مجالس الرويضة لكل العرب - تنبيه بداية حياة زوجيه ام بداية حرب؟؟؟

مجالس الرويضة لكل العرب (http://www.rwwwr.com/vb/httb:www.rwwwr.com.php)

- حوار ومنطق (http://www.rwwwr.com/vb/f6.html)

- - [تنبيه] بداية حياة زوجيه ام بداية حرب؟؟؟ (http://www.rwwwr.com/vb/t38412.html)

رد: بداية حياة زوجيه ام بداية حرب؟؟؟

اقتباس:

المشاركة الأصلية كتبت بواسطة شوآقهـ (المشاركة 595692)

لا والله الرجاااااااااال هم سبب المشاكل ,

ههههههههههههه
شواقه هدي اعصابك

وانا معك اقول انو بعض الرجال يكونون في خير وفي نعيم ومبسوطين مع حريمهم

بس يزودها مع الحرمه شوي

مثل انو يطلع الصباح وماتشوفه الا الليل وإذا قالت شي جلس يهاوش

والا يغفل شي بالتدريج مثل انو يطلعها في بداية الزوج كثير ويمشيها

ومع الأيام يبدا يخف لممممممممما ينعدم هذا شي ..

مع ان زوجته تستاهل انها يسفرها موب بس يمشيها ..

انا ما اقول يطلعها ويمشيها لازم .. بس بعض الرجال الله يهديهم يقولون مانقدر وعندنا شغل
وكذا وكذا وهات من الأعذار.. واول ماياخذ إجازه يوديها لأهلها وهو يطلع مع اخوياه للبر
والا يتمشون فالجنوب والا مدري وين..

في هذي ما الوم الحرمه لو قالت طلعني ..

وشي ثاني ..بعض الرجال
تسوي معهم المرأهـ كل خير.. واخرتها يتزوجون عليها .....

كيفهم يتزوجون بس انهم ينكرووووووون عليها بعد ما يتزوجون..

وبعضهم .. تكون الحرمه معهم اوكي ..
مع انهم يقصرون معاها .. وتصبر وإذا قالت في يوم انت مقصر معي
صال عليها وقال روحي لبيت اهلك !!!!!

وهذي يا اخواني بعض من الحركات اللي تخلي البنت تندفع كذا وتدعي عليهم ^_^

وانا ما اقول انو الحريم مايغلطون..

بعضهم .. إذا شافوا الرجال كويس معاهم ..اسرفوا فيهhttp://www.rwwwr.com/vb/images/icons/icon9.gif

مشكوره على مرورك

رد: بداية حياة زوجيه ام بداية حرب؟؟؟

اقتباس:

المشاركة الأصلية كتبت بواسطة امير السهول (المشاركة 595773)

من وجهة نظري ان السبب الرئيسي هو للمشاكل في بداية الزواج ان البنت مجبوره على الزواج او العكس ان الشاب نفسه مجبور على بنت ما يبغى يتزوجها مثل يتزوج بنت عمه علشان ابوه جابره عليها

والف شكر ع الطرح الرائع صديقة القلم .:.

هذي يبغا لها موضوع كامل
الزواج الغصب

لاتقولون مع الأيام بيتأقلمون

النفس وماتشتهي.. إذا الرجال تزوج وحده مايبيها ماراح يبغاها إلى إذا صارت معجزه

يعني نادراً ما نلاقيهم تأقلموا

ونفس الشي عند البنت إذا انغصبت راح تتشرط على الرجال طول عمرها

وراح تعانده .. لممممممما يطفح الكيل عنده وممكن تنتهي مشكلتهم بالطلاق

وممكن يعيشون طول عمرهم بمشاكل..

بعض الزواجات ماتكون غصب

بس تكون بإلحاح.. مثلا الخوات يقرقون على راس البنت
والأم من جهه ثانيه .. لمممممممممممما تشوف البنت موافقه .. بس مو بإقتناع

ونفس الشي عند الرجال ...

مداخله طيبه اخوي امير السهول

كل التقدير لشخصك ^_^

رد: بداية حياة زوجيه ام بداية حرب؟؟؟

اقتباس:

المشاركة الأصلية كتبت بواسطة فهــــــد (المشاركة 595777)

صديقه القلم يعطيك العافيه على الموضوع الرائع

ودي اتكلم عن هذا الموضوع بس مابعد جربنا لاكن ماقصر سمو الاحساس
بس ليه شواقه تهجم علينا والله مالنا ذنب

انا اقولك لأن بعض الرجال يافهد .. على كثر ماتسوي معاهم المرأهـ مايبين بعينهم
والمشكله انو الحرمه الطيبه الحبيبه تطيح في رجال مايتاهل طيبتها
والحرمه العنيده اللي تدور المشاكل تطيح فالرجال الصبور والطيب..

وبعض الرجال .. إذا طابت معهم الحرمه استلكعوا واستشرسوا

وإذا الحرمه استلكعت واستشرست .. طابوا ..

اقتباس:

قسم ان اكثر المشاكل انها من الحريم وخاصه بنات ها الوقت الوحدها اذا قالها زوجها حاجه انفخت خشتها وزعلت وفظحته عند اهلها ودخلت الناس في المشكله وهذي احد الاسباب اللي ترفع ضغط الرجال

انا ما انكر ان الحريم تجي منهم مشاكل ويدخلون اهلهم بكل صغيره وكبيره..

بس بعضهم بعد إذا شافوا الرجال مستمر في عتاه وماتعدل .. دخلوا اهلهم وهذا شي اشوفه
عادي...

مداخله طيبه تشكر عليها من الأعماق ^_^

رد: بداية حياة زوجيه ام بداية حرب؟؟؟

المرأهـ بحكمتها تستطيع ان تملك زوجها .. إن صبرت في بداية عمرها ستجد الفرج بعد نصفه,,, شكراً

رد: بداية حياة زوجيه ام بداية حرب؟؟؟

صحيح ان الحياه الزوجيه لاتخلو من المشاكل ابدا

لكن نبحث عمن يختلق المشكله هل هو الزوج او الزوجه

ومن وجهه نظري ان بدايه الحياه الزوجيه الناجحه ان يتفق الطرفان على كل شي وان يبين كل منهما للاخر مايحب ومايكره ومعرفه كل طابع عن الاخر وتبقى المرحله الاخيره هي تراضي الطرفان في كل شي وان كان هناك خلاف بسيط لابد من الحوار والبحث عن الحلول بالكلمه الطيبه والرقه في الاسلوب لا التعالي بالصوت وفرد العضلات امام الزوجه المسكينه او التهديد بالطلاق او الزواج من غيرها واخماد المشكله في اسرع وقت

تبقى لغه الحوار واتفاق الطرفان والتربيه وتفهم الحياه بشكل لبق والتراضي من وجهه نظري عوامل تساعد على جلب الموده والحب بين الزوجين وحياه سعيده باذن الله لكل المتزوجين

تحياتي للجميع