| |
14-08-2009, 04:19 PM
| |||||||||||||
| |||||||||||||
نصيحة يالله يا منشي حقوق الخيالي يا آمر خلقه لبيته يحجون عفوك و عطفك يا عزيز الجلالي ياللي عبادك عند بيتك يطوفون شكواي لله و استعينه لحالي عسى لنا حظ مع اللي يعتقون يالله دخيلك لا تقصر حبالي يوم الحساب و لك ايديهم يمدون وابذكر الله في نصيحة عيالي لعلهم في طاعة الله يمشون ابزهم الاقصين و انخى الموالي اكودهم عن غفلة القلب يصحون ماهو بنوم دايما واكل حالي واذناب خرفان عليها يعزمون ارجع لربك وازبنه لا تمالي عن ساعة فيها الخلايق يضيعون لابد من يوم وراه الهوالي على الصراط وكلبوهم يحاشون والاوله بالمرجله لا تمالي من عاش بالدنيا ترى الرزق مضمون ما يغني الرجال حفظ الحلالي ولا فقروا اللي بالصخى ما يصدون اجلك ورزقك معتنن فيه والي حظك يساعدلك وذولاك يشقون وعليك بالعليا بحق الرجالي إليا جو مسايير لبابك يطقون اللي يبا الطوله يذب العوالي يصبر على الشداة ما يتبع الهون وإن جاك مضهود إيدينه خوالي وقدايمه في ما مضى دون في دون ارفع حجاجك للرفيق الموالي وادمح له الزله ومافات مدفون لابد ما تصفق هبوب الشمالي إما ذرى و إلا وراك يتذرون وترا الثلاث البيض عز الرجالي إن كانكم في سلم الاجواد تدرون والضيف باشرله بقدر وجلالي ومما تحوش وتاجده لا تردون تراه ستر لك وضراب فالي واللي يواجه منك لازم يقولون واحشم خويك واكرمه لا تمالي ترا الخوي عند الاجاويد مضمون والجار حقه في طويل العوالي لابد ما يرحل وبالخير يثنون ومن طق كلب الجار مدرك جمالي وبكوة غرير الجار فيها يسبون واحذر من المنزوع ؟؟؟ الرجالي إليا بليت إباليه عنك يقفون رافق رجال ينطحون الثقالي إليا عمست الابصار دونك يحامون وإلا حتات الناس حفاظ مالي لانافع ربعه ولا عنه يدرون اتبع سلوم مكرمين السبالي اللي على الشطات ما يتبع الهون محمد بن جازع
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| كل نصيحة ببعير | سمو الاحساس | حكايات من الوجد | 10 | 02-03-2010 01:20 PM |
| 100 نصيحة للشباب | محمد | الوقاية خير من الف علاج | 14 | 04-05-2009 10:34 PM |
| نصيحة | الخفاش الأسود | روحانيات | 10 | 15-04-2007 08:45 AM |
| نصيحة : للسمـــــينات فقط ! | ام ايلاف | الوقاية خير من الف علاج | 8 | 01-02-2007 01:57 PM |
 |  |
العرض الشجري
