اذا المراجل لبس شماغ وعقال قل للعذارى يلبسنَ العمايم

#1 (**permalink**) 17-09-2009, 07:22 PM

إذا المراجل لبسة شماغ وعقال .......... قل للعذارى يلبسنّ العمايم

ما عاد يفرق زول حرمه ورجال ..... دام الفعايل تشبه البعض دايم

المرجله ما هيب كلمه وتنقال ...... وتروح ما راحت هبوب النسايم

وإلا خشونة صوت أو رفع الأثقال .......... أو رزة صدور وفعل الزلايم

ولا هي بعد مفتاح موتر وجوال .......... وإلا ردى لسانن حديثه شتايم

المرجله شيمه عن القيل والقال .......... رفيع نفس (ن ) حر بالجو حايم

المرجله عقلٍ وزن وزنه جبال .......... ودون العقل وش فرقنا والبهايم

يا مسندي لو مايل الوقت بي مال .......... يا ولد أبوي يا عظيم العزايم

يا معرب الجدين من العم والخال .......... يا نخوة المفزوع وقت الهزايم

المرجله يا خوي هي طولة البال .......... هي العزم هي الصبر فالظلايم

فيها الكرم عزه دله وفنجال .......... فيها الكرامه عن ردى الطبع شايم

والدين لامنه خذا القلب منزال .......... مشى طريق الحق وابليس نايم

ومن لا عرف ربه في طيب الحال .......... لابد وقت الضيق بالهم هايم

حتى صلاتك مع جماعات ورجال .......... في خيرها يا خوي نعم الغنايم

ولامن نصف ليلك قم صفي البال .......... يا عظم أجرك بين ساجد وقايم

ولا من رفع ربي له كل الأعمال .......... حسن الذكر لا قالو فلان صايم

وخلك شريف القصد يا طيب الفال .......... سوء المقاصد فالبيوت الهدايم

واحذر تبيع النفس في درب الأنذال .......... وتتبع خوي إبليس راع النمايم

النفس خيل لك إذا كنت خيّال .......... ومن لا قوى نفسه قوته الهزايم

ولا صرت ما تدري لو يش أنت رجال .......... والله خسارة فيك ذبح التمايم

مما راق لي

دمتم بووود ,,,
اسايرها تعاندني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
طلاب المراحل الأولية يعودون طلاب المراحل الأولية يعودون إلى المدارس اليالمدارس اليوم	محمد	احتواء ما لا يحتوى	1	17-10-2009 05:54 AM
المرجله ماهي لبس شماغ وعقال	محمد	نشيد الروح	11	31-08-2009 02:48 AM
نتائج 00جميع المراحل	خالد00	احتواء ما لا يحتوى	9	28-07-2008 03:02 PM
إذا المراجل لبسـة شمـاغ وعقـال .. قل للعذارى يلبسن العمايمـ	محمد	صهيل القصيد	19	15-07-2008 06:01 PM

اذا المراجل لبس شماغ وعقال قل للعذارى يلبسنَ العمايم

صهيل القصيد