| |
  |
 |
| |||||||
| صهيل القصيد مقتبسان من بحور القافية [ للشعر المنقول ] |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
31-03-2010, 01:51 PM
| |||||||||
| |||||||||
الـــشــاعر محمد ابن فطيس المري  اعضاء مجالس الرويضة ارجو التثبيت  اليووم حبـيت اتكلـم معإكم عن الششاعر محمد بن فطييس حبييت اعطييك نبـذه عنـه واحسن ابو كل ششي من قصايده< متحمس هههههه بسسم الله الرحمن الررحيم الاسم: محمد حمد محمد فطيس المري السن: 27 البلد: قطر المهنة: موظف شاعر المليون لعام 2007 بتاريخ 20/3/2007 نبذة مختصرة عن حياته : له عدة مشاركات في مجال الشعر ... ينتسب إلى قبيلة آل مرة ... يعمل موظف إداري بأحد المراكز الصحية بدولة قطر .. حاصل على دبلوم إدارة .. بدأ مشواره بالساحة في 2001 تقريباً .. شارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية بأبوظبي ، ومؤخراً في شاعر المليون. ، اررجـوا اني عررفته لكم بمآ فيه الكفآيه والحين ابي اعطيكم بعض قصصائده 1- قصصـيده ( سـوٍلفـوٍإ) سولفوا تكفون لا عاد تسكتون .. .. قبل لا أهوجس وياتيني بلاي السكات يزود طعوني طعون .. .. وتنكسر لا جا على راسي عصاي سولفوا لو ما بغيتوا اتسولفون .. .. قبل لا اقعد في الحزن رايح .. وجاي واضحكوا لو بالعماله تضحكون .. .. وجاملوني لو يضايقكم حكاي لي وليفٍ راح جعله ما يهون .. .. هو دواي وداي .. أو داي ودواي راح لكن طيف زوله في العيون .. .. مرةٍ قدامي ومرة وراي وإن سكتوا جا وهو طيفه يمون .. .. رحت أهوجس له وأبين له ولاي مكسب عيوني من الفرقا مزووون .. .. تمطر لطاريه .. والبرق ؟ أصدقاي كل ما طروه لو هم يمزحون .. .. احرموني من غداي ومن عشاي أدري إنه ما تناسى الود كون .. .. تسمع إذنه في قفاي اللسن عداي وكانهم قالوا نسيته يكذبون .. .. وإلا أنا فيه أمتلك نظرة وراي كان حبه لي على خبري مصون .. .. والله ان كني بقدري .. وبغلاي ذي بقايا الحب وأطلال الجنون .. .. والله أعلم في ضميره وش بقاي غير طيعوني ولا عاد تسكتون .. .. ولا والله إن أسمعكم بكاااي 2- ( يآقـوٍ قلـبّـك) ياقو قلبك على الصّـده ويـا صُــــــبـرك وياوسع صدري على صدك ويا صُبري وياطول عمـرك بذاكـــــــرتـي وياكُبـرك وياشيب عيني بشيّب عــــاد ذا كــــُبـري والله لون حمل صبري فوقـك..ان تبرك والله ولو تعتذر منـت بعلـى خــــــــبـري ان ما جبرك الغلا ما اقدر على جـــبـرك ياللي على ارض الوفـا ما شبرك بشبري تـــزعل وترجع وتـلقانـي عــــلـى خبـرك وانا انكسر لك واجـــــيـك ادوّر لــجبـري طـــيفك وذكــــراك طـيلـة غيبتـــك سبـرك وشـــــوقي لشوفتك طيلة غيبتـك سبـري امـــــحق وليف ومحبه والا اقــول ابـرك حسبي عليك اعشقك وانت اتحفر قــبري 3-(لاضاقت الدنيـإ) لا ضاقت الدنيا عليك وتشاويت .. .. خلق الله اللي فالرخا كان واجد ومن العرب والصوت والثوب مليت .. .. وقامت عليك هموم بأقعا تراجد فارفع يديك لخالقك لا توضيت .. .. وادعو تراك أقرب إليا صرت ساجد ووقت من أوقاتك للأوقات توقيت .. .. وسجل لنفسك في المساجد تواجد وأبشر بفزعة حامي الدين والبيت .. .. إليا هجدك من الهواجيس هاجد اللي يميت الحي ثم يحيي الميت .. .. لرضاه شف كثر البشر بالمساجد 4-(تالي عصيـر) الضيقة اللي دايمٍ تالي عصير .. .. وش حيلتي وأردها لا تجيني لا طال ظل العود حزة عشى الطير .. .. كنها على سجن الحديد تحديني يضيق صدري كل ما جات وأسير .. .. ولايخفف سوج رجلي حنيني لا حولنا مشراف ولا اقدر اطير .. .. يالله قمسة خير لا تبتليني وعقارب الساعة توقف عن السير .. .. ولاكن في الدوحة سواتي حزيني والعبره اللي تاصل الحلق وتحير .. .. يا قربها لو قيل لي يا عويني أمل شوف الناس ورد ومصادير .. .. واللي يقول اشفيك كنه يهجيني يعني على ما قيل من باب تصوير .. .. (لاحدٍ أبي قربه ولا أحدٍ يبيني) أروح أدور خط مابه دواوير .. .. وأدور اللي هادها تهتديني وآخذ مع الهاجوس سجة وتفكير .. .. وأراجع اللي فات بيني وبيني وأحسب ذنوبي وأدور التكفير .. .. عساي ما قصرت في والديني وعساي ما قارنت من ينفخ الكير .. .. واللي يحمل المسك جعله قريني ويطري علي يوم الحشر وأطلب مجير .. .. ما أعطى كتابي في شقيقة يميني ويطري علي صدقان كثر الدنانير .. .. اللي اتعاديني إلا كثر ديني وراعي الهروج اللي سوات المناشير .. .. أصد عنه وأدري انه يعنيني الله حسيبه يوم عرض القواوير .. .. والله حسبي من صواب مكيني وإلا طرالي واحد كانه اصغير .. .. أم أصغر بيومين ولا سنيني دريت وش قومي وعينت تفسير .. .. للضيقة اللي من زمن تعتليني حبه بصدري سالفة سر في بير .. .. وكن الفواد يقول هذا زبيني أشفق على علمٍ يجي منه من غير .. .. لا يسمع اللي سولفوا به ونيني يا كثرهم غيرهم ولكن خبر خير .. .. ما غير شوفه في الوجود يهنيني رايي كذا يا عاشقين الغنادير .. .. ماله على وجه البسيطه وزيني العام أجيهم من حساب المسايير .. .. واليوم حال عداي وينه وويني خطاي تعليق الأمل في المدابير .. .. الين راح وشفت حقري بعيني صبرٍ جميل وخابر إنه مقادير .. .. والله على تخفيف حزني عويني ذي حالتي لين اتغبا الشمس واصير .. .. معطى سراحي عقب مانا سجيني واذا امتلى جوف الشجر بالعصافير .. .. طلبت من رب العباد يهديني يعتقني المذن عقب ضيقة عصير .. .. اللي على سجن الفراق اتحديني 5-(قد عطيــتك) قد عطيتك وانـت ماضنـك لئيـم .. .. والنصيـحـه لليـالـي تـذكـره لاتحرك جرحـي الماضـي الاليـم .. .. ولاتحسب ان طول بعـدك طهـره كل جرح يهـون يالجـرح القديـم .. .. وكل شي قد مضـا معـك اذكـره جرحي وذكـراك والليـل البهيـم .. .. حـزت فـوادي بمثـل المنشـره العذول غراب وانا اكبـر غشيـم .. .. والجروح الماء وطاريـك حجـره والزمان اكرم من الحـظ الكريـم .. .. لانفتح لي بـاب صوبـك سكـره وحبك اللي لاطرى لي رحت اهيـم .. .. قمت احسب اصغر كلامك واكبـره ليتنـي عـاد الهـوا تـوه فطيـم .. .. انعذلـت لعاذلـي بـس خـيـره مالقيت من الوفـاء يـااول نديـم .. .. كون صدق الحزن وجهه وظهـره عقب رمح الشوق في وجه الصميم .. .. سيف هجرك في قفاه وشف ثـره وانت شكلك تحسبنـي فـي نعيـم .. .. لنـي اخبـي صوابـي واستـره لايغـرك حلـم رجــال حلـيـم .. .. مهون اللي مـن سكوتـه فجـره ولاتحسب الجفن من دمعه عقيـم .. .. يستحي منك والى اقفيـت انثـره ولايغرك وان بدا جسمـي سليـم .. .. والله ان جسمي سـوار المقبـره والله ان امر من ضحـك الغريـم .. .. شوف حقي بين اياديـه اشكـره والله ان احر مـن دمـع اليتيـم .. .. دمعة الرجـال مـن فرقـا مـره 6-(شطر حفظتـه) ماني بمن ياتي ولا يدري به .. .. شطرٍ حفظته ما أعرف كتابه شطرٍ يناسبني لمثل الليله .. .. وآشوفني في ذا المكان أولى به أبا أتكل بالله ونعمٍ بالله .. .. اللي ما يوصد دون خلقه بابه باقول واللجنه تقيم قولي .. .. ومن كثرة الشعار ماني آبه الحمد لله واثقٍ من روحي .. .. وإن كنت ذيب فالرجال ذيابه ما أقول أنا أشعر واحدٍ في العالم.. .. لكن قصيدي كفو وأنا أدرى به الشعر جمعنا لو تفرقنا .. .. حدودنا وظروفنا الغلابة الله يبيض وجه راعي الفكرة .. .. عز الله انها تنحسب لحسابه والله يبيض وجه من يرعاها .. .. محمد الله يحفظه لأحبابه محمد ولد زايد عريب المجنى .. .. ولي عهد الديرة الخلابة الشعر تاريخ لنا من مبطي .. .. وإعلامنا يوم السنين نهابه الشعر بيت والوزن عمدانه .. .. معناه طنب وقافيته حجابه الشعر وادٍ فيه صيد واجد .. .. وكلٍ على الوادي يهج ركابه والأفكار صيد وكل شاعر قانص .. .. وكلٍ يدسم شاربه مخلابه أحد خياله حر .. وأحد وكري .. .. وأحدٍ خياله كوبجٍ بقطابه وأنا خيالي كل ما هديته .. .. حول على الوادي وصاد عقابه شاركت أمثل ديرتي وربوعي .. .. وكل يمثل ديرته وأقرابه والله إلى الله راد والله قاله .. .. إني لا أسلمها الفخر وكتابه داري قطر .. وأنا هنا أمثلها .. .. المجد مطلوبي وأنا طلابه عهدٍ علي إني لا أشرف داري .. .. ترك صبي ما يعز ترابه شوفوا دمي من حبها عنابي .. .. وحماستي من ضوها شبابه شاعر خليجي والعروبة بيتي .. .. والبيت ما ياقف بدون أطنابه وإن عودت بين القبايل فزعه .. .. أنا أشهد إني في اللوازم لابه لي في القبايل ربع .. وأقدرهم .. .. ماني بمن يجهل مقام أصحابه وإن عودت لأصلي .. فأنا أصلي مري .. .. من صلب يام أهد القنا وخضابه قومٍ لنا فوق المعالي بيرق .. .. والسيف قوة سلته بنصابه الشعر طوقني وأنا طوقته .. .. قمت آتمشى به وأفك أبوابه يا بنت ياللي تفرقين بعودج .. .. ما ألومهم لو كثروا الخطابه لامر بج دربج على خلق الله .. .. قالوا كذا بالأصبع السبابه زينج يزينه فعل أبيج وجدج .. .. وإنتي بدورج للنقى كسابه قومي تباهي بي .. وفلي راسج .. .. عليج من ستر الشرف جلبابه وإن ما سترتج بالفعول وباسمي .. .. فعقبني الفنجال يا صبابه 7-( الله يجآزي ) الله يجـــازي من يســـوي ســـواتك وبذنوب من ســـوى ســـواتك يجازيك مشيت درب الثـــقل وتـــحب ذاتــك ماتدري انه للمــــهالك يوديك غرك جمالك ياخــــساره حلاتك ماتدري ان ماغــــير طـــبعك يحليك بتقول زينـــــك يشفع لسيائتك الحسن ماهو عــــن وفاء الحب يـــــعفيك لو التواضع والوفاء مــــن سماتك بعت الحبايب كلـــــهم دين واشريك لاكن عجزت اغيـــرك يــــاجراتك على الغياب اللي بلا عذر ينجيك خطاي في توضيح وشي غلاتك وخطاك في توضيـــــح وشو تغليك وشلون توصيني وتنسا وصاتك وتصد عن صوتن تقـــــــطع يناديك مافاتك التجريح والعـــــــــذر فاتك وتبغى الراي! الحين ماعاد يمديك صحيح احبك بس هاذي جزاتك بعلمك درس يفيدك ويــــــــحييك تدري وش ابيض من خـــفوقك؟ عباتك! وتدري وش اللي غرني نـــــــظرتي فيك ادري بتستغرب تصبر وجاتك! قصيدة مـــــن واحد كان يبغيك وتبغى تناظر وانت عايش مماتك شف وحدتــــــــك والناس تجلس حواليك وتبغى تشوف اشـــــجع رجل في حياتك؟! وفي الختام لايسعني الا ان اقول صح لسانك يابن فطيس واشهد انك شاعر وياخوان لاتبخلون علينا من عنده قصيدة ماذكرت في الموضوع ينزلها في المشاركات وتقبلو تحيات محدثكم:شفني وانا مقـــــــــفي على كثر ماغليـــك عـــــيـــــونـ ـــكــ اخــر امــالـــي ودمتم بود
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| دخيلك يا هوى الغربي ~,,محمد بن فطيس | كنق الفياض | صهيل القصيد | 11 | 19-10-2009 11:41 PM |
| ماجور الشاعر محمد بن فطيس | محمد | صهيل القصيد | 8 | 26-05-2009 05:34 AM |
| محمد صلى اللـــــه علية وسلم الزوج المرح | ابو طارق | روحانيات | 20 | 01-10-2008 01:20 AM |
| يالله عفوك يوم تصفية الحساب __ لأبن فطيس المري | Enter | صهيل القصيد | 9 | 13-07-2008 11:53 AM |
| صور حفل زواج شاعر المليون محمد بن فطيس المري | صعب المنال | نشيد الروح | 11 | 21-02-2008 02:27 PM |
 |  |
العرض الشجري
