قالوا وش سبب انعزالك عن الخلق ؟؟؟

#1 (**permalink**) 14-06-2010, 03:29 AM

قالوا: وش سبب انعزالك ، عن الخلق ...؟ ؟

... ونفسك على بعض العرب، وش قبضها

ماهي بعاده يختفي ، وجهك الطلق ...

... وجهك يقودك والعرب ، من بعضها

قلت:اسمحوا ليه بلآ ، خاطري قلق ...

... من النفوس ، اللي تزايد مرضها

اهل النمايم ، واهل الهلق ، والملق ...

... اللي على النمّات ، تبني غرضها

بعض العرب يمشي على ، منحدر زلق ...

... طبيعته شينه ، وعقلي رفضها

الشر يفرح له ويعلق ، ماعلق ...

... والخير لو شافه ، بعينه غمضها

ان شافني مقفي ، شلق سمعتي شلق ...

... وان شافني مقبل ، هروجه لمظها

وليا سمع لي مخطيه ، وسّع الحلق ...

... وليا سمع لي طيبةٍ ، ماحفظها

نويت اخلي راعي الشلق ، للفلق ...

... يلقى الظروف اللي علينا ، فرضها

المجتمع ماهو على مثلنا ، غلق ...

... الى تركنا ناس نلقى ، عوضها

راااقت لي وبقووه

#2 (**permalink**) 14-06-2010, 03:43 AM

الله الله كلمات في منتهى الروعه

كلمات اعجبتني بالحيل تفوق الوصف ابدعت في أختيارها

تحيتي لك
مـــذهله
!!

#3 (**permalink**) 14-06-2010, 03:48 AM

هلا بك اختي مذهله تسلمين ياقلبي

اشواقي لك غناتي

#4 (**permalink**) 14-06-2010, 09:21 AM

أكثر من رائعه
تسلمين ’’ أختيارك قمه

لاتحرمينا

#5 (**permalink**) 14-06-2010, 11:21 AM

والله انها خطيره وتستاهل التقييم بعد

الله يعافيك يالغلا ابدعتي يوم طرحتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سيء الخلق	متعب3	روحانيات	14	04-03-2010 10:13 PM
خلطة للتخفيف من ألم الحلق	محمد	الوقاية خير من الف علاج	22	22-02-2010 06:12 PM
عبدالرحمن بن مساعد - اوفى الخلق	محمد	حكايات من الوجد	5	17-07-2009 11:10 PM
اصغر الخلق ( صوره )	جســاس	لُغَة الصور .. والكاريكاتير الساخِر	13	14-07-2009 08:43 PM
ماذا تفعل اذا علق عظم السمك في البلعوم< الحلق > ؟؟	نبض الحياة	من صُنعِ يديها	15	08-09-2007 02:22 AM

قالوا وش سبب انعزالك عن الخلق ؟؟؟

صهيل القصيد