عشرتك ماهيب يوم(ن) ولا ليله = عشرتك تكبر مع طول الايامي
لعنبو من لامني فيك يا هيله = مادرا اني فيك ماطيع لوامي
نور خدك من ورا طرقت الشيله = نور برق(ن) لاح ثم شق الاظلامي
ان بغيت انساك مافي يدي حيله = زارني طيفك مع زاير احلامي
القطيعه يا ازين الخلق وشهيله = شفت منك الموت يابنت قدامي

صح بعض الناس قربه مهزلة ؟؟=صح .. بعض الناس .. قربه مهزله
والحكيم اللي يفرق بينهم =يعرف الفرق ويحل المسئله
أنت قربك ياحبيبي . غير .. غير=خص الى منك طرحت الاسئله
تنتظر مني جواب ؟؟ انت الجواب=قمة الفرحة وساس البهذله
ان ضحكت اشوف قدامي قمر= وان بكيت اقول والله المشكله
العيون رماح والمبسم جمر=وفالجبين جموع خيل مقبله
ولا يكفيني لوصفك عمر شيخ=ولا يكفيني لوصلك اطوله
لاحضر طيفك يوسوس لي ابليس=واتعوذ منه واقرا البسمله
انت يالبى قليب اللي رباك=فتنة (ن) من عند ربي منزله
لعنبوك ارحم ترى قلبي لحم=والله ان اللي تخافه لعمله
خف من الله لا رحم جدك وابوك=لعنبوك ارحم غدالي ولوله
انت جاهدة المشقى المبتلى=وان ذبحته وش يفكك من هله

يلومني فيك خبل( ن ) مايعرف الغرام =لو هو يعرف الغرام انكان مالامنـي !!
ماقصده الا يلوم اللي عشق والسلام =!!مايدري شقد حبك يالغضـي ضامنـي
وانا الى احد(ن) نشدني قلت كلش تمام=والا جروحي تمرد في و اقـول امنـي
والله مايـروي العاشـق لذيـذ الكـلام=ولو راس مالي سوالف ماحد(ن) سامني
قلبي تعلق بحبـك يـوم تـوي غـلام=يوم اني اقول لو انـي دهـر صامنـي
لبا قليبك الـى قلـت الهمـام الهمـام=اشوش فالفرس من كسرى الى خامنـي
ويصير جوي ملبد بين غيـم و عسـام=واصير ظلع رفيع يطيح مـن هامنـي
لعل تسقي ديـارك مرزمـات الغمـام=يامزعل كل من لامـك ومـن لامنـي

تحياتي

انا ودي امشي مير حار القدم ما سـار=اناظر ثلاث(ن) مرن العـود واشقنـه
اناظر هنوف ناظرتني وانـا محتـار=جداي اتنهـت والحـق الونـه الونـه
الاواهنيـك مـا تولعـت يـا نصـار=ولا شـدن الخفـرات قلبـك وتلـنـه
وابوك اعلقن في كبده البيض مثل النار=تواقـد حرارتهـا بـعـد ويتحـدنـه
عسى الله ينجيني من اللي نشن صغار=انا خاف قلبي تالـي الوقـت يشعنـه
وانا ان مت والا مت تراي عند الجار=لكن سامحوه وجعل من مـات للجنـه

سمعت القصيد وفز قلبي وعقلي طار=وترى الشعر مثل الهيل لا بد له عنه
ترى بيوت ابونصار فيها جمل واسرار=لها نغمه ونبره وترديده ورنه
شكى من هوى الخفرات والحب ياستار=وقعد يزعج الونات ونه بعد ونه
شكى من ثلاث كل ابوهن صغار اعمار=خشوف الضباء اللي فاخر ( الطيب ) حطنه
بنات المدارس فالهوى والدلع شطار =والى جاهن الضميان ماهمب يسنه
يضوقن فالمريول ثم يفتحن زرار=علشان راعي الحب لا مر يكونه
فلا تتركون العود تكفون يانصار=ترى خاطره حساس والبيض يشقنه
وانا خابره حر وقرم وطويل اشبار=ونفسه عزيزه مايبي لحد ( ن ) منه