رد: صيفنا بالرويضة احلى _- حلم اتمني يتحقق
 

يادافع البلا

من اولها قم يشب بعضكم في بعض

ياناس كبروا عقولكم

الرجال طرح فكروة اكثر من ممتازة

وقصده طيب من طيب اصله

الرجال اللي بيشارك قلباً وقالباً يتفضل

واللي بيدخل يتمسخر يقضب الباب الله لا يكثر من امثاله

والرويضة في غنى عن اشكاله


تربوي لك رساله على الخاص

رد: صيفنا بالرويضة احلى _- حلم اتمني يتحقق
 

ماشاء الله عليك اسرع من كميرات ساهر انت وردك ماينديني اخلص الا انت راد هع


يعني طول هالسنين كلام اهل الرويضة هو اللي موقف تطورها ؟ ماظنيتة , اهل الرويضة وشيبانها فيهم الخير والبركة وياما طالبوا وصايحوا وبغوا يجيبون كل شي واول مابغو المحافظة ولكن الامور في وجيهم , وشباب الرويضة ماقصرو بأي شي , تجد كل محفل في الرويضة اللي قايمين به شباب الرويضة سواء في التنظيم او في اللجان او في اي شي يخص الرويضة ولاقصروا ولا طنتي انهم بيقصرون في اي شي.. بارك الله فيهم...

رد: صيفنا بالرويضة احلى _- حلم اتمني يتحقق
 

الله يخلف عليك انت

انت اول علمنا من انت بعدين تعال ادخل بموضوع زي كذا

ثاني شي الاجازه حر والعالم ماتبي تقعد لو تسوي مهرجان في الرياض في ذالحر ما جاك احد

وفي الصيف المهرجانات معروف محلاته كلها في الجنوب والطايف

واللي يتكلم عن مهرجان القويعيه لونه نجح كان سووه كل سنه انا اتوقع اي تنظيم لحفل في الاجازه الطويله اتوقع بيفشل واذا تبون تسووت مهرجان خلو عنكم الكلام ما بقا على الاجازه الا اسبوع

بس قايلكم كلام الليل يمحاه النهار

رد: صيفنا بالرويضة احلى _- حلم اتمني يتحقق
 

يالربع هدو هذا وماصار مهرجان وتهاوشتو اجل الى صار بتذابحوووون يادافع البلا
وعلى كلامكم وقروشتكم انة بيغطي على مهرجان الغظا
والله مامثل تكبير الوسادة وريح راسك

رد: صيفنا بالرويضة احلى _- حلم اتمني يتحقق
 

موت يا حمار حتى يجيك الربيع ههههههههه
ممكن يا اخون نخلي الموضوع جدي وبعيد عن النقاشات العقيمة

اللي ما عنده سالفة يتفرج وبس

واللي يجد في نفسه القدرة على تقديم اي شي ولو يسير ممكن يطرحة

علما انه وصل دعم طيب من شخص محب

وكذلك وصلتني رسائل من شباب سوف يكلموون اشخاص للمساعده لتطبيق هذه الفكرة

حتى لو كان مثل ما قال ابو هلا اسبوع واحد