|
بداية حياة زوجيه ام بداية حرب؟؟؟ بسم الله الرحمن الرحيم السلام عليكم ورحمة الله وبركاته خطر في بالي موضوع الزواج ومشاكله .. وهو موضوع طوييييييل إذا انفتح مايتسكر اختلفت الأقوال..في اسباب المشاكل..؟! طيب انتم من وجهة نظركم وش اسباب المشاكل بين الزوجين..؟ وكيف تنحل المشاكل.؟ في الإجآبه ابتعدوا عن الرسميات وعن الإجابات التقليديه.. وخلونا نتناقش نقاش جاد حتى لو طال اهم شي نطلع الأسباب ..ممكن الغير ينتبه لأخطاءه ويتأكد انه مو على حق ويصحح اخطآءهـ ^_^ لي عودهـ لذكر وجهة نظري.. وطبعاً في انتظار ارائكم..^_^ |
رد: بداية حياة زوجيه ام بداية حرب؟؟؟ اول شي بتكلم عن سبب عنوان موضوعي هو البنت لما تقدم على الزواج... اول نصيحه تقدم لها .. الطفل على ماربيتيه .. والزوج على ماعودتيه لا تعودينه على انك تسمعين كل كلامه عوديه على كذا وكذا وكذا ..<<وكأنها داخله حرب والله مو من صالحها يعني هي داخله حياة جديده وبتبني اسره اهم اسسها الحب والطاعه ليش هذي النصايح؟؟ وبعدين لما الوحده تجي تتزوج تتوقع انو الزواج .. تمشيه وطلعات وبس لا هذي حاجات ممكن تكون على هامش الزواج.. وبعدين مو حاجه اساسيه بين الزوجين ممكن تحصل وممكن لا الوحده لما تبي تزوج .. تحسب حساب انها راح تكون مسؤوله عن بيت .. والا ماراح تستمر مع زوجها .. ونفس الشي الرجال ..بعضهم مالهم داعي من ثاني يوم اطبخي والا سوي قهوه والا سوي شاهي .؟ هالأشياء بتسويها ولاحقه عليها ليش تخربها من اول الأيام.؟ والا اللي من اول مايتزوج .. يلمح لها انو يحب يذبح وانو مايحب يطبخ برا البيت طيب البنت ماعمرها طبخت ذبيحه؟؟ وش بتسوي بتعلمها...؟ خلاص قبل تتزوج اشرط على اهلك يزوجونك واحده تبطخ ذبيحه وارتاح.. ثاني اسباب المشاكل .. بعد الزواج بكم اسبوع..إذا كانت ساكنه مع اهله إذا بدت الحرمه تطبخ له .. شوفي انا بطبخ نزلي عشاي تحت <<ماراح نقول فيها شي عليهم بالعافيه بس المشكله إذا قاموا اهل الزوج يعيبون في الطبخ وكأنها طابخه لهم.. مهما سكتت البنت راح تنفجر في يوم من الأيام.. على فكره مو شرط اللي تسكن مع الأهل تتمشكل مع زوجها او انها تكره اهله .. بس انا اقول البعض ..^_^ ثالث شي... إذا كانوا فبيت بعيييد عن اهله.. كثير مايغلطون الرجال .. يكرر على مسامعها انا بعرس <<طايحين فيها بزيادهـ حتى اللي توهم شباب مع انهم مايقدرون يتزوجون عليها.. طيب قلها لو زوجتك ماتطيعك بس انك تقوم تقولها على الطالع والنازل..ترا مو شرط الحرمه تتعدل بعد كلمتك بالعكس ممكن تخرب حياتك بهذي الكلمه.. ولاتزعل إذا قالت لك كلمه تجرحك بعد ماتكرر هذي الكلمه وتوقع اي كلمه.. وطبعاً في نهاية كلامي احب اقول هذي وجهة نظر خاصه فيني ..ممكن تلاقي قبول وممكن لا اترك المجال للبقيه ^_^ |
رد: بداية حياة زوجيه ام بداية حرب؟؟؟ وعليكم السلام ورحمة الله وبركاته الزواج ومشاكله أو مشاكل الزواج طرح وموضوع جيد أولا لابد أن تحصل بعض الأختلافات بين الزوج وزوجته. وهذا أمر طبيعي جداً. المشكله هو تكبير وتضخيم بعض الأختلافات بين الزوج وزوجته وخروجها عن بيت الزوجيه. فمن وجهة نظري ومن خلال تجربتي. حاول قدر المستطاع أن تحل الخلاف بينك وبين زوجتك بدون تدخل الآخرين. فهي مشكلتك أنت ثانياً: على الزوج أن يتنازل عن بعض الأمور. مثلاً : حصل بين وبين زوجته خلاف وسوء فهم في موضوع ما وتطاول الكلام حتى سمع من زوجته كلام غير لائق وو.. الخ.. طبعاً في وقت غضب بينهما من وجهة نظري أنه في حالة أشتداد وتأزم الموقف أن يصمت الزوج ويملك نفسه ويحكم عقله.. ويتنازل.. ولا يتعالى... صدقوني.... سوف تعتذر من ما حصل... بعض الأزواج هدانا الله وإياهم يفقد الحكمة في المواقف الحرجة..وبالتي يخصر أشياء كثيره.. الموضع شيق جداً ولي عوده بإذن الله تحياتي |
رد: بداية حياة زوجيه ام بداية حرب؟؟؟ سهم الله هلا فيك وفي تواجدك .. دائماً اجد في ردودك كثير من الكلمات والنقاط المهمه والآن وجدت الكثير.. منها ان تكون المشاكل محصوره بين الزوج وزوجته حتى المرأهـ المفروض ماتقول لأهلها اي شي وإذا كانت المشكله ماهي كبيره تحاول تحليها بينها وبين نفسها .. لأنو الرجال ممكن يجي بعدين ويراضيها وترضى وتنسى بس اهلها ماراح ينسون.. مداخله طيبه وارحب بوجودك فالموضوع ^_^ |
رد: بداية حياة زوجيه ام بداية حرب؟؟؟ صديقة القلم طرح راائع اهنئك على هذا الاختيار للمواضيع الجيدة والمهمة بنالنسبة لموضوعك هو بالفعل موضوع متشعب ولا يوجد بيت في العالم يخلو من المشاكل الزوجية حتى لونهم طرمان وصقهان تهاوشوا بس اكيد هناك اسباب لكل مشكله اسباب تكون الزوجة هي السبب وياكثر ماتخلق الزوجة من اسباب واسباب من الزوج وياكثرها بعد فمن الاشياء التي تجعل الزوج يضيق ويزعل كلام الزوجة عن فلانه من الناس تلبس وتشتري وهي مو احسن مني حتى لو لم تكن بحاجه لهذا الشئ وادخال اهلها بكل صغيرة وكبيرة اي بدون شخصية كل اراائها تكون من اهلها عدم الاهتمام بمظهرها بالبيت واذا صارة معزوومة لزواج ياولد تعال شف الزين ينهبل الواحد يقول هذي اللي كانت عندي البارح ولا غيرها ههههههههههههه المهم الاشياء واجد واخاف نسترسل بها يزعلن علينا الاخوات عااد وعن اسباب اللي تثير الزوجة وتزعلها والسبب الرجل اعتقد كثرة سهرة خارج البيت عدم الاهتمام بالزوجة وعدم تسميعها كلمات جميله معبرة عن الحب البخل العاطفي والمادي كثرة السفر بدون داعي واشياء اخرى اكتفي بهذا والف شكر لك |
رد: بداية حياة زوجيه ام بداية حرب؟؟؟ لا والله الرجاااااااااال هم سبب المشاكل , |
رد: بداية حياة زوجيه ام بداية حرب؟؟؟ اقتباس:
يؤيؤيؤيؤيؤ شواقة وش فيك علينا ان امحينا جلستوا بدون زواج ههههههههههههههه ه شواقة كل الجنسين فيهم طيب وفيهم خيب |
رد: بداية حياة زوجيه ام بداية حرب؟؟؟ من وجهة نظري ان السبب الرئيسي هو للمشاكل في بداية الزواج ان البنت مجبوره على الزواج او العكس ان الشاب نفسه مجبور على بنت ما يبغى يتزوجها مثل يتزوج بنت عمه علشان ابوه جابره عليها والف شكر ع الطرح الرائع صديقة القلم .:. |
رد: بداية حياة زوجيه ام بداية حرب؟؟؟ صديقه القلم يعطيك العافيه على الموضوع الرائع ودي اتكلم عن هذا الموضوع بس مابعد جربنا لاكن ماقصر سمو الاحساس بس ليه شواقه تهجم علينا والله مالنا ذنب قسم ان اكثر المشاكل انها من الحريم وخاصه بنات ها الوقت الوحدها اذا قالها زوجها حاجه انفخت خشتها وزعلت وفظحته عند اهلها ودخلت الناس في المشكله وهذي احد الاسباب اللي ترفع ضغط الرجال |
رد: بداية حياة زوجيه ام بداية حرب؟؟؟ اقتباس:
هلا فيك صحيح المرأهـ احيانا ممكن تخلق مشاكل من لا شي لكن حتى الرجال .. هو مايخلق مشاكل من لا شي بس انو يثير غضبها ببعض الكلمات واللي يقهر انو يتعمد في اكثر الأحيان وبالنسبه للي تدخل اهلها في كل صغيره وكبيره انا معك انو مالها داعي بس الحاجه الصغير ممكن تكبر إذا تكررت مثل الحصا إذا حطينا حصاه محد ملاحظها .. بس حصاه على حصاه على حصاه .. راح تنشاف وبوضوح ومثل ماقلت عن الأشياء اللي تنرفز المرأهـ ازيد عليها اللي يقول لاتتصلين علي وانا عند الرجال والا ماتروحين معي للسوق.. بعض الرجال ينزلونها بالسوق بلحالها مدري ليه طبعاً هذي الشغلتين نادره بس قرأتها في احد المنتديات من النساء اللي يشتكون من ازواجهم |
رد: بداية حياة زوجيه ام بداية حرب؟؟؟ اقتباس:
ههههههههههههه شواقه هدي اعصابك وانا معك اقول انو بعض الرجال يكونون في خير وفي نعيم ومبسوطين مع حريمهم بس يزودها مع الحرمه شوي مثل انو يطلع الصباح وماتشوفه الا الليل وإذا قالت شي جلس يهاوش والا يغفل شي بالتدريج مثل انو يطلعها في بداية الزوج كثير ويمشيها ومع الأيام يبدا يخف لممممممممما ينعدم هذا شي .. مع ان زوجته تستاهل انها يسفرها موب بس يمشيها .. انا ما اقول يطلعها ويمشيها لازم .. بس بعض الرجال الله يهديهم يقولون مانقدر وعندنا شغل وكذا وكذا وهات من الأعذار.. واول ماياخذ إجازه يوديها لأهلها وهو يطلع مع اخوياه للبر والا يتمشون فالجنوب والا مدري وين.. في هذي ما الوم الحرمه لو قالت طلعني .. وشي ثاني ..بعض الرجال تسوي معهم المرأهـ كل خير.. واخرتها يتزوجون عليها ..... كيفهم يتزوجون بس انهم ينكرووووووون عليها بعد ما يتزوجون.. وبعضهم .. تكون الحرمه معهم اوكي .. مع انهم يقصرون معاها .. وتصبر وإذا قالت في يوم انت مقصر معي صال عليها وقال روحي لبيت اهلك !!!!! وهذي يا اخواني بعض من الحركات اللي تخلي البنت تندفع كذا وتدعي عليهم ^_^ وانا ما اقول انو الحريم مايغلطون.. بعضهم .. إذا شافوا الرجال كويس معاهم ..اسرفوا فيهhttp://www.rwwwr.com/vb/images/icons/icon9.gif مشكوره على مرورك |
رد: بداية حياة زوجيه ام بداية حرب؟؟؟ اقتباس:
الزواج الغصب لاتقولون مع الأيام بيتأقلمون النفس وماتشتهي.. إذا الرجال تزوج وحده مايبيها ماراح يبغاها إلى إذا صارت معجزه يعني نادراً ما نلاقيهم تأقلموا ونفس الشي عند البنت إذا انغصبت راح تتشرط على الرجال طول عمرها وراح تعانده .. لممممممما يطفح الكيل عنده وممكن تنتهي مشكلتهم بالطلاق وممكن يعيشون طول عمرهم بمشاكل.. بعض الزواجات ماتكون غصب بس تكون بإلحاح.. مثلا الخوات يقرقون على راس البنت والأم من جهه ثانيه .. لمممممممممممما تشوف البنت موافقه .. بس مو بإقتناع ونفس الشي عند الرجال ... مداخله طيبه اخوي امير السهول كل التقدير لشخصك ^_^ |
رد: بداية حياة زوجيه ام بداية حرب؟؟؟ اقتباس:
والمشكله انو الحرمه الطيبه الحبيبه تطيح في رجال مايتاهل طيبتها والحرمه العنيده اللي تدور المشاكل تطيح فالرجال الصبور والطيب.. وبعض الرجال .. إذا طابت معهم الحرمه استلكعوا واستشرسوا وإذا الحرمه استلكعت واستشرست .. طابوا .. اقتباس:
بس بعضهم بعد إذا شافوا الرجال مستمر في عتاه وماتعدل .. دخلوا اهلهم وهذا شي اشوفه عادي... مداخله طيبه تشكر عليها من الأعماق ^_^ |
رد: بداية حياة زوجيه ام بداية حرب؟؟؟ المرأهـ بحكمتها تستطيع ان تملك زوجها .. إن صبرت في بداية عمرها ستجد الفرج بعد نصفه,,, شكراً |
رد: بداية حياة زوجيه ام بداية حرب؟؟؟ صحيح ان الحياه الزوجيه لاتخلو من المشاكل ابدا لكن نبحث عمن يختلق المشكله هل هو الزوج او الزوجه ومن وجهه نظري ان بدايه الحياه الزوجيه الناجحه ان يتفق الطرفان على كل شي وان يبين كل منهما للاخر مايحب ومايكره ومعرفه كل طابع عن الاخر وتبقى المرحله الاخيره هي تراضي الطرفان في كل شي وان كان هناك خلاف بسيط لابد من الحوار والبحث عن الحلول بالكلمه الطيبه والرقه في الاسلوب لا التعالي بالصوت وفرد العضلات امام الزوجه المسكينه او التهديد بالطلاق او الزواج من غيرها واخماد المشكله في اسرع وقت تبقى لغه الحوار واتفاق الطرفان والتربيه وتفهم الحياه بشكل لبق والتراضي من وجهه نظري عوامل تساعد على جلب الموده والحب بين الزوجين وحياه سعيده باذن الله لكل المتزوجين تحياتي للجميع |
رد: بداية حياة زوجيه ام بداية حرب؟؟؟ اقتباس:
اقتباس:
هذا انتي قلتيها المرأه (بحكمتها) في زمننا هذا هل فيه حكيمات وصبورات.. لا طبعاً نادر مانشوف اللي تقدر تملك الرجال بحكمتها ولو فيه حريم حكيمات مثل ماتقولين ماراح نحصل مشاكل. بس جيلنا جيل التسرع من الطرفين .. والعناد احياناً بعدين قبل الحرمه تصبر في بداية عمرها اكيد حصلته بعدين .. لأن الرجال قبل مو مثل الرجال الحين لو مثلا صبرت ممكن مايجي نصف عمرها الا وهي مع زوج ثاني وهو مع زوجه ثانيه.. وإذا تقصدين انو المشاكل ممكن تنحل بالتفاهم والتفهم بين الزوجين ..فأنا معك اكيد ^_^ مشكوره على مداخلتك |
رد: بداية حياة زوجيه ام بداية حرب؟؟؟ اقتباس:
مداخله طيبه اعتبرها من احد الحلول المناسبه ولا ازيد عليها .. لك كل الشكر .^_^. |
رد: بداية حياة زوجيه ام بداية حرب؟؟؟ طرح رائع جدا إن من أسباب المشاكل الأساسية هو تدخل الأهل في الحياة الزوجية - وكأن كل فريق له جندي في معركة يوجهه كي ينتصر هو ولا يعتبر أن هذه حياة زوجية قائمة على التوافق بين الطرفين و أيضا - جانب الشخصية القوية الذي يتبع من قبل الزوج و من قبل الزوجة أيضا ظنا من كل طرف أنه لابد أن يكون الأقوى و المسموع الكلمة |
رد: بداية حياة زوجيه ام بداية حرب؟؟؟ القناص اقتباس:
وهذا اللي كنت ابغاه الحياة الزوجيه في بعض الأحيان تصير مثل الحرب للأسف والرجال معه جنود والحرمه معاها جنود .. وبعض الأحيان الرجال والمرأه .. يسوون اشياء مايبغونها.. بس من الكلام اللي يجيهم من الأهل.. اهل الزوجه ..خليه ولاتهينين نفسك .. ونفس الشي عند اهل الزوج خلها ولاتهين نفسك.. والخاسر عندهم هو اللي يرجع لبيته.. مع انو العكس صحيح.. انو اللي يبدا بالسلام هو الرابح .. وزين مايسوي .. لكن كلما تقدم الزمان تتقلب المفاهيم شاكره مرورك اخوي القناص |
رد: بداية حياة زوجيه ام بداية حرب؟؟؟ صديقه القلم ربي يعطيك العافيه |
رد: بداية حياة زوجيه ام بداية حرب؟؟؟ مشكوره على مرورك غلاتي http://bnat4ever.com/vb/webaty_uploa...8825535640.png |
| الساعة الآن 03:44 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..