الفرق بين شباب الزقرت وشباب الكووول؟؟

#1 (**permalink**) 06-09-2009, 04:49 AM

السلام عليكم ورحمة الله وبركاته

موضوعي اليوم يتحدث عن فئتان من فئه الشباب

المجموعه الاولى (( الزقرت )) والمجموعه الثانيه (( الكول )) طبعاً الاسامي ابد ماهي غريبه عليكم

والكل سامع فيها واغلبنا نقولها مثلاً شفنا واحد كوول نقول له يالكوول

ولو شفنا واحد زقرت نقول له يا زقرت

بس على مين تطلق الزقرت وعلى مين تطلق الكول

وماهو الكول وماهو الزقرت

ومااهتمام هذا ومااهتمام الثاني سوف نتعرف على الاثنين بعد قليل << طيب والثلاثا متى نتعرف عليه

شباب الزقرت :-

تعريف الزقرت : انسان زهق وطقت تسبده من الحياة وعايش لاجل يعيد الماضي

مميزات الزقرت عن غيره:-

1- ثوبه وسيع اصفر كان بالماضي ابيض

2- ترسيمته بالشماغ ثابته ومن غير عقال حتى اخر لحظه

3- دائماً السبحه في يده حتى وهو نايم

4- نعال عنده من قبل 10 سنين

5- لايعترف بالسروال الطويل تحت الثوب سناوي وبس

6- وجود بقعه ادام باميه على حافة كم ثوبه لانها اكلته المفضله

7- شفايفه سودااااا من كثر التدخين

8- يستعمل كلمات قديمه رغم تطوره وعلمه بالكلمات الحديثه

9- يتطنز كثيراً من الكول واللي مو زقرت

10- يحش بالاوادم كثير كثير

طموحات الزقرت واحلامه واهم الاشياء في حياته :-

1- يشتري ددسن

2- يقدم اداء جيد في الكيف وخاصه اذا كان اغاني عراقيه (( الكيف= حفلة شياب ))

3- يشرب شاهي بعد كل وجبه

4- كل سبحاته سارقهم من شباب زقرتيه مثله

5- اربع وعشرين ساعه السجاره بفمه ويدخن

عرفنا الحين وشو يعني زقرت ^_^
واتوقع الكل انصدم لما عرف معنى كلمة الزقرت
بس نسيت اقول لكم احلى ميزه بالزقرت :-

انهم وقت المواقف الصعبه رجال يعني مايخلونك لحالك ينشد فيهم الظهر..((بس مو كلهم))

شباب الكول:-

تعريف الكول:انسان مايدري وين الله حاطه ويحب تقليد الغرب ويكره الماضي ويكره الزقرت

مميزات الكول:-

1- مايعترف بالثوب ابد ودايم بناطيل يلبس
2- لازم الشعر طويل ومسويه كدش ((كدش= كلمه كوليه معناها شوشه))
3- ماتفرق بين ايده ويد البنت كلهم حاطين اساور الوان وانواع
4- جزمه وحده عنده ولونها وردي ويلبسها على كل شي (( غيران من باربي ))هههههه
5- لازم ولابد منزل شويه من البنطلون
6- شفايفه دايم تلمع من الملمع واحيانا تشوفها ملونه من الروج
7- يستعمل بعض الكلمات الانجليزيه رغم تفهمه انه غبي مثل (( كيوت..نايس..سوي ت ))
8- يتطنز على الزقرت واللي مو كول واللي مو كول يستحقره
9- هياط على غير سنع
10- لازم حاط كم سلسال على رقبته

طموحات الكول واحلامه واهم اهتماماته:-

يشتري سياره جديده لان صديقه شاري سياره جديده
يرقص رقص غير طبيعي بحفلات الويك اند ولا رقاصه
بايسن في كل حين عشان يصير قوي (( ياقلبي ))
كل اساوره وسلاسله سارقهم من اخته
اربع وعشرين ساعه يفر ويرقم بنات خلق الله

ولا تبخلون علي بردودكم

#2 (**permalink**) 06-09-2009, 04:57 AM

حللللوووووووووو ووووووووووووه

وش السالفه امس عالبنات واليوم عالشباب>> طحتي محد سمى عليك بيجونك الزقرت

#3 (**permalink**) 06-09-2009, 05:06 AM

هههههههههههه والله للحين ماشفت احد منهم

#4 (**permalink**) 06-09-2009, 05:59 AM

الغزااااااااااا ااااااااااااااا ااال

وش عندك اليوم علينا مسويتنا شوارع

ههههههههههههههه هههه

زقرت صح

ولا مع جنبها

غزاال

واللي ماطلع من النوعين هذي كلها وش يصير ؟؟؟؟

#5 (**permalink**) 06-09-2009, 02:08 PM

مشكووووووووره الله يعطيك العافيه وين البنات يقرون الموضوع اليوم معنه غرررررريبه دايم مع التماسيح

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رجالة وستات وكلام تليفونات!!!	محمد	احتواء ما لا يحتوى	1	31-10-2009 03:55 PM
بن جدلان وشباب اليوم........	تكفيني الذكرى	صهيل القصيد	6	08-01-2009 04:11 AM
قصيدة هزت بنات وشباب السعودية	سمو الاحساس	صهيل القصيد	3	29-12-2008 07:24 PM
شباب نادي العرض يتغلب على شباب البطين	nedved	الرياضة والشباب	4	09-11-2008 07:35 PM
شباب الشباب يمزق شباب الهلال	شبيه الريح	الرياضة والشباب	5	12-01-2008 03:16 PM

الفرق بين شباب الزقرت وشباب الكووول؟؟

مساحة للضحك والفرفشة