الشاعر - سعد بن حويل السهلي (ابومشاري)

كل ما استدركتّ كيد الخلق جتنـي غمـه=والهواجيس أشغلتنـي لا رحـمّ مجناهـا
وعمت بالتفكير ما بين الضمـاء والجمـه=وأدري إن رزق الخلايق في حكم مولاهاَ
بين طلقين الوجيـه وبيـن ذيـك الخمـهْ=والنفوس اللي بريـه فـاز مـن زكاهـاَ
لله أكبـر راحـت الذمـه بليـاَ هـمـهْ=شـاعـر الملـيـون حللها ولا ذكـاهـا
مجدوه وصفقوا له وأصبحـت لـه زمـهْ=وصار مجده من رموزه صفحة (ن) نقراها
شاعـر الغليـون وإلا مـا بغيتـه سمـهْ=هيك وإلا هيـك وإلا لعبـة (ن) محلاهـا
وينكم يا أهل القيم وأهـل الشيـم والذمـهْ=من علـوم (ن) مستكنـه بيـن مغزاهـا
ما عرفنا وش نهايـه نصبهـا والضمـهْ=نوب نخفيهـا ونـوب مـا يفيـد إخفاهـا
من يدين اللي على ريـح الدسـم ملتمـهْ=يبخسـون حقـوق الله علـى عميـاهـا
وأصبحت ما بين راعي الميزره والعمـهْ=تطبخ الطبخـه وزبدتهـا لمـن سواهـا
بين هقوات الشجـاع وبيـن فـورة دمـهْ=تكمن القصه وهم يـدرون وش دعواهـا
يدعـون وبالكواليـس آفـة (ن) ومرمـهْ=تدّلـج وتغيـر الأحـداث عـن مجراهـا
دمعة (ن) خانت فقير ومشهـا فـي كمـهْ=ما أحد (ن) فكـر لا بأولهـا ولا بأتلاهـا
قيل بالتصويت قلنـا يـا رجـال الهمـهْ=وأثر مقصدهم قـرار الرسملـه بأتلاهـا
الريـال يغيـر نفـوس البشـر والأمـهْ=بين تحليل العقـول وبيـن مـن يرثاهـا
وش تكلف به عقيد القوم وش هـو همـهْ=لا سبـر ناقتـك الطرقـي ولا ضواهـا
خورشيد أصدر قرارته على أهـل القمـهْ=نفذ المضمـون منهـا والقلـوب أغواهـا
الله يجازّي الوشاة أهـل الحكـى والنمـهْ=يوم قايـد حملـة الباشـا قعـد وأوحاهـا
طبطبت حمر الهنود وكيد راعي الشمـهْ=ما نقص سبـع البحـور ولا بعـد وفّاهـا
وأنت ياحر (ن) تعلى فـوق راس القمـهْ=تاصل العليا وهي مطلبـك مـن منشاهـا
وفي النهايه طيب راعي المكرمه من عمهْ=وإن تردت سيرتـه محـد قـدر يشناهـا
ويش أعد ويش أقـول مطبلـه ومطمـهْ =بالبدايـه والنهايـه خـاب مـن دساهـا