مـا أدري مـن اللـي درّسـك جعلـه يمــوت

#1 (**permalink**) 26-03-2010, 11:34 AM

يا شيـن طبـعٍ فيـك يا زيــن الأطبـاع

لولا الرجــاء ما كان خلّيته يفـوت

سَـنَـع يشـوّه لا تـذكّـرتــه أسـنـاع

مثل الحصاة اللي وسط عقد ياقــوت

تخـفي هيـامـك وإنت ميـّـت وملـتـاع

ما تـدري إنه في ملامـحـك منـحـوت

ويبخل لسانك وإنت للسمع طمّـاع

والبخل في سِلْم المحبيـن ممـقـوت

الحكي قوت السمع / وأسامعي جياع

ومسامـعي ماتت من الجـوع للـقـوت

وحكي الغزل في صدرك أشكال وأنواع

لكن صمتك حوّل الصـدر تـابـوت

إلا طَلَبتـك وصـل صعّبـت الأوضـاع

( مدري من اللي درّسـك جعله يمــوت)

تصـد ما كـنّـك من الصـد مـرتـاع

وإن قلت : يا القاطـع تلفّـت مبـهـوت

إقطع بـ دَرْب مواصلك في الشهر باع

وإلاّ إنت تقطع للوصل فـي السنة فوت

طعني وطاوع واحدٍ فيك ما طـاع

ناسٍ صغار عقول / وأشوار / وبخوت

وإلطف بحال اللي نحـل حاله و راع

قلبٍ جروحه تنزف أفكار وبيوت

قلبـي إلا منّه شـرى قـلـب ما بـاع

وإنت هالله هالله فيه والعمـر موقوت

اسمع أشعاري في الهوى وإرخ الأسماع

ياللي غـلاك بتربـة القلب مكـتـوت

ابن فطيس

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أكسســورات وشغلات حلــوة لــ الـبلاك بيري ,,	محمد	بلاك بيري و آي فون	4	09-01-2010 06:59 PM
مدري .. من اللي درّسـك جعله يمــوت	الرسام	صهيل القصيد	11	12-12-2009 05:18 AM
دفنت الحزن فـي قبر الضلوع اللـي بكت فرقاهـ ...	محمد	صهيل القصيد	7	27-08-2009 01:54 AM
ليه القلـوب اللـي نبـي دوم تغـدر ؟؟	محمد	صهيل القصيد	8	16-08-2009 06:37 PM
الــطعـنه اللـي مـن ورى الــظهر تنـهيكـ .. ؛	كنق الفياض	صهيل القصيد	16	02-12-2008 11:57 PM

مـا أدري مـن اللـي درّسـك جعلـه يمــوت

صهيل القصيد