| |
07-04-2010, 02:16 PM
| |||||||||||||
| |||||||||||||
ياشين طبع فيك يا شيـن طبـعٍ فيـك .. يا زيــن الأطبـاع ............... ........ لولا الرجــاء .. ما كان خلّيته .. يفـوت سَـنَـع .. يشـوّه لا تـذكّـرتــه .. أسـنـاع ............... ........ مثل الحصاة .. اللي وسط عقد ياقــوت تخـفي هيـامـك .. وإنت ميـّـت وملـتـاع ............... ........ ما تـدري إنه في ملامـحـك .. منـحـوت ويبخل لسانك .. وإنت للسمع .. طمّـاع ............... ........ والبخل .. في سِلْم المحبيـن .. ممـقـوت الحكي .. قوت السمع / وأسامعي جياع ............... ........ ومسامـعي ماتت من الجـوع .. للـقـوت وحكي الغزل في صدرك أشكال وأنواع ............... ........ لكن صمتك .. حوّل الصـدر .. تـابـوت إلا طَلَبتـك وصـل .. صعّبـت الأوضـاع ............... ........ مدري .. من اللي درّسـك جعله يمــوت تصـد .. ما كـنّـك من الصـد .. مـرتـاع ............... ........ وإن قلت : يا القاطـع .. تلفّـت مبـهـوت أقطع بـ دَرْب مواصلك في الشهر.. باع ............... ........ وإلاّ إنت تقطع للوصل فـ السنة .. فوت طعني .. وطاوع واحدٍ فيك .. ما طـاع ............... ......... ناسٍ صغار عقول / وأشوار / وبخوت وإلطف بحال اللي نحـل حاله .. و راع .. ............... ......... قلبٍ جروحه .. تنزف أفكار .. وبيوت قلبـي .. إلا منّه شـرى قـلـب .. ما بـاع ............... ......... وإنت هالله هالله فيه .. والعمـر موقوت اسمع أشعاري في الهوى وارخ الأسماع ............... .......... ياللي غـلاك بـ تربـة القلب .. مكـتـوت لا .. للفـراق .. و لا .. لتجديـد الأوجاع ............... ......... ونعم .. نعم للوصل .. لو كان بالصوت ابن فطيس
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ياشين العناد | سمو الاحساس | لُغَة الصور .. والكاريكاتير الساخِر | 12 | 29-03-2010 11:30 AM |
| يازين وياشين~~.. | محمد | مساحة للضحك والفرفشة | 13 | 13-11-2009 11:04 PM |
| مادري وش حاسين فيه | سمو الاحساس | لُغَة الصور .. والكاريكاتير الساخِر | 4 | 02-07-2009 02:10 PM |
| يازين | سمو الاحساس | صهيل القصيد | 10 | 05-06-2009 12:06 AM |
| ياشين المهايطة | سمو الاحساس | مساحة للضحك والفرفشة | 6 | 28-05-2009 07:26 PM |
 |  |
العرض الشجري
