غثربت حلو المشارب وان حكيت العلم شده
ما نطقت الا الصحيح ولا وقفت الا متساوي
ادري ان البرق لايح ميـر بديـارن مصـده
والعرب ماهيب تتبع بارق النصب النحـاوي
للصدور اقفال واخـذ العلـم يافاضـل ورده
والبيب يميز الجـزلات وركـاك الحكـاوي
وش نقول وش نخلي فالسنيـن المجرهـده
شي فات وشي معك وشي عينه لك وضاوي
اثقل من الهم بـورة غاليـاً خـان المـوده
تحسب انك قبل عرفه باخصه ماكنت غاوي
اثر منتب في وسط صدره ولا تـدري بسـده
واثر طيبك مانعك عن بحثت الصدر الخفاوي
واصعب من الجرح منهو سببه وش كان وده
والله انه جرح خافـي مايداويـه المـداوي
وان شهرت السيف عشه وان تثنى لا تحـده
والحقيقه وجه ذيب(ن) عاش فالدنيا شقاوي
طيب المعدن يمـد الطيـب لاكـن مايعـده
واصل حد السمو ومالكـن نفـس النـداوي
والله ان الحرف لو يشر على مثله لأضـده
ابسط حقوقه ابرق ويش فيه اويـش نـاوي
هاك من فيض الكثير اللي قليله مـا يهـده
لا تباري تايه الاشـوار واتـوه الخطـاوي
وبين حسن الظن والتجريح طيرك لا تهـده
غير في جواً صحاح ان كنت للجزلات ناوي
شي ما يعنيك لا تاقـف علـى بابـه تعـده
البشر تعرض عن الكـدرات دراً للمسـاوي
وان لقيت الشين غطه وان لقيت الطيب بـده
تدري ان ابليس ما مـات والدنيـا بـلاوي
خذ من التاريخ عبره والزمن هزلـه وجـده
في زمان العولمه رغم التناقض بالتسـاوي
وان مسكت الدر صفه وان مسكت الحبل قده
لا تشيل من الدواني ولا تصـدد فالمـلاوي
واعلم ان جيش المباهيل الدكوك المستعـده
تبتر الارحام وتهـد القصـور ام الحجـاوي
| 
25-05-2010, 06:13 PM
رد: الشاعر سيف بن مهنا اّل عون السهلي 
المواضيع المتشابهه 
العرض الشجري
