النصيحه..

بسم الله الرحمن الرحيم


السلام عليكم ورحمة الله وبركاته



للأسف بعض الناس لما ينصحون بدال مايخلون الواحد يسمع لنصيحتهم ويتبعها... يتركها



لا لين
ولا اسلوب
ولا اخلاق


إذا جيت تنصح الواحد لاتشهر فيه قدام الناس وتفضح به.. يعني مثلا انتو جالسين في مكان ويطري عليهم حاجه مهي حلوه .. يجيك واحد يقول نفس فلان <<وفلان ذا جالس جنبه
وبعدين يبدا ينصحه..<<~ طيب فيك تنصح بدون ماتقول انه مسوي هالشي او هالغلط
وما توجهها له وجهها للجميع .. يعني بدون ماتعلم الي جالسين ان هاللي جالس معكم سيء
وإذا انت مصر انك توجهها له خلها سر بينك وبينه..

واذا مالقيت قبول حاول ترسل كرساله جماعيه او اي شي المهم انك تكرر عليه النصيحه بس بطرق مختلفه

وإذا جيت بتنصح مجموعه لاتقول انتم فجار وانتم كذا وكذا
انصح والأمثله حطها على بعض الناس بعض الشباب بعض النساء بعض البنات..

مثل معلمه الله يهديها مسويه محاظره في احد المدارس .. تقول انتم في مدرستكم بنات قليلات ادب و...

كلام مره مو حلو

و وفيه بنت من مدرستكم مسكناها على قلة ادب ونصحناها وتابت..

طيب انتي نصحتيها وتابت ليه تقولين للناس...ممكن هالبنت تكون بينهم.. فهالوقت بتكره نفسها وممكن تحس بنقص والسبب هو انك ما تناسيتيها وتناسيتي مشكلتها بعد ماحليتيها..

وان كان مافيه بنت وهي تقوله عشان تعلمهم انها مشدده الرقابه.. بتصير كذابه..


وانتم في هالمدرسه مهملين الصلاة وانتم

وبعدين كانت شديده عليهم لدرجة العنف ..

والنتيجه طلعوا من المحاظره يدعون عليها ويتحسبون عليها والسبب كلمة انتم وانتم وعصبيتها ..



يعني نست ان الإبتسامه والكلمه الطيبه والدعاء الطيب من مفاتيح الخير وتحويل الشخص من فاجر إلى صالح..






كتبت الموضوع من الطرق الخاطئه في النصح اللي كنت ولازالت اشوفها..



والموضوع للتذكير...

جزاكي الله خيرا فعلا لابد أن تكون الدعوة إلى الله باللين والكلمة الطيبة
قال تعالى:
(لو كنت فظا غليظ القلب لانفضوا من حولك) الدعوة إلى لها أثرها الطيب عندما تكون خارجه من القلب من خرج من القلب وصل إلى القلب لابد للداعيه أن يكون كيس فطن حتى تؤثر دعوته فى قلوب الناس بالحكمة واللين والكلمة الطيبة جزاكي الله خيرا وجعل ماذكرتي فى ميزان حسناتك يوم لاينفع فيه مال ولابنون إلا من أتى الله بقلب سليم
قال تعالى:-
( ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِين َ )

تقبلي مروري...

كان النبي صلى الله عليه وسلم إذا رأى أحد من أصحابه على خطأ يقوم على المنبر

ويقول : " ما بال أقوام يفعلون كذا وكذا ويذكر الخطأ " تلميحا

فالتلميح دون التصريح..


يعطيك العافيه على الموضوع

النصيحه يجب ان تكون بطريقة مؤدبة وأن لاتكون أمام الناس تذكرت قول الامام الشافعي رحمة الله عليه ..
تغمدني بنصحك في أنفراد
وجنـبني النصيحة في الجماعة
فإن النـصح بين الناس نوع
من التوبيخ لا أرضى أستماعه
وإن خالفتـني وعصيت قولي
فلا تجزع إذا لم تـُعط طاعـة
وهذا ما أنا اتبعه .. لا انصح أحد أمام اخرين
تذكر قوله تعالى (أَلَمْ تَرَ كَيْفَ ضَرَبَ اللّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ
أَصْلُهَا ثَابِتٌ وَفَرْعُهَا فِي السَّمَاء تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ )

ما شاء الله على بساطة اسلوبك إلا إنك قدرتي توصلين الفكرة اللي تبغين
يعطيك العافيه صديقة القلم على الموضوع

بصرااحه الاخواان كفوووفوا في التعليق على موضوعك سلمت اناملهم
انااعتبر ان النصيحه على ضواابط حطيتها من مخيلتي
ولاماانع من انيي ازيد او تزيدون للفاائده
1\(لوكنت فضا غليض القلب لانفضوا من حولك)
2\(ادعو الى سبيل ربك بالحكمه والموعظة الحسنه وجادلهم بالتي هي احسن ان ربك هواعلم بمن ضل عن سبيله وهوا اعلم بالمهتدين)
3\ممكن التلميح دون التصريح والبعد عن ذكر اصحاب الشأن
(من سترمسلما ستره الله في الدنيا والاخر)حديث صحيح
4\الاقتنااع التاام التاام التاام انك لاتهدي من احببت ولاكن الله يهدي من يشااء والنصح جهد والله الهادي