ماهوب كفو ..

#1 (**permalink**) 13-08-2009, 07:59 PM

...بسم الله الرحمن الرحيم ..

السلام عليكم ..
قصيدهـ راقت لي ..لشاعر /محمد بن فطيس ..

..اتمنا تنال اعجابكم ..

/
\
/
\

ماهوب كفو الوقت حبك يمحّيه
ياللي تخاف صروف الايام تمحاه

ارتاح دام ان المواصل يقويه
انت . انت وانا . انا وقلبي هو إياه

حتى ولو بتغيب ذكراك تكفيه
ياواحدٍ تكفي عن الناس ذكراه

حُبك على رملة خفوقي مواطيه
ورياح عذلي عَنك ماتمسح خطاه

واللي يعذل القلب عن درب غاليه
(يالله عسى اللي يبلا المواليف يبلاه)

اخفيه يابلفيت والحال يبديه
ادناة واحد ينظر الحال يقراه

مخفيه فيه ومعتنيٍ به وحاميه
عن كل عينٍ ودها تنزل حماه

قلبٍ يحبك والهوى الذرب ماليِه
كانك مكذبني بعينك تحلاه

شرط . ان تشوفك فيه منت بحواليه
ويمكن تشوف ديار واماكن رعاه

وتشوف به تمثال والوقت هاريه
وبتشوف زرعٍ ميتٍ واقفٍ ماه

وبتشوف جرحٍ فيه سكين راعيه
راح ونسى السكين والجرح ينخاه

وبتشوف حصنٍ عجّ الاقدار سافيّه
وبتشوف باقي بيت . راعيه خلاه

لاتنزعج . هذا خفوقي وباقيه
ولاتضايق من تصّدع زواياه

قَد زلزله فرقا وهزت عراويه
والله ستر والحظ عانه وعافاه

وكانه صلح لك واعجبك . زيد تبينه
ابنه وجهزّ للمقابيل مبناه

ابغيك بس من المفارق تداريه
وازهل من يداري شعورك ويدراه

وحلل وحرّم فيه . يا أبرك بلاويه
وحله وراع رضاي ورضاك وارضاه

جعلك بعد بعض الوجيه . امحق وجيه
ناسٍ مراتعها الرفيق بتقفاه

انواع . واخطر نوع مانيب ناسيه
نوعٍ على تفريق الاثنين مسعاه

تلقاه دوم . وكل يومٍ تلاقيه
واذا بغيت الصدق ماعاد تلاقه

وإلا انت . ردك كُل مادعيك لبيه
انا اشهدٍ منتوا بفي عيني اشباه

منت بمعى العالم . ولا تقولي ليه
انت ادرى مني وفي جوابي وفـحواه

كذيه ومن الله يازين وإليه
واغلى طروش القلب ودواه من داه

الحلم ياتيني بزولك واراعيه
وفي كل حلم اقوم قبل اتحفاه

واعشق سميك في البزارين وادعيه
واقبل خطاه الا اخطى واتلقاه

واسمك يروعني اذا مرّ طاريه
واحب ملقوفٍ يسولف وطراه

وامرّ بيتك من بعيدٍ ولا اجيه
وانا لو انه في يدي ماتعداه

حتى تواير موتري تلتفت فيه
تبغي تلفّ ويستحي العقل والجاه

وصلك يخيط الصدر والبعد يفريه
ويابري حالي كان صديت برياه

ويلي على ادري حبنا ويش تاليه
وويلي على ادري وش ورى الغيب ويلاه..

عشان اشوف اذا محبتك ترفيه
والله لاقفي عنك . استغفر الله

/
\
/
\

ممــآ رآق لي ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دكتور تكفى وقف الدرس لاهنت!!!	محمد	صهيل القصيد	10	04-10-2009 04:03 PM
اسير الغربه _تعال لاهنت ...!	كنق الفياض	شغب فرشاة	11	02-05-2009 05:55 PM
كثر المواصل بالهوى .. ماهوب زين ..	محمد	صهيل القصيد	4	18-04-2009 07:37 PM
يازين وقت (ن) فات ماهوب هالحين	ابو طارق	صهيل القصيد	9	29-12-2008 08:25 PM

ماهوب كفو ..

صهيل القصيد