يحترق في داخلي نبـض وشعـور
كل مـا شفتـك تقوليـن الـوداع
في غيابك ماله اي معنى الحضـور
والوجود يصير من دونك ضيـاع
وش فضى ما غردت فيه الطيـور
وش وهج ما طالته ارض وبقـاع
في خفوقك كـان لـي أول ظهـور
صرت بك شاعر وانا بسن الرضاع
في بلاطك ابتديت اكتـب سطـور
من سموك شفت معنـى الارتفـاع
بك انا وجـدان وبغيـرك قشـور
بك انـا انسـان وبغيـرك متـاع
ما اذكر اني قلت في وصلك فتـور
ولا اذكر ان السر عندك يوم شاع
اذكر انك ماهـره فجبـر الكسـور
وشاطره ايضا في تخفيف الصداع
واذكر انك ساق واوراق وجـذور
واذكر انك حصن واسوار وقـلاع
لعنبو ذكـراك يـا بـدر البـدور
اقلبـت حالـي وخلتنـي بصـراع
من رحلتي ما رأت عيني سـرور
في منامي ما اشـوف الا السبـاع
هيه يا بنت الهجر كافـي غـرور
ارجعي وامرك على روحي مطـاع
لو عطيت الشمس في كفي تـدور
والقمر فـي كفـي الاخـر شعـاع
ما تساوي جلستك بيـن الزهـور
لا ولا شوفـك تذبـيـن القـنـاع
لو دريت الموت شفـاع وغفـور
كان ضميته على صـدري بسـاع
لكـن تعزيـك يـا قلبـي شهـور
هدتك وانته على خبـري شجـاع
واحترق في داخلك نبض وشعـور
والتزمت الصمت وابكـاك الـوداع
ما راق لي
تحيااااااتي واحترامي
| 
30-03-2010, 11:52 AM
رد: احترق في داخلي نبض وشعور 
المواضيع المتشابهه 
العرض الشجري
