لا صار بعض البوح عند البشر عار....

#1 (**permalink**) 21-11-2009, 11:24 PM

الصمت له عندي معزّه ومقدار....
....في زحمة الافواه..يا مزين الصمت!!

لا صار بعض البوح عند البشر عار....
....لو يشتعل جوفي حشى ما تكلّمت

تعبت من قولة: (علامك)و(شو صار)....
....وان طحت ما ألقى سوى كلمة(سلمت)

واعذار اخلقها ولو مالي اعذار....
....مشّيتها مره..ومرات ما رمت!!

كذبة صباح الخير/يا صبح الانوار....
....عذري ليا عدّت ليالي ولا نمت

اسهر طوال الليل وضْيوفي افكار....
....واقول لاْصحابي:نعم توّني قمت!!

ما عاد فيني ألفت عْيون واْنظار....
....يكفي بأني من زماني تعلّمت

ان الصدر بيت/ن..وسكّانه اسرار....
....نيّام..بس يصحون لامن تألّمت

يصحون ويناظرهم الجار والمار....
....وش عاد ينفع سترهم لو تكتّمت؟!!

آقدّم اقدامي على درب الاصرار....
....امشي ولكن للأسف ما تقدّمت

(الغار قدامي..ومن خلفي النار!!)....
....والعمر يمضي بي وانا ما تولّمت

يا لين ذاك الحلم في لحظه انهار....
....وانا مع لحظة سقوطه تحطّمت

اجروحي اكثار..وتناهيدي اكثار....
....لكن على كثر المواجع..تبسّمت !!

ثم أْلتزمت الصمت وعزومي اكبار....
....ولو يشتعل جوفي حشى ما تكلّمت

ملطــــــوش

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أن البند (8) من المادة (31) سيكون سيد الموقف	محمد	الرياضة والشباب	2	05-04-2010 11:29 AM
ديكورات بالون البني والوردي	شموخ أنثى	الاثاث والديكورات	8	29-08-2009 10:26 PM
الصمت عذبني و عذبني البوح..	محمد	صهيل القصيد	11	23-08-2008 05:41 PM
بعض البشر...	محمد	صهيل القصيد	4	12-01-2008 02:04 AM

لا صار بعض البوح عند البشر عار....

صهيل القصيد