هي ميانة .. بس ما هي كـل حيـن

#1 (**permalink**) 26-12-2009, 06:19 PM

لا تمادى بالخطأ .. وتقول مـن ( بـاب الميانـه )
ما أختلفنا .. هي ميانة .. بس ما هي كـل حيـن

كـان قصـدك بالتمـادي .. ودك أذوق الإهـانـه
والله لتبطي وتبطي .. مـا خضـع لـك هالجبيـن

وكانك إدوّر سبـب .. لأجـل المفـارق والخيانـه
إبتعد عني .. ولاني ناشدك .. رايـح .. ل/ ويـن

من يبي فرقاي .. في حفظ الكريم .. وفـي أمانـه
ما التفت له لو يصد .. أيام .. وشهور .. وسنيـن

وأنت لو قصدك كذا .. ف/أرحل ترى مالـك مكانـه
صد عني .. وإنتبه .. لا عاد ترجع .. لـو تليـن

رد قلبـي .. يـوم قلبـك ماحفـظ ودي وصانـه
بادلك بالحب .. لكـن مـا لقـى قلـب(ن) يعيـن

رد قلبـي .. دام قلبـك ماعطانـي مـن حنـانـه
ما عرفت تصون حبي .. ولاعرفـت تحـب زيـن

لاتظن قلبي .. عقب ما خنـت بـه مالـه مكَانـه
والله إنك لاجرحته .. ومـا شكـى جـور السنيـن

ولاتظن حالي عقب فرقـاك .. يُرثـى فـي زمانـه
ما شكيـت الحـال .. ولابيّحـت سـدي والكنيـن

لاتحسب إني ب/ دونـك عيشتـي عيشـه مُهانـه
والله إني ماحسبت حسـاب .. شـوق ولا حنيـن

أبك انا اخويه ليا من صـد .. خليتـه فـي شأنـه
كيف عاد اللي .. ما يربطني معه حبـل(ن) متيـن

عشت في وقتي .. عزيز النفس ماعـرف الليانـه
شامخ(ن) .. مايرتخي رأسـي .. ولايمكـن يليـن

من شراني إشتريته .. وصنـت عهـده والأمانـه
عادتي ما أخون عهد الحب .. وما أخـون اليميـن

ومن يبي فرقاي .. في حفظ الكريم .. وفي أمانـه
ما التفت له لو يصد .. أيام .. وشهور .. وسنيـن

وإنتبه .. تخطي علـي .. وتعتـذر لـي بالميانـه
ما أختلفنا .. هي ميانة .. بس ما هي كل حين ..؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بحريني يكمل عقد أجانب الشباب	بسمه الم	الرياضة والشباب	4	15-01-2010 02:44 PM
وورلد سوكر: تصنف لاعبيْ الهلال رادوي ولي من أفضل ستة أجانب في الشرق الاوسط	الصارم 717	الرياضة والشباب	8	04-11-2009 12:00 AM
الاتحاد السعودي يطلب حكاماً أجانب لقمة الهلال والنصر في كأس ولي العهد	صعب المنال	الرياضة والشباب	6	02-02-2008 11:15 PM
الزنجبيل يدفئ الجسم وينشط الدورة الدموية	ابو رنا	الوقاية خير من الف علاج	13	08-12-2006 12:31 AM

هي ميانة .. بس ما هي كـل حيـن

صهيل القصيد