اسعد الله جميع اوقاتكم بكل خير الحقيقة والصراحة الاجواء هذه الايام شئ راحت لهايب الحر والسموم ( يقولون احر حر جاءهالسنة )
وجانا البراد والوسم والامطار ان شاء الله
عاد انا من الناس القلائل اللي يحبون البرد لانها تحلى الطلعات البرية فيه
ولان ابو رنا شاري سيارة برية السنة هذه وبيناشبنا حتى في البر قلت مالنا الا نتحد
مالكم بالطويلة :
اجتمعت مع ابورنا وشيولنا ثالثنا وطلعنا بعدة افكار لطلعات السنة هذه وكان من الافكار اللي
طلعنا بها هذا المنزل المتنقل من فئة الـ VIP شوفوا الاختراع بس واحكموا
الصالة ويلاحظ : الـ TV والرسيفر والمكتبة والتكييف المركزي والاطلالة الرائعة الجهة الاخرى من الصالة الـ شسمه وانتم كرامه واللي على اليمين اللي كنه مهبط الهيلوكوبتر حق الشاور الجهة الاخرى من الحمام ويلاحظ المغسلة واللي بيحلق دقنه هذااللي على اليسار مكتبي الخاص واللي يمين مكتب ابورنا هذا انا جالس على مكتبي وابو رنا مصورني بدون ما ادري نجي للمطبخ بس اللون لك عليه هذا ابو رنا قلت اكيد بحصله في المطبخ وفعلا لا تفوتكم غرشة الفيمتو على اليسار هذه عاد غرفة النوم وهذا سريري هع هع صباح الخير ابو رنا صاحي بكير وشايل فراشة ترى مكان نومه تحت سريري هذا منزلنا المتنقل للطلعات البرية واضح مخطط بطريقة كلاسيكية وهذا خيي ابو رنا ما اشوفه الا بالمطبخ ودك من يقفل جنبات المطبخ عليه عشان يطلع همبرجر نا ! !
على فكرة خلوني ارجع للصورة اللي قبل هذه كان تفكير ابو رنا تجاري صح يقول ليش مانسوي فوق شقتين وناجرهم ! ! ! ! قلت من ناجرهم عليه في البر ؟ كان على الرعيان ؟ ؟
وهذا بيتنا اقصد اختراعنا محمول على الاعناق هع هع
على فكرة ترى ابو رنا احيانا عليه افكار مدري ليه وكالة ناسا ماياخذونه يوم بدينا نجهز في الورشة حفر ابو رنا الخزان في الارض هع
منقول مع اضافة التعليقات لاضفاء شئ من الفكاهة على حساب خيي ابو رنوووبس ترى سالفة الخزان صدق ! ! !
توقيع : ابو نـــmkـــواف
أجمل هندسة في الحياة... ان تبني جسراًمن الأمل فوق نهرمن اليأس !!!