:. حضنتها ....... لميتها ... ما ادري وش صار !!! .:

#1 (**permalink**) 15-09-2009, 12:57 AM

قالت: أبيك !!! وقلت أنا اللي على ناااار
........... لكنّي أخفي ما اندفع من حنيني

قالت : تبيني ؟؟ قلت : مولَع ومحتار
............ (واخاف لو صرّحت لك تحرجيني ) !!!

قالت : من أوّل ؟؟ قلت تصريف الأقدار ....
............ من يوم عينك شاغلت شوف عيني

قالت : هويت ؟؟؟ و قلت : هاويك يا جااار
............ وأهوى جروحي فيك لو تجرحيني

قالت : أنا ؟؟؟ قلت: انتي العمر لو جار !!
.............. وانتي الغرام اللي يطفّي حنيني

قالت : هو الحظ ؟؟؟ قلت : دانة وبحّار !!!
.............. إمّا ملكتك ... أو معك تغرقيني

قالت : تصدّق ؟؟ قلت: من غير ما اختار ...
............... أصدّقك من غير ما تقنعيني ....

قالت: أبوح ؟؟؟؟؟ وقلت : يلهمني أشعار
............... . بوحك يعيّشني غوالي سنيني

قالت : أكيد ؟؟؟ وقلت : لابد .... باصرار !!!!
............ خلّيني أعرف : وين قلبك ؟؟ وويني ...

قالت : بعمري .. قلت : تفداك الأعمار ....
............ قالت : بقلبي !!! قلت : كلّي املكيني

قالت : تعاهد ؟؟ قلت أنا العاشق البار ...
............. دامي ضنينك ... فانت والله ضنيني

قالت: أجيك ؟؟؟ وقلت : يانور من زار ...
............... . مع جيّتك كل السعادة تجيني

قالت : يدينك ... قلت : خوذيني إسوار !!!
............... ..... وحطّت يديها رعشةٍ في يديني

وتنهّدت ... وعيونها تنطق أسرار !!!!
............... قريتها ما بين روحي وبيني ....

حضنتها ....... لميتها ... ما ادري وش صار !!!
............ ما ادري عن اللي صار فيها وفيني !!!

قلت : الحكي خليه يا شمعة الدار .....
............... .. أنا أفهمك قبل الحكي صدقيني

++

لكمـ ودي

::

!! الفجر البعيـــــد !!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ادري الصديق بكل الأحــوال ساحــب {{mms}}	محمد	الجوال .. و الإتصالات	13	17-10-2009 04:09 PM
ادري جرحتك بس انا اللي تالمـت	اسايرها تعاندني	صهيل القصيد	10	17-09-2009 01:30 AM
اخرج من اللوحه قليلاً	شموخي بكلمتي	احتواء ما لا يحتوى	11	08-08-2009 01:57 AM
تبا للتخلف مـــره اخرى	مخاوي الحر	احتواء ما لا يحتوى	5	02-08-2008 10:36 PM
كوزمين من اخرج الهلال	خالد بن حمر	الرياضة والشباب	7	18-05-2008 05:23 PM

:. حضنتها ....... لميتها ... ما ادري وش صار !!! .:

صهيل القصيد