| |||||||||||
مقتطفات من دلاختي هههههههههه ..... سلامتك سلامتك نودلك سلامتك بأنك الانسان تعمر الاوطان نودلك سلامتك هلا يا هلا بسنشيرو البطل المغوار هيا هيا نشاهده هيا يصغار مع صباح كل عصر جديد وحين تقرط الفيران اطراف مسامعي انهظ من منامي وانظف خشمي بطرف ستارتي < من زين ها الستاره شرشف صلاه تغير لونه من كثر الاستخدام ^ الله كان زمان الحين قمصان نوم وشغل نعومي اول كانت الفيران تقرط مسامعي الحين صرت البسهاا برجولي < الله يخليني بس طفشانه ومالقيت شي قلت خلني افرفش وانفرش شوي السلام عليكم حلويات من بقالتي قصدي مقتطفات من دلاختي < تأملوه زين وش كثر دلخه و على النيه وخشمي سلة سيف يهبل < هذي صوره لي خمسه x سبعه كاشفه الراس انا رجه بس فله منذو مبطي اً من العقد الثاني ميلادي بصمه واحده مافيه منسوخ اتمتع بذكاء مخلوط بغباء مع شوية دلاخه تقول امي الذكاء/ وارثه من اخوالي > والغباء / من ناقه كانت ترضعني منها امي والدلاخه / يوم طاح المكوي على دجتي تلصق وجهي باالبلاط اسعي لتحقيق اهدافي لاكن تطلع تسلل دايماً ولد ت وترعرت في قريه قريبه من بيت جد هايدي كنت اشوفها وانا احبي على يدي وركبي من تحت باب الشارع كبرت شوي وصرت اشوفها من خرم الباب معاناتي نشئت مع عائله كلهم اكبر مني اخواني وخواتي حتي ابوي وامي اكبر مني كنت اتصفق كل يوم بجميع اغراض البيت من بيالات و طفيات وحتي تلفزيونات موافق خاصه الدقيقه بــ خمشه ريال فيه موقف يدور في دجتي> يعني براسي الا اكتبه وقتها وانا ورعه توني ادرس اول ام طعش سنه توناا جايين من الديره بغبارناا سكناا برياظ وجيراناا حضر كنت دبدوبه مضغوطه تقول كيس لحمه مفرومه مثلجه والحضر جيرانا من قرادتهم كان عندهم ولد اسمه ثامر بعمري وخمسه وعشرين ساعه متربعه عندهم لدرجه اني كنت انام عندهم واصحي الصباح معاهم وافطر عندهم ويوصلوني مع ولدهم الاحضري لبيت جداني من الميانه اللي عندي حتي ابوهم بعض الاحيان اقله يبه عطني ريال > مصالح طبعاً يبون الفكه مني ياخي وش تبي ذي البدويه وانا اللي ناشبه لهم يبيلها عشرين سنه عشان يتحضر تصدقون البرست ههههههههههههههه ه ماعرفته الا من عندهم والكوريه اول مره اشوفها عندهم الكوريه = الشغاله < ماعلي شرهه متأثر بالكووريين اللي يركبون الكهرب بالديره كنت اطلع من العصر عند الغنم مع شلتي يالبيهم زي الرسلانين مثلهم وشرواهم واول ماارجع امر عليهم بريحتي كانو يقولون لي روحي تشوشري وتعالي اطلع عند باب الشارع وافسخ هههههه شي ما بي اقوله وارجع واقلهم تشوشرت ابي اشوف ويش عشاهم يمكن برست زادة الميانه لدرجه اني صرت البس ملابس ثامر الوسخانه مره جاهم ضيف خالهم اخو امهم ويبون يصرفوني دقيت الباب يكلموني من ورااا الباب ويقولون ثامر نايم تعالي بكره حسيت ان فيه خيانه تربعت عند الباب واجلس ابكي فكو الباب وادخل على المجلس عند الضيف واقول لثامر من هذا ----قال خالي نقزت بحضنه وقلتله انت خالي اللي يبون يحرموني منك حلو المسئله بشفافيه وصرفوني بريالين الين اليوم الثاني طبعاً تأثر ثامر مني وصاير ياخذ من دلاختي عشان كذا اجتمعوو وقالو لازم يشفون لي حل وفي هذاك اليوم الاغبر الاسود في ليله خميس توني متعشيه برست وطايحه في الثوم لدرجة كرات الدم الحمرا صارت بنفسجيه من الثوم ومزبنه فخذ دجاجه في مخباي عشان اكشخ فيها قدام شلتي وجالسه اتغر ذيك التغره اللي سمعوها شلتي وهم في الحوش عند غنهم الين قالولي صحه وفارشه فراشي وبنام بالصاله عندهم وفجاه وبدون مقدمات يطفون النور ويشغلون فلم مرعب انا كنت منسجمه اول الفلم تعرفون متعشيه برست والكرشه شغله تهظم ولاني حولهم انسجمت مع الفلم الين حسيت من الخوف فيه مويه تحتي لا وغير كذا ثامر نام وخلاني اتفرج وحدي وانا من دلاختي مااعرف كيف اطفيه الاب والام اخذوهاا فرصه لبسو اقنعه وجالسين يدخلون الصاله بسرعه ويطلعون بسرعه مع اصوات تخوف من بعدهاا ماحسيت بنفسي الا عند جداني وداخل تحت الفراش الي فارشينه لنا جداني انا معاي شلتي نايمه من 7 العشا عشان يقومون من 7 الصبح تقولون ورع كنغر متصفط من الخوف وبيت الجن الحضر معاد قربت من بابهم وسلامتكم
|
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
مقتطفات رومانسيه رائعه | رايقه بذوقي | صهيل القصيد | 8 | 22-11-2009 02:20 PM |
مقتطفات مساعد الرشيدي | سمو الاحساس | صهيل القصيد | 6 | 30-09-2009 11:32 PM |
مقتطفات من بحر الشاعر(سعد بن جدلان) | محمد | صهيل القصيد | 20 | 14-06-2009 11:00 PM |
مقتطفات من حفل تكريم ابو هلا | ابو نـــmkـــواف | احتواء ما لا يحتوى | 9 | 21-04-2009 01:49 PM |
مقتطفات من نهائي الرويضة ( صـــور ) | ابو نـــmkـــواف | الرياضة والشباب | 12 | 27-12-2006 01:28 PM |