الصمت حكمة والحكي مصدر إفلاس ,,//,,ولقيت في صمتي يزيد احترامي

#1 (**permalink**) 21-09-2009, 05:46 AM

قالوا علامك صامت وقلـت يانـاس
كثـر الكـلام يقـل لاجلـه مقامـي

الصمت حكمه والحكي مصدر إفلاس
ولقيت في صمتـي يزيـد احترامـي

الصمت له معنى وله ذوق وإحساس
مركب نجاتك في بحـور الظلامـي

ترى الرجل صوره من الراس للساس
ثـم يتبيـن جـوهـره بالكـلامـي

إما نطق فـي كلمـة ترفـع الـرأس
تضفي على شكلـه جديـد الاسامـي

وإلا يعـود معدنـه معـدن نحـاس
يرميه سهمـه بعـد ماكـان رامـي

لا صار عندك من ثمينـات الألمـاس
خله بصدرك ليـن وقـت التمامـي

أخاف يطلع لك مـن النـاس بـلاس
وإلا سفيـه مـا يــرد السـلامـي

الله خلق خلقه علـى عـدة أجنـاس
وكلـن يسوقـه مذهبـه للأمـامـي

والله خلق بالطيـر قمـري وقرنـاس
ووقت الهدد مـا ينغـزي بالحمامـي

لا جال في صدرك من الهم هوجاس
وعينـك يحاربهـا لذيـذ المنـامـي

ونفسك عليله والفكر صارمحتـاس
اترك طمان القـاع وارق السنامـي

عليـك بالعالـي ليـا هـب نسنـاس
يبري الجروح الخافيـه والعظامـي

وخلك لربعك دايـم الـدوم نبـراس
وخص القريب وخص ولد العمامـي

خلك لهم في داجـي الليـل مقبـاس
ولصاحب أصدق من حقوق الغمامي

ربعك ذراك ليا لحق راسـك البـاس
قدم لهم شربك ولـو كنـت ضامـي

وخلك لثوب الطيـب والعـز لبـاس
واتـرك دروبٍ تنتهـي بالحرامـي

وفعل الجميل وواجب الضيف نوماس
ومن لا نفع بالضيـق نفعـه عدامـي

بيت الكريم أبوابـه بـدون حـراس
وبيت البخيـل يعـد مثـل الهدامـي

..::..

ممآ رآآآق لي ,,

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
احترامي للحرامي.....	محمد	لُغَة الصور .. والكاريكاتير الساخِر	9	03-11-2009 10:34 PM
إفلاس خمسة بنوك أميركية جديدة	محمد	احتواء ما لا يحتوى	5	09-09-2009 06:28 AM
انا الراضي وانا اللي لابكى معذور ( حكمة الصمت )	سلطان الشوق	صهيل القصيد	8	30-08-2009 01:36 AM
أكبر إفلاس بنكي بأميركا في 2009	محمد	احتواء ما لا يحتوى	6	16-08-2009 11:42 PM
أللي يجمعنا أضافة والحكي كله سخــــافة	روحي بين اياديه	صهيل القصيد	7	30-10-2008 06:08 PM

الصمت حكمة والحكي مصدر إفلاس ,,//,,ولقيت في صمتي يزيد احترامي

صهيل القصيد