انا بعلن خبر عاجل تعالو اقرواعلاني.

فديتك ياهوى نفسي مع الشدات خاويني
فديتك لاقسى وقتيعلي وناحت اشجاني


ابيك في لحظة الفزعه تحط يديك بيديني
وابيك ليل شكيت الياس تكون بساحة اوطاني


ابيك البلسم لجرحي وابيك النوم في عيني
وابيك اللي ليا مني صحيت القاه باحضاني


طلبتك يابعد ذاتي امانه لا تخليني
تراني لورحلت ابقى ضحية كيد عدواني


سالتك بالله الوالي سالتك لا تجافيني
لاني اموت بغيابك ياروحي وجثماني


معي واصل مشاويرك اواسيك وتواسيني
معي ابقى مثل ظلي حذاري لاتعداني


ابي منك الوعد انك على غيري تبديني
وانا هذا وعد مني ماابيعك واشري غيرك


واذا بلسانك الصادق نطقت وقلت تغليني
انا بااعلن خبر عاجل تعالوا اقروا اعلاني


ابكتب داخل الاعلان وصيه كان شاريني
معي بالطيب عاملني ولاتجرح بهجراني


ومهما تقسى الدنيا علينا لاتعاديني
ولاتسعى ابد في يوم عندي وعصياني


ابيك دكتور لالامي من احزاني تداويني
وابي لاكفت ابصاري تكون النور لاعياني


وابي لافاضت انفاسي تكون اول معزيني
وابيك بيدينك الثنتين تلف الجسم بااكفاني


وبعد ماكون بقبري تذكرني وتبكيني
واكون حزن على بالك ماتغفل وتنساني


ابي لاقالوا العذال وش اللي بينك وبيني
تبسم وتدمع عيونك من الحسره وفقداني


وتجاوبهم اني حي وبالاضلاع تخفيني
واني سلوة الخاطرمعك لاصرت وحداني


ابيك تقول هو مامات احاكيه ويحاكيني
ابيك تقول هو موجود وخبيته بوجداني


ابيك تقول هو دمي اللي في شراييني
لانك دمي اللي كان يضحه عرق شرياني


وابي لازادت جراحك تخيلني وتناديني
وتفتش داخل شعورك وتهمسلي وتلقاني


واذا طال السفر اقرا كتاباتي ودواويني
وقل ياكثر ماخلي كتب لي شعر واهداني


ترى لو للقصيد عيووون والله ماتقديني
لاني للقصيد عيوون واسمك رمز ديواني


وترى لو للحروف اهداب تعجز لاتغطيني
لاني للحروف ايحا ووحيك سر لاذعاني


تداركت الزمن يمك الا ياليت يمديني
اخاف اجيك متاخر وسيف الوقت ياطاني


نسيت من اجلك الصادق اللي الروح يعطيني
ونسيت الاول والاخر والقاصي مع الداني


وجاري المسح للباقي وانت اللي تكفيني
حرام احط معك غيرك واحبك واظلم الثاني


كفايه انت في دنياي امل باقي يسليني
امل صوته اذا ضاع الامل القاه باركاني


كفايه همسك الحاني اذا جاني يدفيني
ويبدد وحشة ظروفي وتشرق فرحة اكواني


تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني


ودنيا مابها حسك ماابيها وعمرنا فاني
انا سميتك الدنيا وانت وش تسميني ؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟