29-01-2010, 04:53 AM
|
| |
النصيحه..
بسم الله الرحمن الرحيم
السلام عليكم ورحمة الله وبركاته
للأسف بعض الناس لما ينصحون بدال مايخلون الواحد يسمع لنصيحتهم ويتبعها... يتركها
لا لين
ولا اسلوب
ولا اخلاق
إذا جيت تنصح الواحد لاتشهر فيه قدام الناس وتفضح به.. يعني مثلا انتو جالسين في مكان ويطري عليهم حاجه مهي حلوه .. يجيك واحد يقول نفس فلان <<وفلان ذا جالس جنبه
وبعدين يبدا ينصحه..<<~ طيب فيك تنصح بدون ماتقول انه مسوي هالشي او هالغلط
وما توجهها له وجهها للجميع .. يعني بدون ماتعلم الي جالسين ان هاللي جالس معكم سيء
وإذا انت مصر انك توجهها له خلها سر بينك وبينه..
واذا مالقيت قبول حاول ترسل كرساله جماعيه او اي شي المهم انك تكرر عليه النصيحه بس بطرق مختلفه
وإذا جيت بتنصح مجموعه لاتقول انتم فجار وانتم كذا وكذا
انصح والأمثله حطها على بعض الناس بعض الشباب بعض النساء بعض البنات..
مثل معلمه الله يهديها مسويه محاظره في احد المدارس .. تقول انتم في مدرستكم بنات قليلات ادب و...
كلام مره مو حلو
و وفيه بنت من مدرستكم مسكناها على قلة ادب ونصحناها وتابت..
طيب انتي نصحتيها وتابت ليه تقولين للناس...ممكن هالبنت تكون بينهم.. فهالوقت بتكره نفسها وممكن تحس بنقص والسبب هو انك ما تناسيتيها وتناسيتي مشكلتها بعد ماحليتيها..
وان كان مافيه بنت وهي تقوله عشان تعلمهم انها مشدده الرقابه.. بتصير كذابه..
وانتم في هالمدرسه مهملين الصلاة وانتم
وبعدين كانت شديده عليهم لدرجة العنف ..
والنتيجه طلعوا من المحاظره يدعون عليها ويتحسبون عليها والسبب كلمة انتم وانتم وعصبيتها ..
يعني نست ان الإبتسامه والكلمه الطيبه والدعاء الطيب من مفاتيح الخير وتحويل الشخص من فاجر إلى صالح..
كتبت الموضوع من الطرق الخاطئه في النصح اللي كنت ولازالت اشوفها..
والموضوع للتذكير... |