| |
| |
02-04-2010, 11:16 PM
| |||||||||||||
| |||||||||||||
الخوي مديت لك يمناي يوم انـت محتـاج وثنّيتها يوم انت في غايـة الضيـق ومشيت لك بإخلاص مع كل منهاج وسعيت لك في كل مافيـه توفيـق مااغضيت عنك وفيك ماكنت هراج طبعي ومن طبع الرجال المطاليـق ويوم انها صارت سهالات وافـراج وتفتحـت قدمـك دروبٍ مغاليـق مريتني كنه علـى راسـك التـاج مـن الكبـر ماتلتفـت فالمخاليـق لو ان في وجهك حيا جابك احـراج ولو فيك شيمه مانسيـت المواثيـق والا فأنا مااندم علـى فلـة حجـاج عاداتنا نفزع اليـا انلاثـت الريـق لو دم جوفي للخوي طـب وعـلاج غدا لدمـي مـن عروقـي تدافيـق رداك هذا مايسبـب لـي ازعـاج مادامني مااخطيت لاازعل ولااضيق دنياك غرت مثلك افـواج وافـواج تهافتـوا ورى المصالـح مشافيـق ياما بنوا فيهـا عمـارات وابـراج وشاخوا على ناسٍ وراهم مطافيـق ويوم اعتلوا تخلخل الوضع ثم مـاج وهوت بهم من عاليـات الشواهيـق شف وينهم ماكـن منهـم حـدٍ داج ومصيرهم مااظن يحتـاج تعليـق دنياك غبٍ تصطفق فيـه الأمـواج ماتنومن لو جـا ثمرهـا مدانيـق والعلـم ماينفـع سفيـهٍ اليـا بـاج لينـه يواجـه مايفـج المعالـيـق والهم لاجاله على الـروح ميـلاج يلوفهـا لـوف الهـوى للزماليـق والسيل مايخلف مسيلـه ولـو راج لازم يجيله مـع مسيلـه تصافيـق اقولها يوم الحشـا هـاج واهتـاج وان هاج هاجت من مهيجه طواريق ماادخل بدرب الا ولي منه مخـراج ولااستصعبت فتحت لي به مناتيـق والله جعل للناس خليـان وافجـاج وانـا غرامـي خاليـات الفناتيـق مع خوّت اللي لاقفل كـل مـزلاج وقفاتهم يصحى بها العقـل ويفيـق لاذعذع النسناس من عقـب وهـاج وبرقه غداله في مزونـه تشاعيـق وكثرت علوم السيل مع كـل دواج وذكرت خباريها بهاك المصافيـق عقب الشهر ماينفع العيـن همـلاج لين انها ترقا المشاريـف وتويـق على فياضٍ تنعش الـروح بإبهـاج يصحى بها الحاير ويسلا بها الضيق ريحة زهر عشبه مع الروض لافاج يسوى عطر شقر البنات الغرانيـق وقلط صفراً قبـل لاالنـور ينبـاج على هشيـمٍ فيـه نـاره تساريـق ينعشك ريحة غالي الهيـل لاهـاج وفنجالها يقعد خوى الراس لاذيـق ومعنا اشقرٍ لاخيّش الخرب مـالاج يكسر عليه مع الهوى عقب تحليـق واليا انخرط كنه من الجـو ميـراج يودع ثنادي الخرب عقبـه تفاريـق هاذي هي السجه ولا غيرها احتـاج ومتى نبشـر بالمطـر والتوافيـق للشــــــــــــ اعر / سعود الردعان الهاجري
آخر تعديل سمو الاحساس يوم
02-04-2010 في 11:21 PM.  |
|
02-04-2010, 11:20 PM
| |||||||||||
| |||||||||||
رد: الخوي صح لسان قآيلها وتسلم يمين نآقلها يعطيك العافيهـ لآعدمناك . تحيآتي
|
|
02-04-2010, 11:22 PM
| |||||||||||||
| |||||||||||||
|
رد: الخوي كنق شرفتني بمرورك لاهنت |
|
02-04-2010, 11:23 PM
| |||||||||||
| |||||||||||
|
رد: الخوي صح لسان شاعرها وناقلها قصيده رائعه ومميزه احساس صادق عذب حماك الله ورعاك الله يعطيك العافيه
|
|
03-04-2010, 11:23 PM
| |||||||||||||
| |||||||||||||
|
رد: الخوي سلطان وجودك هنا بمتصفحي تشريف لي وكلماتك داعم معنوي لي لاعدمتك |
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شوفو الدود بياكل الانسان | محمد | لُغَة الصور .. والكاريكاتير الساخِر | 8 | 20-03-2010 04:56 AM |
| الخوي | سمو الاحساس | صهيل القصيد | 8 | 03-03-2010 01:58 PM |
| يافتى الجود | فيصل | صهيل القصيد | 4 | 28-08-2009 08:23 PM |
| شدوا وخلونا هل الجود والصيت | محمد | صهيل القصيد | 10 | 12-01-2008 01:24 PM |
| الحذر من اكل {[ الدود ]} لتخفيف الوزن | السفير | الوقاية خير من الف علاج | 7 | 05-02-2007 02:30 PM |
 |  |
العرض المتطور
