05-06-2010, 12:39 AM
|
| |
رد: (عازف ) في السجن دعواتكم
خوذوا السالفه داق واحد شاورما مع سفن اب دايت ومتفضي لكم
= عازف = الغالي علينا الله يفك اسره دخل عش الزوجيه مساء البارح في تيماء على بعد 200كم عن العلا وكان زواجه العام الماضي لم يحالف الطرفين الالفه وكل راح في طريقه --
حاولت معه يعزمني وقال الزواج عائلي حروب في حروب من حرب القبيله وانت سهلي ويش دخلك خلك في ديرتك وهو مايدري ان الامور تغيرت وطلعت للقاهره لظرف طاريء وعند الساعة 2من فجر امس كنت مجهز الامور للاتصال عليه ومن رقم مصري ادق ويقفل بسرعه والثانيه والثالثه مايرد ويوم فقعت راسه رد وهو يهاوش نعم من معي ؟ عرفت ان المدام على الباب الايمن لاني عرفت انهم في السياره من صوت الهواء اتوقع المكيف حار والا محترّين ههههههههه
وبصوت انثوي وبلهجه مصرية قلت مرحبا عازف انا سحر من القاهره وقبل اكمل المشوار سكر الجوال قلت وماله فاضي لك يابو حامد واكرر الاتصال ويرد تعم ترى ماني فاضي لها الاشكال انتي في القاهره وجايه تدوري علي من زيني يالله صباح خير حسيت ان المشلح طاح والعقال بعد والعرق بداء يتصبب وخبري فيه ذكي وماخاب ظني قال يابوهلا عرفتك اوريك يا مجنون بتورطني بمقالبك ههههههههههه ضحكت واعترفت له واعتذرت قال ويش هو بعده بنت الاجاويد حاطه شنطتها في يدها ناويه تفتح الباب وتطب من السياره يااخي احد يتصل هالوقت وبها الظرف !!!!!!!!
باركت له ودعيت له بالتوفيق ونشدته وينك رايح للسجن ؟ضحك قال انا في طريقي للعلا بالسياره ورايح لشهر العسل بعد يومين لماليزيا قلت ووين شهر البصل بيكون ضحك وقال يااخوي ترى زودتها انت ودمك اثقل من زيت الخروع قلت معليش زيت الخروع بتحتاج له اذا رجعت للعلا ودخلت شهر البصل استاذن اكيد قطعتكم من اجمل اللحظات الرومانسيه تلغى اقفل قل لي لاتستحي
؟ وماصدق خبر قال انقلع وقفل السماعه وعلشان مايدعي علي قلت ادعوا له لعل الله يجمع بينهم ويؤلف قلوبهم ويرزقهم الذرية الصالحة والسجن المؤبد مثل ماقالت احساس الورد وسلامتكم |
المواضيع المتشابهه 
العرض العادي
