| |
  |
 |
| |||||||
| صهيل القصيد مقتبسان من بحور القافية [ للشعر المنقول ] |
 |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
25-05-2010, 12:52 PM
| |||||||||
| |||||||||
الشاعر عبدالله بن قطنان الشنيفي رحمه الله هنا قصائد الشاعر المرحوم عبدالله بن قطنان الشنيفي السهلي
آخر تعديل محمد السهلي يوم
25-05-2010 في 01:12 PM.  |
|
25-05-2010, 07:40 PM
| ||||||||||||
| ||||||||||||
|
رد: الشاعر عبدالله بن قطنان الشنيفي رحمه الله خليت قصري وزرعي والنخل والقليب .. .يوم اعلقت فيني الحاجه مخاليبها شديت عنها ضحى قدام شمسي تغيب.. .جعل المطر فالربيع يسيّل شعيبها سيل(ن) يجيها ضهر والا يجيها جذيب... شعبانها اللي طويلات(ن) مجاذيبها خليتها للسّباع اللي تقانب قنيب... والجن والبوم والشيفه تلالي بها واناعريبان لاجنّي ولانيب ذيب... خليت جنيّها يلعب مع ذيبها قضيت فيها سنين ولاثبت لي صحيب... ياكود ربع(ن) تفل السّد لصحيبها وانا عليل(ن) على الطيّب وهو لي طبيب..... والله مذمّ النشاما في مواجيبها من طاب لي طبت له والطيب يجزى بطيب.. .واصبر عن اللي تلقّيني عراقيبها مانيب سبّاب مير استر على اللي سبيب.. .استر على الناس ما بيّن عذاريبها واعطي هل الحق وآخذ حقّي اللي مصيب... واسلم من الناس واسلم من زواريبها ولانيب احب الهذور اللي عسى امّه تخيب ... جعل الحيادي تشيله في مخاليبها والا المداوي على راسه يحطّ الصليب.. .ياجعل رب(ن) خلق نفسه يعزري بها واحب حيشة لسود ام العجب والعجيب.. .ولابي الثعاله ولا ادخل في سراديبها اشاور النفس في طرد الرجا والنصيب... والهرجه اللي تغث الناس مالي بها وانا على حاجة الدنيا صبور(ن) واديب... ضاري(ن) على حاجة الدنيا وتأديبها وماني من اللي على الدخان تهذب هذيب... وتمغّط البطن لاشافت معازيبها الشاعر : عبدالله بن قطنان (رحمة الله عليه)
|
|
10-06-2010, 09:35 AM
| |||||||||||
| |||||||||||
|
رد: الشاعر عبدالله بن قطنان الشنيفي رحمه الله لك السيل ياذيك الرفاع الطواليه وانا رحت عنها في شديد شفانيه لك السيل يابير بقت في وزانها على قصرها الورقى تجر الغوانيه جيراننها اللي عندها دافنينهم تعبر عليهم خاطر مايدانيه بكينا الرفيق ولابكينا عمارنا والاعمار مانمشي لها بالضمانيه وانا للسفر طاوي فراشي ومرقدي وان غاب دلال السفر مانسانيه بكينا على مافاتنا من شبابنا عقب ماعرفنا الاربعه والثمانيه ولابد مايحفر لنا مثل غيرنا ولابد مايردم علينا الدفانيه ياواصلين ربوعنا سلمونا على الحي والميت يمال الجنانيه دفعنا ودايعنا وقربت ركابنا عسانا على الدين الحنيفي خوانيه عساني من اهل الخيرحيلي وحيلتي على خير وازهى الخير والازهانيه وانا مع طريق الخير اقلب روابعي واقلب هواجيسي على ماطرانيه وادير الروابع والروابع تديرني واقول الحذر هم الحذر يالسانيه وانا لي رفيق كل عام يزورني ولا عاد مريته ولاعاد جانيه نشدة الطروش وعقبهم ضاق خاطري يقولون مات وخلي منه المكانيه عسى الله يثيب اللي لجو في قبورهم عمار عليهن العواصيف بانيه عسى الله يثيب اجدودنا ويهدي لنا عسى الله يثيب عقولنا بالامانيه وانا حافظ الرجل والسمع والبصر واسير بها مع طيبين المجانيه ضحوك بنا غوج يلاعب جنايبه ضحك له بليس ودرعه بالعنانيه نديره يسار ويحسب انه يديرنا طمع بالربيع وهبت المربعانيه ولاجواد مثل الحصن تزهى شبابها والانذال مثل اذيالهن الورانيه يخب الحسود وخيبته من سبايبه شيل الردى شيل وتدات الثمانيه يشيل الردى مير اخلفنه روابعه بعد مابغى يبلع طميه وابانيه جمع واجتمع في خاطره كل طاري يعلك الردى للناس علك اللبانيه لك الحمد يارب خلقني وعاشني مع امي وابوي وربي اللي غذانيه ياشايلين الشر لاتمدحوني حداكم ليامنه قفاني رمانيه يلوموني يوم اني ارخص بضاعتي وانا ويش عذري من حساب الزبانيه ترك البضاعه خايف من غبارها سوى الخردله والا دقيقه وثانيه ترى الخد يغرقها الهتيف وتسيل به بعدها الخباري والشعاب امتلانيه وانا لانصيت السوق ابشري بضاعتي لقيت الرفيق وباعني واشترانيه غلبني وحاسبني وضفيت حاجتي قضيت اللزوم وبعض الارقاب حانيه ترى الطير لاشافت نقوره مخالبه تنزل من الروس العلاء للطمانيه عسى اللي بقى عند الكذوب يفوزبي نهار القضاء والهول والامتحانيه مخاليبنا ماتجذب الانصايبها ولانيب انا ويا العرب في قرانيه صدوق لساني مثل نقر على صفا ولانيب حبر من كتبني محانيه صديق صدوق وهرجتي واثق بها والين قلوب اهل القلوب المتانيه
|
|
18-08-2010, 07:18 PM
| ||||||||||||
| ||||||||||||
|
رد: الشاعر عبدالله بن قطنان الشنيفي رحمه الله أنا باتمثّـل واجتهـد فـي مثايلـي=ولابد مايجـري فالأعمـار دودهـا وأنا مثل وارد علـى المـاء ينـادي=على خير وأهل الخير تجذب ورودها وأنا باتمسّـك فـي حبـالٍ وثيقـه=وأجوّد عصى التوحيد وأفرح بزودها ولاأفرح بكثر المال يخلـف روابعـي=والا رياء تضيع راي علا يسودهـا تزخرف لنا الدنيـا وتمشـي قبالنـا=تلمـس ملامسهاوتظهـر خدودهـا ياسايـل عنـا تـرى الحـال ثابـت=طوينا الحبال اللي طـوال شدودهـا مشينا ولاندري متى ناصـل المـدى=مدانا القبور اللـي ظـواقٍ لحودهـا وأنـا تابـعٍ سنـة محمـد نبيّـنـا=وأعرف المشاكل واجتهد في خمودها والأجواد مثل الزمل والزمـل مثلهـا=بيـض غواربهـا كبـار لهـودهـا تحلحل وتبـرك للحمـول وتشيلهـا=صبور ليا ظاقـت عليهـا بدودهـا والأجـواد والله ماتمـاري بمالهـا=وان مسّها اللازم عطت من وجودها والأجـواد لاجاهـا لـزومٍ تجمّلـت=كما السدره اللي ناعمـاتٍ قنودهـا وفالأجواد حصن معربـات وأصايـل=تبي الجود مير الفقر يقصر قيودهـا والأجواد في وقت العطى تعطي العطى=والأنذال عن ذاك سريـع صدودهـا لاصـار معهـا مــالٍ تشـطّـرت=وان ذاقت الحاجه تحسـب جدودهـا ياشاري الجرب حاسي علـى الطـلا=ترى الهيم والجربا مرضها يعودهـا |
|
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الشاعر محمد بن محسن (الدرم ) رحمه الله | محمد السهلي | صهيل القصيد | 20 | 27-02-2011 09:55 PM |
| الشاعر محمد الهلالي الشنيفي السهلي رحمه الله | محمد السهلي | صهيل القصيد | 3 | 13-07-2010 02:40 PM |
| الشاعر سيف بن نصار (رحمه الله ) | محمد السهلي | صهيل القصيد | 1 | 25-05-2010 07:45 PM |
| الشاعر عبدالله بن سيف علي المنيعير السهلي رحمه الله | محمد السهلي | صهيل القصيد | 0 | 25-05-2010 01:04 PM |
| سيرة الشاعر / هويشل بن عبدالله الهويشل رحمه الله ** | متواضع | نشيد الروح | 10 | 28-08-2008 06:58 PM |
 |  |
العرض العادي
