| |
  |
 |
| |||||||
| روحانيات على نهج اهل السنه والجماعة |
 |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
25-10-2009, 02:44 PM
| ||||||||||||
| ||||||||||||
آلإنسآن / إمَّآ يؤثِّرْ .. آو يتَأثَّر؛؛ ْ  السلآم عليكم *.. { مدخل يارب تهديني قبل لحظة الفوت وتغفر ذنوبي ياكريم العطايا ..~ اشكيك هم داخل الصدر مكبوت وأيامي اللي بالخطايا ملايا ..! أنلاذ بك من كان طايع ومبخوت في من يلوذ المرتكب للخطايا ..! رحماك لامنا صحينا من الموت وإليا وقفنا عند بابك عرايا ..! ........... : اف يآ سآرونه احس حالي مخنوقه..! * : شفيك؟ .......... : مادري .. احس إني متضآيقه مره * : طيب من ايش ؟ .......... : مادري مافيه سبب * : وش مافي سبب !! اجل تدرين اكيد جايتك عين.. توني سامعه عن شيخ يمدحون قرايته على المعيونين <مسوية روحها فاهمه الحين / / من منا ماقد سمع هالحوار قبل كذا ..! او حتى في بعض منا قد عاش الوضع ..؟ / / كثير مننا عايش هالحاله ومرينا فيها فترات .!! طيب ماقد فكرتوا ليه؟؟أو وش السبب؟؟ اغلبكم بيجاوب: مافي اسباب .. وانا أولكم!! بس حاولت ادور اي سبب لهالضيقه المفاجئة اللي تجينا واللي في نظرنا انها من غير اسباب .! / / لاحظت اشياء كثيره احناغارقين فيها لين صرنا نحسها عادي ..! من ضمن هالاشياء وهي اللي رآح احكي عنها بهالموضوع ..! الاغاني !! مزاميرالشياطين. .! قال عليه الصلاة والسلام ( ليكونن من أمتي أقوام يستحلون الحر والحرير و الخمر و المعازف ) / / انتم زيي ؟؟ تحسون ان تعلق الناس للاغاني بهالفتره .. مو نفس تعلقهم فيها قبل كم سنة؟؟ / / * تلقون الواحد اول مايشغل جهآزه اول شي يسويه يروح لمجلدات الاغاني ..! * يدخل النت ع طول يدخل ع المفضله يفتح مواقع الاغاني..! لا واذا عجبتنا اغنية ..! : فلانه سمعتي اغنية المطرب الفلاني؟ اللي نزلت بالبومه الجديد ؟ :لا ماسمعتها..زين علمتيني توني ادري انه نزل البومه .. :اجل خذي اللنك اسمعيها يالمفهيه وعطيني رايك فيها .. << اللي يشوفها يقول هي مغنيتها يوم انها تحرص كل هالحرص انها تاخذ رايها * نغمات الجوال .. *نغمه انتظار الرد"صدى" الاغاني ماشيه و تدهر .. والملك يحسب .. فوق ما اننا احنا نسمعهاقاعدين نسمّع غيرنا زيادة ع ذنوبنا قاعدين نكسب ذنوب الخلق ..! لا ونجاهر فيها.. والرسول صلى الله عليه وسلم قال [كل أمتي معافى الاالمجاهرون] واحنا بالسياره بالجامعه السماعات ع اعلى شي اغاني ..! / / ماحد منا مايعرف حكم سماع الاغاني !! صح ؟؟ ولاحد ينكر تحريمها ..! بس احنا غفلنا عن هالشي .!! او نقول تغافلنا وتساهينا عن الموضوع ..! طيب صح تناسينا حكمها ..! معقوله نسينا عقاب سامعها بعد !!؟ رصاص مصهور يصب بالاذن!! / / خلونا نتخيل شوي ..! لو احد منا نقط عليه نقطه من صمغ المسدس الحار وش بيسوي؟؟ بيقوم الدنيا ولا يقعدها ..! طيب نتخيل هالمره شي اشد لو انكب عليك مويه مغليه او شاهي حار وش بيصير؟؟. استنفار كامل ..! فما بالك ب رصاص مصهور يغلي من حرارته ..!! ينصب داخل اذنك ؟؟ / / تلقون كل واحد منكم لمس اذنه بمجرد انك[تخيلت] الموقف ..! / / طيب ليه نسمعها ؟ ناقصين ذنوب وآثام؟ ولا متساهلين العقاب لهالدرجه؟ وعشان ايش !! عشان ساعه ولا ساعتين اسمع بها كم اغنية تضيق خلقي وتغضب علي ربي .!! ربّي ..!!! يالله ..!! سبحانك !! انعمت علينا ب نِعَم ما تحصى..! وفوق هذا قاعدين نستغل هالنعم عشان نعصيك ..!! السمع.. نعمه مايحس فيها الا اللي فقدها .. قاعدين نستغله بغضبك يارب..! / / طيب ويننا عن القرآن ..؟ نقرآه..؟!! لا الحمدلله كويس مازال فينا خير ..، بس للاسف ماعرفنا انه مايجتمع القرآن والاغاني في قلب واحد ..! كلآم الله سبحانه وكلآم الشياطين ..! مستحيل تجتمع بمكان واحد ..! الأغاني قرآن الشيطان .. وهو رقية الزنا !! / / طيب فيه منكم بيقولون..! لو تركت الاغاني ,، اللي حولي يسمعونها وراح اتأثر فيهم وأرجع .. راح اقولكم : الانسان في هالدنيا شي من اثنين: يا أما تتأثر بالناس ..! اوتؤثر فيهم .. ليه امشي ع كيفهم وامشي معهم عالغلط ؟ ليش ماتكون الثانيه .. تؤثر فيهم ..! وفوق هذا تعلن لهم قرآرك ..! وراح تكبر بعيونهم ..! حتى لو حكوا فيك من داخل انفسهم راح يعترفون انك انت اقوى منهم ..! ليه هم الليع غلط يكابرون ويجاهرون وحنا الصح نستحي ونخجل الحق معنا.. احنا الصح.. واذا فيه احد مفروض يستحي فهو : هم ..! / / عندنا البديل ..! الحمد لله الاناشيد موجوده و متوفره بشكل كبير..! بكل مكان بالنت .. بالتسجيلات كاسيت وسي دي .. بقنوات التلفزيون حتى ..! كنا نقول ماتجذبنا الكلمات الفصحى وطلعت اناشيد باللهجه العاميه وانتشرت بعنف ..! / / اتركوا الاغاني ...! اتركوا عنكم الهم و الضيقه..! لاتقولون مانقدر..! بالإصرار و إخلاص العزيمة انك تتركها عشان رضا الله ..! صدقوني بتقدرون ..! احنا اقوى من الشيطان و إقناعه لنا باننا مانقدر ..! ابعدوا كل شي يساعدكم انكم تسمعونها ..! الآي بود -الجوال- اللاب توب طهروها من الاغاني ..! ولو حسيتوا انكم ماتقدرون تستغون عنها مره وحده خذوها بالتدريج ..! [زي حالتي اول ..!! حذفت النغمات لاني ماني ناقصه ذنوب غيري بعدها شلت اللي بالجوال عشان ماتثقل ع الجهاز بعدها جت من ربي و ضاع الايبود و قمت حذفت كل اللي بالاب توب ..! وآخر شي حتى المواقع اللي بالمفضله حذفتها ولما قعدت حوالي شهر من حذف المواقع لقيت الايبود و ع طول سويت له تهيئه..! وعبيته من الاناشيد اللي ماليه مجلدات اللاب توب (= ] تجربتي بعد تركي الاغاني : سبحان الله اول شي واهم شي * الضيقه اللي كنت احس فيها - طبعا بدون ظروف تمر فيني - زالت ولله الحمد * صارت ماتهمني الاغاني ابد .. بالعكس حتى اني اتكهرب منها لما اسمعها ك نغمه جوال احد او لما تجي ع التلفزيون .. ومن غير شعور القاني اكتم الصوت بعد ماكنت اول مااهتم اني اكتمه * صرت اناقش و انقد المبادئ اللي ماتعجبني وخاصه لما تكون شي في الدين من بعد ما كنت اطنش واقول بالطقاق خلونا نقرب من ربنا نتوب ونطلب عفوه ومغفرته.. ونفكر بحالنا ونطلب جنته ..! تقربوا من الله وبتلقون قريب يمكم ..! ولاتنسوني من دعائكم إن اصبت في شي فمن الله وإن اخطئت فمن نفسي والشيطان ..! ● •مخرج • ● حياتك لا تمللها من ذنوب تضللها ..! لأجل هذا ياباغي الراي على الطاعات بدلها بدلها على الايمان بدلها على الاحسان قبل وقت لا ينفع ندم ومعانق الاحزان ..~ بدلها ولا تسلى ..! وفرحه خافقك أولى بدلها وشد الحيل وشوف الدنيا كم تحلى .... تحياتي 
 |
|
25-10-2009, 04:46 PM
| |||||||||||||
| |||||||||||||
|
رد: آلإنسآن / إمَّآ يؤثِّرْ .. آو يتَأثَّر؛؛ ْ
جزاك الله خير و بارك الله فيك
|
|
25-10-2009, 06:00 PM
| ||||||||||||
| ||||||||||||
|
رد: آلإنسآن / إمَّآ يؤثِّرْ .. آو يتَأثَّر؛؛ ْ جزاكِ الله خير وبارك الله فيكِ |
|
25-10-2009, 06:07 PM
| |||||||||||||
| |||||||||||||
|
رد: آلإنسآن / إمَّآ يؤثِّرْ .. آو يتَأثَّر؛؛ ْ نغم الحب بارك الله فيك
|
|
| مواقع النشر (المفضلة) |
|
|
 |  |
العرض العادي
