|
قصة ضياعي بالصمان "3" " طبعاً لمن فاته نص عمره بإمكانه الإطلاع على الجزء الأول والثاني على هذه الروابط " قلت : ودني لأهلي >> هو يناظر فيني ومستغرب ولا طرى على باله أني ضايع ولا شي قال : رح رح لأهلك كلوا الفطور وانت جالس تلعب رح وانا أبوك << يتوقع أن بيت الشعر لنا قلت : لا أبي اهلي :36_1_30: قال : وانا ابوك بروح أفطر مع اعيالي في الشملول إن كان أهلك بيسمحون لك خذيتك ووديتك لهم قلت : لا ابي اهلي تكفى ودني :ranting_w: قال : وانا ابوك اهلك وينهم فيه قلت : والله العضيم أني مدري << ريقي ناشف يالله أتكلم ودموعي أربع اربع :36_1_4: قال : أنا علمتك تبي الشملول وديتك اما اهلك وراك >> وراح وخلاني طايح الله يهديه بس عاد رجعت مع نفس دربي وقعدت ابكي من الجوع والتعب والضمى والبرد ومن الشين اللي شافته عيني :36_1_47: << الله لايوريكم مكروه في أغلى ماتملكون .. قولوا آمين واقوم وأرجع مع نفس طريقي بأي أتجاه بإتجاه الجنوب طبعاً وبنفس الشكل الظهر محدودب كأني عجوز شمطاء ويوم جاء بيت الشعر على حجاجي الأيسر وارفع راسي ولا ذاك الموتر اللي ماله صوت بس اشوف أنواره يمين ويسار وهو بعيد مني والله .. كيلوا تقريباً وانا طرى على بالي ان أهل ذا السيارة يجربعون << أكيد مافيها كلام وانا في ذا الليل ألــوّح بيدي << أتوقع أنه بيشوفني اللحين وأبي أصوت له لكن ... وكّل الله ما أقدر أتكلم خلاص ريقي تشقق والله ويكتب الله ويجي على ثوبي نور السيارة ويوم شافني راعي السيارة وهو يدز الموتر ناصيني اللحين ويوم شفت الموتر جاني واوقف ويوم وقف الموتر وأطيح على الأرض مستسلم طبعاً اللحين بيت الشعر مو بعيد مني قريب على بعد 100متر آثاري السيارة من نوع سيزوكي اللون أخضر باب واحد من الطراز القديم واللي يسوق بنت تقريباً عمرها 25سنة والمعاون أمها عجوز عمرها تقريباً 65سنة والله تشقلني البنت وتركبني الموتر وتحطني بينها وبين أمها طبعاً أنا والله مدري منهم ولا أدري وين موديني بس والله ياجاني هواش من أم البنت بالذات ياوليدي ماتدري أن الخد كلها دحول << وقتها والله ما أعرف الدحل كنت أسميه القليب http://t0.gstatic.com/images?q=tbn:S...8_sumann06.jpg وبصراحة ماني بصوبهم كلهم.... عيني للترمس حق ماء عند الرجلين وأبي أشرب بس والله ما اقدر العجوز تهاوشني والبنت تسوق وأنا بصراحة من بعد ماشفت السوداني وانا وضعي يرثى له الحال حتى ركبت معهن حسيت بالأمان واغمض عين وأفتح عين ولا البنت تضرب بواري لموتر ناطحنا آثاريه ابوي ناطحني على الشاص وأقعد أصيح << خايف منه يطقني قالت البنت : وش فيك خلاص ذولا أهلك وصلناهم قلت : بيطقوني بيطقوني :36_1_42: وتقعد تضحك العجوز ويوم اقبلنا على المخيم قعدت البنت تضرب بواري << من الفرحة مايمدينا نوقف ولا ذا ابوي موقف ولا ذي امي "حلوة اللبن" جايه تركض لابسه غترتي ورابطةٍ راسها << والله ذا الموقف أذرف دموعي اللحين وأنا قاعد أروي لكم القصة وتضمني ذيك الضمه اللي أخلفت مكان أعظامي وتقعد تبكي وأقعد ابكي مثلها وتناظر فيني وتفقّدني طبعاً العجوز ماسكتني بيد والبنت بيدي الثانية وأمي تفكني وتقعد تحبب البنت وأمها وتشكرهم وتحلف البنت ان محد يقولي شي ولاحد يطقني وانطلق وتحلف امي أن تموت كرامتها واعدي للخيام طبعاً قدامي اربع خيام << قد بنوها وخلصوا والله مدري وين المطبخ منهن وأدخل أطرف خيمة ولا ذا طشت فيه ماء وأغط راسي فيه وأشرب منه << فاقد الوعي :36_1_58: والله ياراسي يوم جاه الماء له طقطقه وأروح ادخل الخيمة اللي بعدها وأحصل فيها بطاطين نوم وانخش بين الفرش قلبي يرقل خايف من ابوي وامي وأرقد ولا قمت إلا الصبح كأني ماسلمت وأقوم اليوم الثاني ولا صمت الحمد لله نشيط مافيني إلا العافية وأمي بس تعطيني من ذا الأنعام بالغصب آكل.. طبعاً كنا في وقت عز الزبيدي نلقط بالخياش ونروح نتمشى في ذا الفياض والفقع وأنا محروم من النزول راكب في الصالون آخر مرتبة وآناظر فيهم << العافية زينة بالصدفة نحصل البنت وأمها يلقطون فقع وينزلوني بالواسطة أسلم عليهم وبصراحة البنت قالت لأمي كلمة بصراحة وقتها مافهمتها تقول ترى ولدك محجر لي وبعدين أهلي أشرحوا لي معناها << طبعاً أنا أستحيت لاحظوا أنا عمري 10سنوات وهي عمرها 25سنة تقريباً ونتمشى شوي ونرجع على الساعة 11ص بخيشتين زبيدي :41364786212629 09755 :41364786212629 09755 :41364786212629 09755 http://www.slrb.gov.bh/UsersFiles/Re...8%A8%D8%A7.jpg يوووه نسيت اقول لكم كيف عرفت مخيم أهلي :676: . قالت أمي : يابنتي مالقيتي لنا وليدٍ ضايع << وهي تبكي اللحين :4d88d853f9: . قالت البنت : ياخالة والله ما تذوق النوم عيني إلا لين ألقى ولدك :36_11_18: . وانتظرونا بقية القصة في لحظاتها الاخيره ~ :113: |
رد: قصة ضياعي بالصمان "3" هع رهيب كمل الحين تكفي تراها تهز رجال قووول |
رد: قصة ضياعي بالصمان "3" ههههههههههههههه هه روعه من بدايتها وفي انتظار الحلقه الاخيره :) |
رد: قصة ضياعي بالصمان "3" قصه رااااائعه :: ننتظر الجزء الاخير ثانكس ذيبان |
رد: قصة ضياعي بالصمان "3" ودي اقرأ بس مايجي لي الحين برب < |
رد: قصة ضياعي بالصمان "3" ذيبان ربي يسعدك قسم عشت معك الموقف لحظة بلحظة |
رد: قصة ضياعي بالصمان "3" ذيبان هناك العقلان راد خير ان شاء الله بس ترى البنت حتى الان محجرة لك حتى الان يعني في ذمتك رح دورهم مثل ما دوروك لا تعلق البنت !!! |
رد: قصة ضياعي بالصمان "3" لا لا البنت هذه صارت اختك كيف قاطعت فيها هي وامها الحمد لله على سلامتك من السوداني <<<ج يقولون من اول السودانيين ياكلون الورعان هع هع بانتظار ما تبقى ذيبان |
رد: قصة ضياعي بالصمان "3" الله يرجك رح دور خويتك الي شالتك مشكور وبسرعه علينا لا تاخر |
رد: قصة ضياعي بالصمان "3" وهج السهول خفايا إنسان أمير السهول همس سمو الإحساس عبدالله بن فيصل أبونواف الصارم http://www.mooode.com/data/media/308...443128cez2.jpg لاتخافون والله في مزاين نوفا الماضي مريت على بيتها و طقيت الباب ولا حصلتها وسألت عن أخبارها وأخبار أبوها وأمها وآكد لي مصدر موثوق يفيد انها باقي عانس إلى الآن وأبوها وامها بخير وستين نعمة وراح أزورهم في اقرب فرصة انا وأمي إن شاء الله تعالى |
رد: قصة ضياعي بالصمان "3" ^^ ذيبان اذا بتروح خذنا معك نبي نتشكره بالنيابة <والله لهم جميل ماينسى الله يوفقهم والله روعة هالقصة ننتظر البقية بفارغ الصبر<< |
رد: قصة ضياعي بالصمان "3" خخخخخخخخخخخخ المفروض تبيع القصة على الـ mbc |
رد: قصة ضياعي بالصمان "3" قصـه حـزينه صـراااااااحه << خانقتها العبـــــــــره ..هع هع والبنـت لا تخليهاااااااااا ا..تراها تحتريك<<وش دراك انتي..ههههه عاد عطنا الباقي بسرعه..صار مسلسل تركي..خخخ |
رد: قصة ضياعي بالصمان "3" والله قصتك حلوووه بس لا تخربها بكثرت الفواصل هههههه ربي يعطيك العافيه وبانتظاااارك .. |
رد: قصة ضياعي بالصمان "3" الجزء الاخير تسرب في النت :: لايوفوتكم ههههههه |
رد: قصة ضياعي بالصمان "3" واللــه خــنقــتني العبــره:4d88d8 53f9::4d88d853f 9:كـــمل اللــه يــعافيك ولى بــتســويه مــسلسل تــركي |
رد: قصة ضياعي بالصمان "3" يــ ع ــطــيكـ آلــعآآفــيه ذيـبآآن لحــظآآت حــلوـوـوه ومــؤثره., بآنتــظآأر آألــقآآدمـ |
رد: قصة ضياعي بالصمان "3" ههههههههههههههه ههه مبروك مقدماً |
رد: قصة ضياعي بالصمان "3" سرد ولا اروع والحمد لله على السلامه وبنتظار باقي القصه |
رد: قصة ضياعي بالصمان "3" ننتظر منك الجزء الرابع بفارغ الصبر ... دمت مبدعا ... |
رد: قصة ضياعي بالصمان "3" تم قراءة الجزء الأول والثاني والآن الثالث ذيبان الحمد لله على كل حال ,,, سرد قصصي ممتع ,,,,, بقي أن تختم الموضوع تروح لنفس المكان الي ضعت فيه وتصور كل الأماكن هناك وتوثقها :) وبانتظار الجزء الرابع |
رد: قصة ضياعي بالصمان "3" ذيــبــان مبدع أيضاً في الجزء الثالث وهذا ما تعودناه من شخصكـ متابعين لحظة .... بلحظة لا عدمناكـ تقبل مروري http://www.samysoft.net/forumim/shokr/1/062373c4eec.gif |
| الساعة الآن 06:59 PM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..