداعمين لمهرجان الغضاء في عنيزه يصيفون في لندن ما دروا عن الحر ( بعدين انت ياتربوي فعال تستاهل حبه على خشمك ) اما با لنسبه لي في صيف الرويضه ( مطل بزمه يسوى الهدى والسوده ) لاهنت ياصاحب الموضوع . |
رد: صيفنا برويضه احلى _- حلم اتمني يتحقق يارجال خلها على ربك الكريم ما شفنا حفل بالاعياد بنشوف مهرجان ترويحي لصيف الرويضة 2010 ماللك الا تفر للجنوب ولا تراهم يمدحوون الوسااااااده شكريات لك |
رد: صيفنا برويضه احلى _- حلم اتمني يتحقق فكره رائعه تحتاج همه وعزم رجال واخلاص النيه لله اولا موفقين تذكرو مشوار الألف ميل يبدأ بخطوه |
رد: صيفنا بالرويضة احلى _- حلم اتمني يتحقق أخوي الكريم : طرحك قيم والفكرة جيدة وهناك شروط ولوائح لمثل هذه المهرجانات فمثلا المهرجانات اللي تشوفها في القصيم والمحافظات الكبيرة ومنها صيف القويعية للعام الماضي تحتاج الى مخاطبة رئيس المركز من قبل راغبي التنظيم او مايسمى لجنة الاهالي ومن ثم ترفع للمحافظة للرفع الى امارة المنطقة واحالتها للغرفة التجارية لتطبيق اللوائح والشروط واشهار المهرجان ولتتعاقد الغرفة مع صاحب الخيمة او مايسمى السوق المغطى وفق شروط السلامة وتحديد مواقع المحلات وتأجيرها للباعة وقت المهرجان وهذا عادة يسمى السوق الخيري ويتبعه في المساء أمسيات وفقرات ترويحية ويحتاج الى رأس مال كبير وعادة تتولى الغرف التجارية بالمحافظات الاشراف عليه اما النواحي الترفيهية فلها لجانها المختلفة ونحتاج للتفكير في مثل هذا الموضوع لمدة لاتقل عن 6 أشهر على الاقل وليس بين ليلة وضحاها . أما إقامة مهرجان ترفيهي يشمل مسابقات وبرامج ثقافية ودينية وملاهي للاطفال فهذا أمره هيّن وهناك لائحة بهذا الخصوص وبها كامل خطوات تنظيم مثل هذه الفعاليات ولا تكلف كثيرا فمثلا 10 أيام لن تكلف 50 ألف ريال كحد أقصى وتبدأ من بعد صلاة المغرب وحتى الساعة 11 مساءا وأفضل مكان لها في الرويضة هو ملعب النادي ويمكن فصله ليكون للنساء مكان مخصص وللرجال مكان مخصص ولكل خصوصيته حتى يستمتع الجميع ويجب تظافر الجهود وذلك باجتماع يضم الجهات الحكومية المناط بها مراقبة وتنظيم والاشراف على مثل تلك الامسيات ومنها هيئة الامر بالمعروف والنهي عن المنكر والشرطة والبلدية والمركز والمدارس لتقديم فقرات مسرحية ويكون لها رعاة هم من يتكفلون بالدعم مقابل وضع بروشورات ولوحات دعائية ويتكون من الاهالي لجنة اشرافية لمتابعة الفعاليات اولا بأول ورصد سلبيات كل ليلة لتلافيها اليوم الثاني وهكذا .............. وبالنسبة لمدينة الالعاب المصاحبة هناك تأجير لمدن العاب متكالمة مدة الفعاليات او اعطاؤهم مكانا وهم بدورهم يستحصلون رسوم الالعاب وليس من العقل ان تكون مجانية اكيد بفلوس . هذا مالدي وسلامتكم |
رد: صيفنا برويضه احلى _- حلم اتمني يتحقق اقتباس:
|
رد: صيفنا بالرويضة احلى _- حلم اتمني يتحقق السلام عليكم ورحمة الله وبركاته عودة مررة اخرى ابو هلا بيض الله وجهك لتوضيح كثير من الاموور انا لي تجربه العام فقد اقمت برنامج بالحديقة اللي بالدخل وبدأت بمخاطبة رئيس المركز ثم البلدية ومركز الشرطة ويعلم الله وجد تعاون منهم وتحفيز وهم يقولون انت اللي تبيه احنا معك لاكن كان يوم واحد وشي احسن من لاشي فنبدأ هذا الصيف حتى لو كان عدد ايام القليلة وبالنسبة للأعاب نستأجر ما تكون قليلة التكلفة حتى لو وضعناها مجانا فقد سبق ان استأجرنا ملعب صابوني من الرياض والف شكر لك صاحب الموضوع وحبة خشم مني ايضا لك جساس اخوي |
رد: صيفنا بالرويضة احلى _- حلم اتمني يتحقق اشكر الاخوة الي ابداء رايه ونحترمه كلامه اقتباس:
ابوهلا نعم نريد مثل هذي المهرجان وترا مايكلف 50 الف مثل مقلد وكل شي سهل ومتوفر وان شاءالله بيكون افضل حفل علي مستوى المناطق واتمني من الجميع يكون متفائل لا يحطم نفسه ويقول مافي امل ومدري ايش وخلك بصيف الجنوب اقولكم انفعو ديرتكم وطورها ونسوي مهرجانات ونطلع المواهب عند شبابنا والله يوفقكم ويسعدكم جميعا |
رد: صيفنا بالرويضة احلى _- حلم اتمني يتحقق اقتباس:
* تربوي فعال * أحيي حرصك والله إنك تسوى قبيله اتمنى نشوف من شباب الرويضة مانشوفه من حماس عندك يارب - يوم احسن من لاشيء !! شخصيا ضد هالمقولة فإما شيء ينومس ويرفع الرأس ووفق تخطيط علمي مدروس يخدم جميع الفئات وفق تنظيم دقيق يصاحبه ولمدة لاتقل عن الاسبوع والاّ فلا داعي ومن منكم لايحب المركز الاول هههههههه المركز الثاني مااحبه اموت واحيا بالمركز الاول (الامير خالد الفيصل ) لكم ودي |
رد: صيفنا بالرويضة احلى _- حلم اتمني يتحقق كلامك صحيح انا احس عندي موهبه بس مش راضيه تطلع بحكم مافيه احد يتبناها .. ياليت يكون فيه نادي ينمي المواهب والف شكرر |
رد: صيفنا بالرويضة احلى _- حلم اتمني يتحقق طيب يا أخوان ليه ما تأخذون أحد مدارس الرويضه لكي يكون ملتقى شباب فيه انواع الالعاب والمحاضرات والندوات ويقل الصرف عليكم وطبعا أكيد المدرسه فيها ملعب مزروع يكون هناك دوري يا اخوان أن شاء الله تتسهل الأمور ومره وحده نبي ننمي موهبه اخوي زورو خلونا نشوف مواهبه |
رد: صيفنا بالرويضة احلى _- حلم اتمني يتحقق ابو هلا بكلامك غلبتني صحيح فعلا توضيح بسيط العام الماضي عملت برنامج في الحديقة لمدة يوم واحدهذا ما قصدته بالنسبة لهذه السنة انا معك 100 % لا تكون اقل من اسبوع واشوف 10 ايام جدا مناسبة وليس لأحد عليه يمين فو الله اني احب الرويضة واحب ان ابذل كل ما املك من جهد لها ولأهلها وقد ووجد من أهلها من يشار اليه بالبنان وكانوا مبدعين حقا وفيهم كل الخير والبركة ومن واقع تجربة فهناك مسابقتان اقمتها للأهالي لمجتمع الرويضة وكانت المشاركات جدا مفرحة وأعدكم ان شاء الله بالجديد هذه السنة ولاكن سوف افعل وترونه بأعينكم ولا حاجة لكتابته هنا وارجو من ابو هلا المساندة والعون فله ثقله وبتوفيق الله سنظهر بالمركز المفرح تحياتي المخاصة لكم واعتذر عن الإطالة |
رد: صيفنا بالرويضة احلى _- حلم اتمني يتحقق الا والله يازين الرويضه تقعد وليتكم تفكونها من شركم بس وتقبلو مروري |
رد: صيفنا بالرويضة احلى _- حلم اتمني يتحقق ^ ^ ^ اي والله انك صادق , من يوم خبرنا عمارنا وحنى على هالشغل ولا شفنا من الله شر , وياليت نفتك من الناس اللي بوجهين |
رد: صيفنا بالرويضة احلى _- حلم اتمني يتحقق كلام الليل يمحاه النهار |
رد: صيفنا بالرويضة احلى _- حلم اتمني يتحقق ياجماعه الموضوع كله سهل |
رد: صيفنا بالرويضة احلى _- حلم اتمني يتحقق اقتباس:
ابو عبد الله انت تصعب الامور والامور سهله بعدين ما شفنا اي مهرجان في القويعيه الصيف الماضي مادري وش قصدك بكلامك هذا ,,, . |
رد: صيفنا بالرويضة احلى _- حلم اتمني يتحقق اقتباس:
* فتى الرويضة * ياليت تكتب باسمك الصريح علشان نعرف نتناقش معك وهل العمل على ايجاد فعاليات شرّ برأيك ؟!!! |
رد: صيفنا بالرويضة احلى _- حلم اتمني يتحقق اقتباس:
** بقايا ** من هم اللي بوجهين ياليت توضح اتهامك يشمل كل من شارك هنا وهذا اللي ضيعنا وخلا المراكز تصير محافظات وحنا على حطة يدك ( من يوم خبرنا اعمارنا وحنى على هالشغل ولاشفنا من الله شر ) يعني المدن الثانيه شافوا شر والا تطوروا !!!!!!!!!!! |
رد: صيفنا بالرويضة احلى _- حلم اتمني يتحقق اقتباس:
* ذبحني غلاك * عطنا كلام النهار واترك كلام الليل عنك هههههههههههه لاتحقر اهل الرويضة يامال الغنيمة تراهم رجال وسووا الكثير ولازالوا والقادم اجمل بحول الله وبدل ماتقول ابشروا معكم تقول كلام الليل !!!!!!!!! الشيء المحزن شباب مثقف ومتعلم واحيانا تجده عكس ماتعلمه لنطور من قدراتنا ونبتعد عن ترديد مجالس الشيبان والرويضة بشبابها وليس بشيبانها بمعنى انتم من يتحمل المسؤولية وليس الاباء اللي ماقصروا في وقتهم وهذا وقت اهل العلم والمعرفة --------- |
رد: صيفنا بالرويضة احلى _- حلم اتمني يتحقق اقتباس:
* جساس * على يدك سهل الامور وبادر بطرح الافكار وحط يدك مع الشباب المتحمسين والقويعية نظمت العام الماضي او اللي قبله مهرجان صيفي مميز وفيه عروض للسيارات والدراجات وفعاليات واجد اثبتت نجاحها وليس مسؤوليتي انك مادريت . |
رد: صيفنا بالرويضة احلى _- حلم اتمني يتحقق فتي الرويضه رد يدل علي انك ماتبي تطلع من جيبك ولا تبي تدعم طيب يالغلا في ناس يبون يطورون بلدهم وانت رد بصراحه لاتعليق مثل ماذكر ابو هلا ياليت تقول اسمك الصحيح وتناقشنا وليش يفكنا شرنا لاننا نبي الخير لبلدنا |
رد: صيفنا بالرويضة احلى _- حلم اتمني يتحقق بقايا بصراحه ملاحظ فيك مع اي رد ضد تطوير مدينتك ومع ان انت دايم بالكميره اشوفك تصور المناظر وتهتم ومفروض تدعم هالفكرة والمهرجان بكميرتك :) وهذا الي خلا الديره ماتصير ماحافظه مثل هذي العقليات خلو عندكم عزم وروح |
رد: صيفنا بالرويضة احلى _- حلم اتمني يتحقق اقتباس:
بجد ماعندكم العزيمه والاصرار وين اهل الرويضه اهل الفزعات واهل الكرم افا بس كل واحد قام يتنحش بكم كلمه مقول الا الله يعين بس اتوقع الرويضه مراح تتطور لين يتطورون مثل هذي العقليات |
رد: صيفنا بالرويضة احلى _- حلم اتمني يتحقق نجم يالبى قلبك والله انشهد انك كفو وقدها |
رد: صيفنا بالرويضة احلى _- حلم اتمني يتحقق ابوهلا انا بصراحه استغربت من هالعقليات والبعض وربي انه كفو بعض الاسماء تستاهل من يقدرها لان عندها الثقافه والعزيمه والصبر والاخلاص لمدينتها لكن البعض الاخر احسه محطم ديرته ولا يبي لها الخير |
رد: صيفنا بالرويضة احلى _- حلم اتمني يتحقق اخوي ابو هلا واخوي تعبت كفيتم ووفيتم وكلا يرى الناس بعين طبعه فاللي لا يستطيع يشوف انه صعب وما احد يستطيع واللي يستطيع العمل يرى انه في ناس كثير بتعمل وبالنسبة للقويعية ففعلا كان عندهم مهرجان وكان اسمه ارض الذهب وعملوو افتتاح لكورنيش القويعية طبعا المقصود فيه الحديقة اللي شمال الخط السريع رغم اني لم احظر لاكن اعلاناته كانت بالرويضة |
رد: صيفنا بالرويضة احلى _- حلم اتمني يتحقق اقتباس:
لا تخاف مانيب متهم احد وكلامي ماشمل كل اللي شارككوا هنا , واللي فية ريح مايستريح , طبعا كلامي رفع ضغط البعض الى درجة انهم شابين على عماراهم ههههههههههههه , واللي انا اقصدة بتعرفة انت وغيرك في الايام الجاية , اللي اسمة يخالف فعلة وهمة التميليح , بعدين كلامي هذا هو اللي خلى الرويضة على ماهي مركز ولا تجي محافظة؟؟ معروف من اللي وقف في وجه الرويضة ولا بغاها تجي محافظة ولهطها لهط... مادريت ان كلامي بيخلي الرويضة تصير مركز ولا هيب محافظة ولا انكان ماكتبتة.. |
رد: صيفنا بالرويضة احلى _- حلم اتمني يتحقق اقتباس:
هلا هلا... يعني انت ملاحظ اني انا ضد كل شي يطور الرويضة؟؟ اذا كان هذا مقصدك فأنا اقول لك انت كذاب وستين الف كذاب واتحداك تجيب دليل واحد , واذا تشوفني بكميرتي اصور المناظر فأنت مالك دخل وهذا شي مايخصك ان شاء الله اصوور بلكة , وياليت تكتب بسمك الصريح عشان نعرفك ونعرف من نتكلم معه , لأن المنتديات يكتب فيها الصغير والكبير والفاهم والجاهل والرجال والحرمة... |
رد: صيفنا بالرويضة احلى _- حلم اتمني يتحقق اقتباس:
كلامي معمم ولست المقصود اقول ماضيعنا طول هالسنين الا مثل هالكلام انتم شباب الرويضة وفيكم الخير والبركه مثل هالافكار والفعاليات المفروض انتم من يبادر فيها والاّ تبون الشيبان هم من يبادرون ههههههههههه |
| الساعة الآن 11:12 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..