| |
17-08-2009, 02:09 AM
| ||||||||||||
| ||||||||||||
رد: (دحيلة العافية )ياشرطة الرويضة .. السلام عليكم ورحمة الله وبركاته اشكرك يااخوي على طرح هالموضوع , والتقصير عندنا في الرويضة مو من الشرطه لحالها . ورغم ان الشرطه حسب قولك مقصرة الا انهم لهم جهود ما احد ينكرها وبغدين ما عندهم الا جيب واحد نظيف , هذا حسب مانشوف , والسؤال هنا ليش مايطلبون بسيارات جديده ونشيطه , والمفروض ان يكون في الدخل المحدود مركز ثابت لانه او على الاقل دوريه ثابته خاصه للمحدود لان اغلب التجمعات والجلسات فيه , واهم شي التفحيط الي يكون بين البيوت وانا سبق ان عانيبت منه هالتفحيط والي جصل هو ان فيه واحد فحط عند بيتي بعد صلاة الفجر والسفر توه طالع وصدم سيارتي وانحاش ولادريت ان سيارتي مصدومه الا بوم صحيت الساعه 9 صباحا تقريبا ويوم كلمت الشرطه جوني وقالوا من تتهم ونجيبه هالحين والا تشك في احد ؟؟؟؟؟؟؟؟؟؟؟؟؟ وانا يوم بلغتهم عشان ورقة الاصلاح للسياراة والا انا متاكد انهم مايقدرن يجيبونه ابدا وترا ماهوب تنقيص من قدرهم يوم اني عارف هالشي لانه مافيه اي شي يثبت على الاقل نوع السياره الهاربه ......... والي ابي اوصله هنا من الي يتحمل مثل هالحالات هل هو الي يفحط والا الايسرقون السيارات من عند ابواب المنازل والا صاحب السياره لانه موقف سيارته عتد بابه والا الشرطه الي مالها وجود ولا اثر في المحدود طبعااااااااا صاحب السيارة هو الي يتحمل تصليحها اذا صدمت مثلي والعوض على الله .... واذا سرقت كل مايجي فيها من خراب واعطال على صاحب السيارة .... والي يبي يسلم يدخل سيارته في سوره والي ماعنده سور ماله الا ان كل ماسمع صوت تفحيط والا ضربه قويه يقول يالله ان تستر يالله . وفي الختام الله لايهينهم ويجزاهم خير على مايبذلون من جهد وتعب وسهر ,وترا هم على حسب ماعندهم من امكانيات والدليل على كلامي ان جيوب المركز مافيه حيل ابد ولايفحط او يسبب الفوضى الا الي معاهم مواتر جديده ونشيطه اما كامري والا التيما واذا انحاش والله مايجيبه احد . ولو انه ماكان واثق من هالشي كان ما انحاش . وتقبلو تحياتي والظاهر اني سمعت تفحيط ابروح اشوف وعسى الله يستر , والله يحفظكم ويرعاكم |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| منتديات مجالس الرويضة تكرم فريق الرويضة الرياضي | ابو نـــmkـــواف | الرياضة والشباب | 32 | 13-01-2009 02:12 AM |
| مجالس الرويضة تتكفل بجوائز دورة الرويضة الرمضانية 1428هــ | أبوندى | الرياضة والشباب | 8 | 20-09-2007 02:13 AM |
| مجالس الرويضة تتكفل بجوائز دورة الرويضة الرمضانية 1428هــ | أبوندى | الرياضة والشباب | 9 | 04-09-2007 08:56 AM |
| اللهم إمنحه العافية وأعده لنا سالماً ...!! | أمل السرحان | حكايات من الوجد | 4 | 24-12-2006 12:29 AM |
| .. كلمات دخيلة على لغتنا العربيّة ..! | محمد | احتواء ما لا يحتوى | 17 | 13-12-2006 12:43 PM |
 |  |
العرض الشجري
