|
الشاعر - عبد الله محمد بن جدعه السهلي(منادم) هنا قصائد الشاعر - عبد الله بن محمد بن جدعه السهلي (منادم ) |
رد: الشاعر - عبد الله محمد بن جدعه السهلي(منادم) بسم الله الرحمن الرحيم السعودية الى انساقت هجوسي للقصيد وجيت بغني = تلاشى كل شي الا غلا الدار السعوديه هي اللي بس الى منها طرت لي حضرو جني= و قلبنها قصيد وسامر وعرضات نجديه ديار عشتها واستوطنت بي من صغر سني=تربع فالخفوق وبالضلوع العوج محميه وترى شقح البني لو سلهمن بالعين ما اغرني = ولا والله بساوي بين هاذيه وهاذيه وانا لا قلت كلمه صدقوها وانقلوا عني = ترى شمس الظهر ماتستوي مع بارد الفيه ديار كل حبت رمل فيها قطعت مني= وغلاها صار وشم ناقشه فالعين بيديه وهي ماحقها الا ابر فيها والولى مني = وترانا لو نسوق الروح في حقها شويه زهور فياضها لا هزها النسناس شاقني= والى قامت تمايل هودة عين شقاويه وانا لامرني التاريخ همت بحبها كني = يتيم شاف زول ويحسب ان امه بعد حيه سهلها مع جبلها مع بحرها عشق يسكني = مثل مالجود والنخوات والعزه سعوديه |
رد: الشاعر - عبد الله محمد بن جدعه السهلي(منادم) بسم الله الرحمن الرحيم ربعي سهول لله درك يالزمن بينت كل الناس لي=احد نزل قدره واحد غالي وزودته غلا ومن يوم ماجار الزمان وصارت الميلة علي = تبين الصافي وبان اللي من الحقد امتلا ومافيه احد في هالزمن خالي من الهم وشلي=كل(ن)من همومه غدى في بين واجهاد وبلا ولا تقهر الدنيا ياكود الخامل ولد الطلي=الحر الى ضاقت عليه بعالي الجو اعتلا كم من عزيز(ن) مرخصينه يوم خلانا غلي= وكم مقفي(ن) مايسمع الا مرحبا بك ياهلا وانا احمد اللي حطني من عامر وجيت سهلي=من لابة(ن) مقرها تجاوز حدود العلا انا احمد الله عزوتي تقهر عداها ماعلي=ناس على السنه تسير ولله الوالي الولا الاد سهل بن انس ابن ربيعه الاولي=ابن كعب ابن ابي بكر(ن)هم اسياد الملا ابناء كلاب بن ربيعه ابن عامر هم هلي=ياما وقع من فعلهم اسرى وجرحى وقتلا ربعي سهول ومنهم ظهيري ومنهم منجلي=وبرازي وقباني وال عبيد الى البين اصتلا وال محلف هم والصعوب ربيع وقت ممحلى=ومنا المحيميدي عدوه لا سمع صوته جلا ومنا الزقاعين وحماهم في الوسيعه معتلي=ومحانية ربعي ليا منه حمى الدم وغلا وسلامتكم |
رد: الشاعر - عبد الله محمد بن جدعه السهلي(منادم) بسم الله الرحمن الرحيم ماتعرفين الحب يابنت ماتعرفين الحب واسلوبه = الحب نهر الحياة ونبعها الصافي لا تحسبيني بدينك صرت لعبوبه = انا كحيلان وافي الجد وسنافي من لابة(ن) تعطي اللي عال ماجوبه =سهول مافيهم اللي ناقص هافي الكل منا ظهور الخيل مركوبه = وفينا الكرم والشجاعة واصلنا وافي افعولنا في القبايل صارت اعجوبه = حقايق(ن) واضحه تسمع وتنشافي القلب يافاتنه منتيب مطلوبه = شفه من البيض عذرا(ن) سترها ظافي يابنت ماعطي خفوقي كل رعبوبه = ولانيب اطيع الخفوق بكل محرافي ومن صد عني ولا جازت لي دروبه = اصد واقسى واقفي عنه واجافي يابنت قلبي مع ناس قد اقفوا به = خذوه مني رضى وافين الاوصافي فيهم غزال(ن) سواد الرمش عذروبه = يذبح بخد(ن) وقد وعنق ياكافي اطيع شوره علي واطيع مندوبه = ويطيعني لو سقيته سم زعافي راضي(ن) بحبي وهو زاده ومشروبه = وهو مناي ودواي وطبي الشافي وسلامتكم |
رد: الشاعر - عبد الله محمد بن جدعه السهلي(منادم) بسم الله الرحمن الرحيم هذا و ذيا
يامرحبا ياحياتي ياعسى ربي يخليك=يامرحبا عد ماسرتي تعالي عند محبوبك هنيا والله من ليلة (ن) حاولت اجي يمك واحكيك=لكن حال الحسد دونك ووصلك ياحياتي ماتهيا واليوم جابك ولي العرش لي والله يحييك=تربعي فالخفوق وداوي العله دخيل الله هيا يالله عسى السيل يسقي ديرتك ويعم اراضيك=يانور عينن بدونك مالها نور(ن) يقديها وضيا انا تراني حبيبك ماتغير عن هقاويك=ولا استمع فيك لا عاذل ولا حاسد ولا هاذا وذيا وكانك نسيتي ترى مانيب لو تنسين ناسيك=وان جيت بنساك واقفي قلبي الملعون عن فرقاك عيا ووالله لو تمزعين القلب ياقلبي بياديك=ماقول وشفيك واخطيتي وزليتي بلا سبه عليا ووالله لو تسرفين بحالتي ماقول وش فيك=تجزين حبي بتيه وكبر وعناد(ن)وتلويع(ن) وغيا ووالله والله قسم بالله على روحي لا ابديك=واعطيك روحي عسى روحي فدا لرضاك ياباهي المحيا وانتي تعرفين قلبي كيف مغرم بك ويغليك=وشلون تدمين قلبي بالطعون وتفعلي بي هالسويا ترفقي ياحياتي ياعسى خالقك يهديك=نار الهوى ماحتملها كيف تكويني بها ذالون كيا فزتي بتعذيب قلبي واسمحي لي بس اهنيك = بعطيط بوسه على خدك وبوسه فوق مبسمك العذيا وكانك زعلتي فلا ارضى تزعلين ولازم ارضيك= بعطيك بوسه على نهدك وبوسه من تحت نهدك شويا وكانك زعلتي زياده برضي عيونك وبرضيك=وبنزل شويه شوي ولا على مثلك بعد روحي غبيا وبقطف الخوخ والتفاح واشرب خمر اشافيك=واهز عصنن يلاعبه الهوى ويلاعبه في جال فيا وانتي تبين الزعل اصلا وتبغيني اجاريك=وانا اتغيشم ولا قلتي لي اوقف لين سوينا كذيا |
رد: الشاعر - عبد الله محمد بن جدعه السهلي(منادم) بسم الله الرحمن الرحيم جاني اضافة في الماسنجر .. سلام .. عليكم السلام .. من معي ؟ انا هيله من الكويت .. قريت لك بعض القصائد في احد المواقع وابيك تكتب فيني قصيدهـ فقلت : عشرتك ماهيب يوم(ن) ولا ليله = عشرتك تكبر مع طول الايامي لعنبو من لامني فيك يا هيله = مادرا اني فيك ماطيع لوامي نور خدك من ورا طرقت الشيله = نور برق(ن) لاح ثم شق الاظلامي ان بغيت انساك مافي يدي حيله = زارني طيفك مع زاير احلامي القطيعه يا ازين الخلق وشهيله = شفت منك الموت يابنت قدامي وسلامتكم .. |
رد: الشاعر - عبد الله محمد بن جدعه السهلي(منادم) بسم الله الرحمن الرحيم سؤال من انسان غالي .. صح بعض الناس قربة مهزلة ؟ كان جوابة .. صح ..... بعض الناس .... قربه مهزلة جديده والمعذره على القصور صح بعض الناس قربه مهزلة ؟؟=صح .. بعض الناس .. قربه مهزله والحكيم اللي يفرق بينهم =يعرف الفرق ويحل المسئله أنت قربك ياحبيبي . غير .. غير=خص الى منك طرحت الاسئله تنتظر مني جواب ؟؟ انت الجواب=قمة الفرحة وساس البهذله ان ضحكت اشوف قدامي قمر= وان بكيت اقول والله المشكله العيون رماح والمبسم جمر=وفالجبين جموع خيل مقبله ولا يكفيني لوصفك عمر شيخ=ولا يكفيني لوصلك اطوله لاحضر طيفك يوسوس لي ابليس=واتعوذ منه واقرا البسمله انت يالبى قليب اللي رباك=فتنة (ن) من عند ربي منزله لعنبوك ارحم ترى قلبي لحم=والله ان اللي تخافه لعمله خف من الله لا رحم جدك وابوك=لعنبوك ارحم غدالي ولوله انت جاهدة المشقى المبتلى=وان ذبحته وش يفكك من هله وسلامتكم |
رجعتي بسم الله الرحمن الرحيم كنت في الموقف فكان هذا ردي |